Números 29:1 - Qullan Arunaka DC

¹ “Paqallqür phaxsina, nayrïr uru saraqataruw jumanakax mä qullan tantachasïwi lurapxäta. Uka urusti janiw kuna irnaqañanaksa lurapxätati, trompetanak phust'asaw uka uru yatiyapxäta.

Aymar Bibliia 1986

¹ “Pakallko phajjsin kallta urupanjja, jumanacasti mä k'oma tantachasïwi lurapjjäta. Uca urusti janiraquiw cuna casta irnakañsa lurapjjätati, ucatsti uca urjja trompetanac phust'asaw yatiyapjjäta.

Qullan Arunaca

¹ “Pakallko phajjsin kallta urupanjja, jumanacasti mä k'oma tantachasïwi lurapjjäta. Uca urusti janiraquiw cuna casta irnakañsa lurapjjätati, ucatsti uca urjja trompetanac phust'asaw yatiyapjjäta.

Números 29:1 Jak'a apnaqawi uñst'ayäwi

1 Crónicas 15:28

Taqpach Israel markaw Tatitun arust'äwi arcap ukham apapxäna, kusisiñatsa wali jach'at arnaqasisa, ukhamarak pututunaka, trompetanaka, platillonaka, salterionaka, arpanak toct'asisa.

Esdras 3:6

Tatitun utapax janïra lurañ qalltaskäna ukasa, paqallqür phaxsin nayrïr urutpach nakt'at luqtäwinak Tatitur churañ qalltapxäna.

Nehemías 7:73

73 (72) “Ukatsti sacerdotenakasa, levitanakasa, punku uñjirinakasa, q'uchurinakasa, markachirinakasa, Tatitun utapan yanapirinakasa, taqi Israel markpachaw utjäwiparkam utt'ayatäxäna.” Paqallqu phaxsïri purinipansti, israelita jaqinakax markanakapar suma utjantatäxapxänwa.

Nehemías 8:2

Esdras chachasti paqallqüri phaxsina, nayrïr uru saraqataruw kamachinakan qillqat aptanïna; kawkhantix chachanakasa, warminakas tantachatapkäna, ukhamaraki khitinakatix suma amuyt'irïpkän uka jaqinakan nayraqataparu.

Salmos 81:3

3 (4) Machaq phaxsi uñstipan trompet phust'apxam, urt'a puripansti, phust'apxarakim ukürux jiwasanakan jach'a urusawa.

Salmos 89:15

15 (16) Tatay, jumar kusisiñampi yupaychir markax kusisiñaniwa, qhanamamp qhant'ayat sarnaqir markax kusisiñaniwa,

Éxodo 23:16

“Yapu apthapiñ uru uruyäta, yapunakamat nayrïr achunak apthapkät ukapacha. Ukxarusti mara tukusiruw uruyarakïta, jumax yapunakam taqpach apthapiñ tukuykät ukapacha.

Éxodo 34:22

“Semananaka sata phunchhäwi uruyapxäta, trigon nayrïr achunakap apthapkasina, ukhamarak mara tukusi juyra apthapkasina.

Isaías 27:13

Uka urunsti mä jach'a trompetaw phust'asini, khitinakatix Asiria markan katuntatäpkän ukanakaxa, Egiptor apayatäpkäna ukanakasa, Tatitur yupaychiriw Jerusalén qullana markar jutapxani.

Levítico 23:23

Tatitux Moisesaruw mayïna

Levítico 23:7

Qallta urusti mä qullan tantachasïwi lurapxäta. Uka urux janipuniw kuna ch'ama tukuñ irnaqañanaksa lurapxätati.

Zacarías 9:14

Tatituw markapxarux uñacht'ayasini; mich'inakap lliju llijunakjam antutt'ani. Dios Tatituw trompet phust'ani, aynach jach'a thayamp chikaw sarantarakini.

Números 28:26

“Nayrïr achunak luqtañ urunxa, Tatitur yapunakamat machaq achunakap apthapisin luqtapkäta ukapachax, Semananaka sat uruyañ urunxa, qullan tantachäwi lurapxarakïta. Uka urusti janiw kunsa irnaqapxätati.

Números 29:12

“Paqallqür phaxsina, tunka phisqan uru saraqatarusti, jumanakax qullan tantachasïwi lurapxäta. Uka urux janiw kunanaksa irnaqapxätati. Paqallqu uruw Tatitun jach'a kankañapar jach'añchasa uruyapxäta.

Números 29:2

Tatitur jach'añchas nakt'at mä suma q'apkir waxt'a luqtapxäta, mä urqu vaca qallu, mä urqu oveja, maran paqallqu urqu ovejanaka, uka uywanakasti jan kuna kamacht'atäñapawa.

Números 29:35

“Kimsaqallqür urusti mä jach'a tantachasïwi lurasaw uruyapxäta, uka urusti janirakiw kuna irnaqañanaksa lurapxätati.