Números 5:9 - Qullan Arunaka DC

⁹ “Taqi churäwinakampi, waxt'anakampi, kawkïrinaktix israelitanakax Tatitur luqtapkani, ukatsti sacerdoten ukar apapkani taqi ukanakax, sacerdotetakïniwa.

Aymar Bibliia 1986

⁹ “Take cawquïri ofrendanactejj israelitanacajj Tatitur ofrenda loktapcani, ucatsti sacerdoteru apapjjani, take ucanacasti sacerdotetaquïniwa.

Qullan Arunaca

⁹ “Take cawquïri ofrendanactejj israelitanacajj Tatitur ofrenda loktapcani, ucatsti sacerdoteru apapjjani, take ucanacasti sacerdotetaquïniwa.

Números 5:9 Jak'a apnaqawi uñst'ayäwi

Éxodo 29:28

Ukasti Aaronampitaki, wawanakapampitakïniwa. Aka luräwisti israelitanakatak wiñayatak arsut kamachïniwa, uka waxt'ax israelitanakan Tatitump sumankañatak luqtat wilañchäniwa.

Levítico 10:13

Mä qullan chiqawjan manq'apxam, kawkïr waxt'anakatix Tatitutak nakt'ayatäki ukanakatxa, ukawa jumampiru, wawanakamampirux wakt'apxtam. Tatitux nayar ukham situ.

Levítico 10:14

Ukatsti jaraphi aycha, kawkïritix mä suma waxt'äwïki, ukhamarak chara aycha kawkïritix mä suma churäwïkaraki ukanaksti, jumampi, yuqalla, imill wawanakamampiw mä q'uma chiqawjan manq'apxäta, ukaw jumanakarux wakt'apxtam, kuntix israelita jaqinakax sumankthapiñataki waxt'a luqtapki taqi ukanakata.

Levítico 10:15

Chara aychax mä churäwïkaspas ukhamawa, jaraphi aychasti mä suma waxt'äkaspas ukhamarakiwa, ukanaksti Tatitun nayraqatapar apatäniwa, mä suma waxt'äkaspas ukham luqtatäniwa, kawkïri lik'inakatix nakhantayañatak luqtatäki ukanakamp chika. Ukanakasti jumampina, wawanakamampinkaniwa, kunjämtix Tatitux arsuwayki ukhamarjama.

Levítico 6:26

26 (19) Jucha luratat uka wilañcha luqtasinxa, sacerdotex uka pachpat manq'arakini, ukampis kawkhatix qullana chiqäki ukkhan manq'añapa, Tatitump Jikisiñ Carpa anqäxana.

Levítico 7:32

Uka uywanakan kupi charapasti, kawkïritix sumankthapiñatak luqtatäki ukax, luqtäwi luratapat sacerdoter churatäxaniwa.

Levítico 7:34

kuna wilañchanaktix israelitanakax sumankthapiñatak nayar luqtapkitu uka jaraphi aychanakxa, mä suma luqtäwïkaspas ukham katuqta, lankhu charsti, mä churäwïkaspas ukhamaraki, uka waxt'anaksti Aaronampiru, sacerdote yuqanakapampiruw churxta, jupanakarupun wakt'atap layku.”

Números 18:19

Israelitanakax nayatak yaqhachapkani taqi uka churäwinaksti, jumaruw churäma, ukhamarak jumamp chika jakkani uka yuqall wawamampiru, imill wawamampiru. Uka arsutax wiñayatak arsut kamachiwa. Jan p'akintkaya, wiñay arust'äwiwa, nayaw jumampi, juman saraqirinakamamp uka arust'äwi lurta.”

Números 31:41

Moisesasti Tatitun arsutaparjamaw Tatitur wakt'ki ukanak Eleazar sacerdoter katuyxäna.

Números 5:8

Ñanqhachat jaqitix jiwaspa, ukat janirak khiti wila masipar ukanak kuttayañas utjkaspa ukapachasti, ukax Tatitutakïniwa, sacerdoten katuqañapataki. Ukhamarus, ñanqhachir jaqix mä urqu oveja sacerdoten ukar apañapa, wilañcha luqtañapataki, ukhamat juchapat pampachäwi jikxatañapataki.

Deuteronomio 12:26

Ukampisa kawkïr yänaktix Diosar luqtä sapkta ukanakxa, kawkha chiqarutix Diosax ajlliski ukaruw apapxäta,