Números 4:20 - Qullan Arunaka DC

²⁰ Ukhamat jupanakax kunatix qullanäki ukanak uñjir jan mantapkaniti, janirakiw jiwapkanisa.”

Aymar Bibliia 1986

²⁰ Uqhamatwa jupanacajj jan mantapcaniti cunatejj kollanäqui ucanac uñjirejja, ucatsti janiraquiw jiwapcanisa.”

Qullan Arunaca

²⁰ Uqhamatwa jupanacajj jan mantapcaniti cunatejj kollanäqui ucanac uñjirejja, ucatsti janiraquiw jiwapcanisa.”

Números 4:20 Jak'a apnaqawi uñst'ayäwi

Éxodo 19:21

Tatitusti Moisesarux sänwa: —Saraqasin israelitanakaruw yatiyäta, chimputäki uka chiqat janipun nayar uñjañatak makhatanipxpati, jan ist'asis jak'achasinipxaspa ukaxa, waljaniw jiwaraspa.

Levítico 10:2

Ukat mä ninax Tatitun nayraqatapat mistunïna, jupanakarusti q'al nakhantasin jiwarayäna.

Levítico 16:13

uka inciensompisti, Tatit nayraqatan uka ninxaruw jach'xatani, uka incienson jiwq'ipasti Tatitumpi amtäwi arcapar qhupxatatäki ukaruw chhaqtayani. Ukhamat Aaronax jan jiwkaniti.

Números 1:51

Markax sarantkani ukapachasti, Leví ayllunkirinakaw arust'äwi qullan carpa apthapipxani; utjnuqtapkani ukkhasti, jupanakarakiw wasitat sayt'ayapxani. Khiti jaqitix jan Leví ayllunkirïkasin uka qullan chiqawjar jak'achasini ukaxa, jiwaniwa.

Números 18:3

Jupanakax juman yanapirinakamäniwa, carpan kuna lurañatix utjki ukanakansa yanapasirakiniwa, ukampis Tatitump Jikisiñ Carpan yänakapampiru, altarampirux jan jak'achasipxpati; jan ukasti, jupanakax jiwapxaniwa, jumanakas jiwapxarakïtawa.

Números 4:15

Aaronampi, wawanakapampix taqi uka qullan yänak llawthapiñ tukuyxapxani, sarantañatakis niya jank'akïpxarakini ukapachasti, Quehat chachan wawanakapaw jutapxani, taqi uka yänak apañataki. Ukampis kunatix qullanäki ukxa janiw llamkt'apxañapäkiti, jupanakan jan jiwapxañapataki. Quehat chachan wawanakapax, taqi aka qullan yänak Tatitump Jikisiñ Carpat apapxañapa.

Números 4:19

Jan jupanakan qullan yänak llamkt'apxatap layku mutuyat uñjasis jiwasipkañapatakix, akanak lurapxañapa: Aaronampi, wawanakapampiw sapa maynir unañchani, kunanaktix lurapxañapäki, kunanaktix apapxañapäki ukanaka.

Números 4:21

Tatitux Moisesar saskakïnwa:

Apocalipsis 11:19

Ukatsti Tatitun utapan punkunakapaw alaxpachan jist'artäna, uka utap manqhansti arust'äwipa arcaw uñstäna. Ukatsti lliju llijunakampi, qhixu qhixunakampiw utjäna, wali uxuñanaka, uraq khathatinaka, wali ch'aman chhijchhimpiw utjarakïna.

1 Samuel 6:19

Tatitusti Bet-semes chiqan utjasir paqallq tunka chachanakaruw jiwarayäna, Tatitun arcap uñantapxatap layku. Uka markankirinakasti ukham uñjasax walpun jachapxäna.