Números 4:15 - Qullan Arunaka DC

¹⁵ Aaronampi, wawanakapampix taqi uka qullan yänak llawthapiñ tukuyxapxani, sarantañatakis niya jank'akïpxarakini ukapachasti, Quehat chachan wawanakapaw jutapxani, taqi uka yänak apañataki. Ukampis kunatix qullanäki ukxa janiw llamkt'apxañapäkiti, jupanakan jan jiwapxañapataki. Quehat chachan wawanakapax, taqi aka qullan yänak Tatitump Jikisiñ Carpat apapxañapa.

Aymar Bibliia 1986

¹⁵ Cunapachatejj Aaronampi wawanacapampejj take kollana k'oma yänac llawthapiñ kalltapjjani, sarañataquisa niya janc'aquïpjjaraquini ucapachasti Coat chachan wawanacapaw jutapjjani take ucanac apañataqui; ucampis janiw amparanacapampi llamct'apcaniti cunatejj kollanäqui ucjja, jan jupanacan jiwañanacapataqui. Take acanacwa apapjjañapa Tatitumpi Jiquisiñ Carpatjja, Coat chachan wawanacapajja.

Qullan Arunaca

¹⁵ Cunapachatejj Aaronampi wawanacapampejj take kollana k'oma yänac llawthapiñ kalltapjjani, sarañataquisa niya janc'aquïpjjaraquini ucapachasti Coat chachan wawanacapaw jutapjjani take ucanac apañataqui; ucampis janiw amparanacapampi llamct'apcaniti cunatejj kollanäqui ucjja, jan jupanacan jiwañanacapataqui. Take acanacwa apapjjañapa Tatitumpi Jiquisiñ Carpatjja, Coat chachan wawanacapajja.

Números 4:15 Jak'a apnaqawi uñst'ayäwi

2 Samuel 15:24

Sadoc chachax sararakïnwa, Tatitun arust'äwi arcapa apapkän taqi uka levitanakampi, uka arcsti Abiatar jak'aruw jaytapxäna taqi jaqinakan markat mistuniñapkama.

2 Samuel 6:13

Tatitun arcap apirinakasti, suxta chillqiki sartasipktayna ukapachaw, Davidax mä urqu vacampi, mä lik'i urqu ovejamp wilañcha luqtäna.

1 Reyes 8:3

Ukarusti Israelan taqpach jilïr jaqinakapaw purinipxäna, ukat sacerdotenakax arca apxarupxäna,

1 Crónicas 15:15

Jupanakax lawanakat lurasaw kallachinakapxar apapxäna, kunjämtix Tatitux Moisesar siskatayna ukhamarjama.

1 Crónicas 15:2

Ukhamasti sänwa: “Janiw khitis levitanakat yaqhax Diosan arcap apañapäkiti, Tatituw jupanakarux arcap apañatak ajllisi, ukhamarak jupar wiñayatak luqtapxañapataki” sasa.

1 Crónicas 23:26

Ukat levitanakax janiw juk'ampi Tatitun chhujllapsa, Tatitur yupaychañ qullan yänakapsa apnaqxapxaniti” sasa.

Éxodo 19:12

Ukampis qullu kayurux chimpunak uchäta, israelitanakan jan makhataniñapataki, jupanakarusti saskakim: “Janiw qullur makhatapxätati, janirakiw thiyanakaparus jak'achasipxätati, chimputäki uksa janiw makhatapxätati, qullur jak'achasirix jiwayataw uñjasini.

Éxodo 19:21

Tatitusti Moisesarux sänwa: —Saraqasin israelitanakaruw yatiyäta, chimputäki uka chiqat janipun nayar uñjañatak makhatanipxpati, jan ist'asis jak'achasinipxaspa ukaxa, waljaniw jiwaraspa.

Éxodo 27:7

Uka muruq'u lawanakax argollanak taypir sut'untatäñapawa, altar purap thiyaru, ukhamat altar kallañataki.

Levítico 16:13

uka inciensompisti, Tatit nayraqatan uka ninxaruw jach'xatani, uka incienson jiwq'ipasti Tatitumpi amtäwi arcapar qhupxatatäki ukaruw chhaqtayani. Ukhamat Aaronax jan jiwkaniti.

Números 1:50

Jupanakarux Tatitumpi Jikisiñ Carpan luqtapxañapatakiw uchäta, taqi kunanakatix uka qullan chiqawja manqhan utjki ukanak uñjapxañapataki. Jupanakaw arust'äwi qullan carpampi, uka manqhan utjir yänakamp apapxani, ukhamarakiw jupanakax qullan chiqawjar muyuntas utjnuqtapxani.

Números 1:51

Markax sarantkani ukapachasti, Leví ayllunkirinakaw arust'äwi qullan carpa apthapipxani; utjnuqtapkani ukkhasti, jupanakarakiw wasitat sayt'ayapxani. Khiti jaqitix jan Leví ayllunkirïkasin uka qullan chiqawjar jak'achasini ukaxa, jiwaniwa.

Números 10:21

Ukxarusti Quehat chachan saraqirinakapaw Tatitump Jikisiñ Carpan yänak apt'asit sarantapxäna. Utjnuqäwir puripxän ukkhasti, Tatitump Jikisiñ Carpax niyaw sayt'ayatäxäna.

Números 18:3

Jupanakax juman yanapirinakamäniwa, carpan kuna lurañatix utjki ukanakansa yanapasirakiniwa, ukampis Tatitump Jikisiñ Carpan yänakapampiru, altarampirux jan jak'achasipxpati; jan ukasti, jupanakax jiwapxaniwa, jumanakas jiwapxarakïtawa.

Números 3:38

Moisesampi, Aaronampi, wawanakapampix, Tatitump Jikisiñ Carpa nayräxaparu, inti jalsu tuqiruw utjnuqtapxäna. Jupanakaw israelitanakan sutipar qullan utjäwi uñjapxäna. Mayni jaqitix jan sacerdotëkasin, sacerdoten lurañap lurkän ukapachaxa, jiwayatäñatak juchañchatänwa.

Números 4:14

Uka patxarusti taqi kunanakatix altaran yupaychañatak wakiski ukanak uchapxani: nina sank'a nakhayañanaka, nina jawriñanaka, lampanaka, jach'a qirunaka; taqi kunanakatix altaran apnaqaski ukanaka. Taqi ukanakaruw suma lip'ichinakamp imxatapxani, kallañatakisti lawanak uskupxarakini.

Números 4:19

Jan jupanakan qullan yänak llamkt'apxatap layku mutuyat uñjasis jiwasipkañapatakix, akanak lurapxañapa: Aaronampi, wawanakapampiw sapa maynir unañchani, kunanaktix lurapxañapäki, kunanaktix apapxañapäki ukanaka.

Números 4:20

Ukhamat jupanakax kunatix qullanäki ukanak uñjir jan mantapkaniti, janirakiw jiwapkanisa.”

Números 7:9

Ukampis Quehat chachan wawanakaparux janiw kuna carretanaksa, urqu vacanaksa churkänti, jupanakan luräwinakapasti qullan yänaka kallachipxar apapxañapänwa uka layku.

Deuteronomio 31:9

Moisesasti aka kamachinak qillqantasin Diosan arust'äwi lurat arcap apiri levita sacerdotenakaruw churäna, Israelan taqpach jilïri jaqinakaparux churarakïnwa.

Josué 4:10

Tatitun arust'äwi arcap apapkäna uka sacerdotenakasti Jordán jawir taypin qhiparapxäna, ukchañkamasti israelitanakax kuntix Tatitux Josué tuqi jupanakan lurapxañapatak siskäna ukanak phuqhasipkäna. Taqi kunas kunjämtix Moisesax Josué chachar iwxkatayna ukhamarjamaw phuqhasïna. Jaqinakasti jank'akiw jawir makhatapxäna,

1 Samuel 6:19

Tatitusti Bet-semes chiqan utjasir paqallq tunka chachanakaruw jiwarayäna, Tatitun arcap uñantapxatap layku. Uka markankirinakasti ukham uñjasax walpun jachapxäna.