Números 35:2 - Qullan Arunaka DC

² “Israelitanakar parlam, jupanakar wakt'ki uka uraqinakatxa, levitanakan jakasipxañapatak markanak churapxpan, uka markanakar muyuntir uraqinak taypin, uywanak awatisiñ uraqinak churapxarakpan.

Aymar Bibliia 1986

² “Israelitanacarojj parlam, cawquïri orakenactejj jupanacaru wact'qui ucanacatjja, levitanacarojj marcanaca churapjjaracpan jacapjjañapataqui, uywanac awatisiñ orakenacsa, cawquïrinacatejj marcanacar muyuntqui ucanaca.

Qullan Arunaca

² “Israelitanacarojj parlam, cawquïri orakenactejj jupanacaru wact'qui ucanacatjja, levitanacarojj marcanaca churapjjaracpan jacapjjañapataqui, uywanac awatisiñ orakenacsa, cawquïrinacatejj marcanacar muyuntqui ucanaca.

Números 35:2 Jak'a apnaqawi uñst'ayäwi

1 Crónicas 13:2

uka qhipatsti taqi Israel markaruw säna: “Aka amuyutix jumanakatak walïchi, ukat Tatit Diosat wakisirakchi ukaxa, Israel uraqpachan qhiparapki uka marka masinakasar yatiyir khithapxañäni, ukatsti taqpach sacerdotenakaru, levitanakaru, khitinakatix markanakapan awatiñ uraqinakapan jikxatasipki ukanakar jawsayaniñäni, jiwasar jaqkattañapataki,

2 Crónicas 11:14

levitanakasti uywa awatiñ uraqinakapsa, yapunakapsa apanukuwayapxänwa Jerusalenaru sarxañataki, ukhamarak Judá uraqinkir yaqha chiqanakar sarxañataki, Jeroboam reyisa, jupa lanti utt'asir reyinakas Tatitur luqtañ luräwinakat jupanakar jark'apxatap layku.

2 Crónicas 31:19

Taqi markanakansti ajllit chachanakaw utjäna, Aarón chachat saraqir sacerdotenak taypin kunatix wakt'ki ukanak lakiñataki, ukhamarak qillqantatäpkäna uka levitanakaru, khitinakatix sacerdotenakan markanakapan uywa awatiñ uraqinakapan jakapkän ukanakar lakiñataki.

Nehemías 13:10

Ukatsti kuntix levitanakaru churañax wakt'ki ukanak jan churapxatap yatirakta, ukat levitanakasa, yupaychäwin q'uchuyiritaki uskutäki uka q'uchurinakasa uraqiparkam sarxapxatapa.

Ezequiel 48:8

“Ukxarusti kawkïr uraqitix yaqhachatäki ukarak tupt'apxäta, uka uraqisti inti jalanta tuqita inti jalsu tuqikamaw purini. Uka uraqisti iramarux pä tupu chikatanïniwa, sayt'urusti kawkïr uraqinakatix inti jalsu tuqita, inti jalanta tuqikam tupt'askixa uka pachpa tupunïniwa. Tatitun utapax uka taypinkaniwa.

Números 35:1

Israel markax Moab uraqi pampanakan jikxataskäna, Jordán jawira jak'ana, Jericó marka uñkatasina, ukapachaw Tatitux Moisesar parläna, akham sasa:

Números 35:3

Uka markanakan levitanakax jakapxani, pampanakansti uywanakapampi, yaqha animalanakamp uywapxani.

Deuteronomio 18:6

“Khiti levitatix kawkha markanakamat mistunini, Israel uraqinakata, chuymapar jaysasin Tatitun ajllit chiqawjar jutañ munkan ukaxa,