Números 31:8 - Qullan Arunaka DC

⁸ Jiwarayat chachanak taypinsti madianita phisqa reyinakaw ukankäna: Eví, Réquem, Sur, Hur, Reba jupanaka. Beor chachan Balaam sat yuqapas ukankarakïnwa.

Aymar Bibliia 1986

⁸ Uqhamaw jiwarayapjjäna, Evi, Requem, Zur, Hur, Reba, uca madianitanacan pheska reyinacaparojja, uqhamarac Balaam sat Beor chachan yokaparusa.

Qullan Arunaca

⁸ Uqhamaw jiwarayapjjäna, Evi, Requem, Zur, Hur, Reba, uca madianitanacan pheska reyinacaparojja, uqhamarac Balaam sat Beor chachan yokaparusa.

Números 31:8 Jak'a apnaqawi uñst'ayäwi

Salmos 10:2

Qhuru jaqin jach'a jach'a tukuñapax q'apisiñampiw llakit jaqirux t'aqhisiyi; ukampis jupan wakichat pachpa sipitaruw jalt'askani.

Salmos 9:16

16 (17) Tatitux chiqapar uñjirïtap uñt'ayasi: ñanqha lurir jaqisti pachpa sipitaparuw jalt'i.

Proverbios 11:3

Chiqa sarnaqir jaqinakarux chiqa kankañapaw irpi; k'ari sarnaqir jaqinakarusti k'ari kankañapaw tukji.

Proverbios 13:17

Jan wali yatiyirix jan walt'añanakaruw puriyi; chiqa yatiyiristi sumaruw puriyaraki.

Habacuc 3:7

Nayax Cusán uraqinkir jaqinakarux t'aqhisiñar puripxatap uñjta, Madián uraqinkir jaqinakarusti axsarañat khathatipxatap uñjarakta.

Números 22:10

Balaamasti sänwa: —Moab markat jutapxi; Balac reyin khithanakapawa.

Números 22:4

Ukat Moab markankir jaqinakax, Madián markan jilïrinakapar jawsayasin sapxäna: “Israelitanakax kunatix utjkistu taqi ukanak tukjapxani, kunjämtix vacanakax pampanakan utjir ch'uxñanak tukuntki ukhama” sasa.

Números 22:5

Ukapachasti, Beor chachan Balaam sat yuqapax wila masinakapampiw Petor markan jakäna, uka markasti Éufrates jawir thiyankänwa. Balac reyisti markapan jilïrinakaparuw khithäna Balaamar akham sapxañapataki: “Egiptot jaltanxasin mä jach'a markax, nanakan uraqix jak'aruw purinti.

Números 23:10

Jupanakax laq'ar uñtatawa; ¿khitirak jupanakar jakt'aspasti? ¿Khitirak qawqhätapsa yatirakispasti? ¡Nayax uka aski jaqinakjam jiwañ munirista, tukuy urunakaxas jupanakan tukuyapjamarakïspa!” sasa.

Números 24:14

Jichhax markaxar kuttawayxä, ukampis janïr sarkasin, kuntix akat qhipar Israel markax markamar lurkan uk arsuwayä —sasa.

Números 24:25

Uka qhipat Balaamax utapar kuttawayxäna, Balac reyisti thakhipanjam sarxarakïna.

Números 25:15

Madianita warmisti Cozbí satänwa, jupasti Sur chachan phuchhapänwa, Madián markankir aytat wila masipan jilïripa.

Números 25:18

kunjämtix jupanakax jumanakar nuwantapktam k'ari luräwinakamp Baal-peor diosar yupaychayasa, ukhamarak madianita jilïrin Cozbí phuchhapan lanzamp jununtas jiwayatätapatsa, ukasti Baal-peor diosar yupaychapxatam layku mutuyäwi apayankta ukapachaw ukham lurasïna.

Números 31:16

Uka warminakaw Balaaman jan wali amuyt'ayatax, israelitanakar iyawsayasin Tatitut saraqayapxäna, Baal-peor diosar yupaychayasa. Ukat Tatitux mä jan wali usumpi markapar mutuyäna.

Números 31:9

Israelitanakax madianita warminakampiru, jisk'a wawanakapampiruw katuntasin apapxäna, ukatsti uywanakapampi, jila alani yänakapamp jupanakat aparapxäna;

2 Pedro 2:15

Chiqpach thakhit saranukupxi, chhaqhañ thakhin sarnaqapxi. Beor chachan Balaam yuqapan lurataparuw arkapxi, khititix ñanqha luras walja qullqi jikxatañ munkäna ukaru,

Judas 1:11

¡Ay jupanakat kunakïkani! Caín chachan thakhip arkirinakaxa. Balaam chachjamaw qullqi jikxatañ laykux maysar saranukupxi, Coré chachjamaw saykatasipxatapat jiwapxi.

Apocalipsis 19:20

Uka jach'a axsarkañ animalasti k'ari profetamp chika katuntatäxänwa, uka k'ari profetasti muspharkañanak lurirïtayna uka axsarkañ animal nayraqatana. Uka muspharkañ luräwinak tuqiw, uka k'ari profetax sallqjatayna khitinakarutix jach'a axsarkañ animalan chimpupampi chimpuyasipkatayna, ukatsti ukan uñtasit lursutapar yupaychapkatayna ukanakaru. Ukatsti k'ari profetasa, uka axsarkañ animalasa azufrempi aqaskir nina qutar jakkirpacha jaquntataw uñjasipxäna.

Apocalipsis 2:14

Ukampisa, jumatak arsuñaxaw utjitu: Balaam sat jaqin yatichäwinakap jan apanukuñ munirinakaw ukan utjaski, jumasti janiw kamsktasa. Uka Balaam jaqix Balac chacharuw amtayäna israelita jaqinakar juchar puriyañataki, idolonakar luqtatäkis ukanak manq'ayasa, uka idolonak nayraqatan wachuqa jucha lurayasa.