Números 34:4 - Qullan Arunaka DC

⁴ ukatsti aynach tuqirux Acrabim sat amsta chiqakamaw sarani, Sin chiqanjam sarakipani, ukatsti Cadés-barnea chiqakamaw purini. Ukatsti Hasar-adar chiqatxa, Asmón chiqakamaw sarani,

Aymar Bibliia 1986

⁴ ucatsti sarascaquiniw aynacha tokerojj Acrabim sat amsta chekacama, Zin chekanjam pasawayani, ucatsti Cades-barnea sat chekacamaw purini. Ucatsti sarascaquiniw Hasar-adar sat cheka, Asmón sat chekacama.

Qullan Arunaca

⁴ ucatsti sarascaquiniw aynacha tokerojj Acrabim sat amsta chekacama, Zin chekanjam pasawayani, ucatsti Cades-barnea sat chekacamaw purini. Ucatsti sarascaquiniw Hasar-adar sat cheka, Asmón sat chekacama.

Números 34:4 Jak'a apnaqawi uñst'ayäwi

Números 13:21

Uka chachanakasti sarasin uka uraq uñakipapxäna, aynach tuqit qalltapxäna, Sin sat wasarata, ukawjatsti Rehob chiqakamaw sarapxäna, ukasti Hamat jak'ankiwa.

Números 13:26

Parán wasaran Cadés sat chiqaruw kuttanxapxäna. Ukan Moisesampi, Aaronampi, taqpach israelitanakampix jikxatasipxäna. Ukatsti kuntix yatxatanipkatayna taqi ukanak jupanakar yatiyapxäna, uka uraqit apanipkatayna uka achunaksa uñacht'ayapxarakïnwa.

Números 20:1

Israelitanakax marat nayrïr phaxsi saraqataruw Sin sat wasarar puripxäna; ukatsti Cadés chiqan mä qawqha pacha qamarapxäna. Ukan Mariax jiwxäna, ukanarak p'amp'atäxäna.

Números 32:8

Uka kipkarak awkinakamax lurapxäna, jupanakar nayax Cadés-barnea chiqat uka uraqinak uñakipir khitkäyät ukkhaxa.

Números 34:3

“Aynach tuqirux Sin wasarampi, Edom uraqimpi qurpäniwa. Inti jalsu tuqit sartasinsti, Mar Muerto quta aynachat qurpax qalltani,

Josué 15:1

Kawkïr uraqinaktix Judá ayllunkirinakaru suertetkam wakt'kän uka uraqinakax, Edom qurpakamaw purïna, aynach tuqirux Sin sat wasarata Temán chiqakama.

Jueces 1:36

Amorreonakan qurpapasti, Acrabim amstat qalltasin Selá chiqakamänwa, uka chiqatsti alaykam makhataskakïnwa.