Números 33:53 - Qullan Arunaka DC

⁵³ Uka uraqi katuntapxam, ukan utjantasipxam, nayaw jumanakar uka uraq katusxapxañamatak churapxsma.

Aymar Bibliia 1986

⁵³ Catuntapjjam uca orake, ucatsti ucan utjantasipjjam, nayaw jumanacaru uca orakjja catuyapjjsma, jumanacancañapataqui.

Qullan Arunaca

⁵³ Catuntapjjam uca orake, ucatsti ucan utjantasipjjam, nayaw jumanacaru uca orakjja catuyapjjsma, jumanacancañapataqui.

Números 33:53 Jak'a apnaqawi uñst'ayäwi

Génesis 15:7

sarakïnwa: —Nayätwa Tatituxa; nayaw Ur sata Caldea uraqit irpsunsma, aka uraqi jumar tutit churañataki —sasa.

Salmos 115:16

Alaxpachax Tatitunkiwa, jaqirusti uraq katuyi.

Daniel (hebreo) 4:17

17 (14) Tatitun qullan angelanakapaw juchañchäwi arunak arsuwayapxi, ukhamat taqi jaqinakax yatipxani, alaxpachankir Diosax ch'amanïtapa, jaqinakan marka apnaqañanakapxaru, jupaw marka apnaqañanaksa churaraki, khitirutix churañ munki ukaru, ukatsti mä markan jilïripat utt'ayaraki, khititix taqi jaqinakat sipan llamp'u chuymanïki ukaru.’ ”

Daniel (hebreo) 4:25

25 (22) Juma reyix jaqinak taypit yaqhachatäxätawa, pampa laq'unakamp chikaw jakarakïta, vacanakjamaw quranak manq'äta, janchimxarus sullaw sullantarakini. Ukhamaw juma jach'a reyix paqallq mara jakäta, alaxpachankir Diosan taqi akapachan marka apnaqäwinakxarus munañanïtapa yatiqañamkama, khitirutix jupax munki ukaru marka apnaqirit utt'ayatapa.

Daniel (hebreo) 4:32

32 (29) jaqinak taypit apanukutäyätawa, paqallq maraw pampa jach'a laq'unakamp jakäta, vacanakjamaw quranak manq'äta, alaxpachankir Diosan aka uraqin utjir taqi markanakxarus munañanïtap uñt'käta ukkhakama, khitirutix jupax munki ukar marka apnaqirit utt'ayatapa” sasa.

Mateo 20:15

¿Janit qullqixampix kuntix nayax munkta uk lurañaxax wakiskitu? Jan ukax, ¿janich jumatak suma chuymanïtaxax walïki?’ sasa.

Deuteronomio 11:31

Jumanakax Jordán jawira makhatañampïpxtawa, Tatit Diosamax churapkätam uka uraqi katuntapxäta. Jumanakax uka uraqi katuntasin uka uraqin jakasipxarakïta ukapachaxa,

Deuteronomio 17:14

“Tatit Diosamax churapkätam uka uraq katuntapkäta, ukatsti markanakaman utjantasxapxäta ukapachax sapxarakisma: ‘Nanakar apnaqañapatak mä reyinïñ munapxta, kamisatix nanak jak'ankir markanakan reyix utjki ukhama’ sasa.

Deuteronomio 3:18

“Uka urun nayax akham iwxapxaraksma: ‘Jumanakan Tatit Diosamaw aka uraqi jumanakar katuyapxtam. Khitinakatix nuwasiñ yatipkta ukanakax nuwasiñ yänakam apxarusin israelit jilanakam nayräxap sarantapxam.

Deuteronomio 32:8

Alaxpachankir awkix mä kutiw jaqinaka, markanak lakintäna, markanakan qurpanakapsa ucharakïna, ukampis Israel markaruw juk'amp yäqäna.

Deuteronomio 7:17

“Inas jumanakax chuymanakaman amuyapxchïta: ‘Aka markanakax jiwasat sipan juk'ampi jilt'atawa, ¿kunjämaraki t'unjapxiriststi?’ sasa.

Josué 1:6

Jumasti wali ch'amani sayt'asim janirak axsaramti, jumaruw aka markaru uraq lakiñax wakt'tam; uksti nayaw nayra awkinakapar churañatak arsüyäta.

Josué 21:43

Ukhamawa Tatitux Israel markaru taqi uka uraqinak churäna, kunjämtix nayra awkinakapar juramentompi arskatayna ukhamar phuqhasa, jupanakasti uka uraqinakan utjnuqtasipxäna, ukan jakasipxarakïna.

Josué 23:5

Tatituw uka uraqinakan jakirinakarux jaqunukuskani, ukatsti jumanakaw katuntapxäta kunjämtix Tatitux arsuwayki ukhamar phuqhasa.