Números 28:2 - Qullan Arunaka DC

² “Israelitanakar parlam, jupanakar sarakim: wakisit uruyañanakan, jan armt'asis nayar luqtapxitpan, t'ant'ampi, nakt'ayat waxt'anakampi, nayatak suma q'apkir waxt'a luqtanaka.

Aymar Bibliia 1986

² “Israelitanacarojj wayt'am jan armt'asisa nayar loktapjjañapataqui, t'ant'a, uqhamarac nact'ayat ofrendanaca suma amtasqui uca fiestanacana, mä suma k'apquir ofrenda nayataqui.

Qullan Arunaca

² “Israelitanacarojj wayt'am jan armt'asisa nayar loktapjjañapataqui, t'ant'a, uqhamarac nact'ayat ofrendanaca suma amtasqui uca fiestanacana, mä suma k'apquir ofrenda nayataqui.

Números 28:2 Jak'a apnaqawi uñst'ayäwi

Génesis 8:21

Kunapachatix uka suma q'aphix Tatitun ukar purïna ukkhasti, Tatitux akham sänwa: “Janipuniw mayampsa aka uraqirux jaqin jucha luratap laykux ñanqhachkxäti, jaqix waynatpacha ñanqha lurañak amtaski. Janirakiw animalanakarus mayampsa tukjkxäti, kunjämtix jichhax lurktxa ukhama.

1 Crónicas 23:31

kunapachatix sábado urunakana, machaq phaxsi uruyäwinakana, wakiskir uruyäwinakan nakt'at waxt'äwinak Tatitur luqtapkän ukkhaxa, lurañanakaparjamaw Tatiturux luqtapxäna.

2 Crónicas 23:18

Ukxarusti, Joiadá sacerdotex Tatitun utaparux uñjirinak uchäna, jupanakax sacerdotenakana, levitanakan apnaqatänwa, Davidaw jupanakarux Tatitun utapan nakt'at wilañchanak Tatitur luqtapxañapatak wakt'ayatayna, kunjämtix Moisesan kamachipan qillqatäki ukhamarjam lurasa, kusisiñampi q'uchusa kunjämtix Davidax wakt'äwaykatayna ukhamarjama.

2 Crónicas 31:3

Ukhamarakiw reyix jupan utjir yänakapat churäna, willjta tuqiru, jayp'u tuqir nakt'at wilañcha luqtañataki, sábado urunakan wilañchanakataki, machaq phaxsi uruyañ urutaki, jach'a uruyañ urunakataki, Tatitun kamachipan qillqatäki ukhamarjama.

Esdras 3:2

Ukatsti Josadac chachan Josué yuqapasa, sacerdote masinakapasa Israelan Tatitupan altarap lurañ qalltapxäna, Salatiel chachan Zorobabel yuqapampi, wila masinakapamp chika, kunjämtix Diosan jaqipa Moisés tuqi kamachix arskäna ukarjam uka patxan nakt'at luqtäwinak luqtañataki.

Esdras 3:3

Altarsti suma utt'ayat lurapxäna, uksa tuqin jakir jaqinakar jupanakan axsarapxatapata, sapa willjtanaka, sapa jayp'unakaw uka patxan Tatitur jach'añchas luqtäwinak luqtapxäna.

Nehemías 10:34

34 (35) Ukatsti sacerdotenakasa, levitanakasa, markachirinakamp chikaw suertet jaqtapxta, wakisitaparjam sapa mara Tatitusan utapar lawa apañataki, Tatitu Diosasan altarapan nakt'ayañataki, kamisatix kamachin qillqatäki ukhamarjama.

Salmos 81:3

3 (4) Machaq phaxsi uñstipan trompet phust'apxam, urt'a puripansti, phust'apxarakim ukürux jiwasanakan jach'a urusawa.

Éxodo 23:15

Jan levaduran t'ant'a manq'añ uru uruyäta, arsutaxarjamasti paqallq uruw jan levaduran t'ant'a manq'äta. Abib sat phaxsin luräta, uka phaxsin Egiptot mistunitam layku. Ukampis uka uruyäwirux janiw khitis ukhamak jan kun apanis nayar uñstir jutañapäkiti.

Éxodo 29:18

Ukat altar patxar oveja nakt'ayasin Tatitur jach'añchas luqtäta, uka nakt'at waxt'an suma q'apkirïñapataki.

Ezequiel 16:19

Jumar uywañatak manq'ayksma uka suma jak'ut lurat t'ant'ampi, aceitempi, misk'impxa, uka yaqha diosanakaruw mä suma q'apkir waxt'a luqtaraktaxa. Naya, Tatituw uk arsta.

Ezequiel 20:41

Kunapachatix nayax uka yaqha markanakata, kawkhanakantix ananukut uñjasisipkta ukanakat tantachthapipkäma, taqi markanak nayraqatan nayan q'uma kankañaxsa uñacht'ayapkäma, ukapachaw nayax jumanakan suma q'apkir luqtäwinakam katuqapxäma.

Ezequiel 45:17

marka apnaqir jilïriw wilañcha luqtañatak uka uywanak churani, ukhamarak granonakata, vinotsa qawqhatix wakiski waxt'a churañatakix uk churani, wawa phaxsix uñstankani ukapacha, samarañ sábado urunakana, Israelan taqi phunchhäwi urunakapan churani. Jupaw jucha luratanakatsa wilañchanak luqtani, granonakat waxt'äwinaka, nakt'ayat luqtäwinaka, sumankthapiñ wilañchanak luqtarakini, ukhamat Israel markan juchanakapan pampachatäñapataki.

Levítico 1:13

Khititix luqtkani ukasti uka uywan jiphillanakapsa, chhuchhullinakapsa umampiw jariqañapa, uksti sacerdotew altarxar taqpach nakhantayani, Tatitutak mä suma q'apkir luqtäwïñapataki.

Levítico 1:17

Ukxarusti uka palomxa chhiqhanakat katt'asaw ch'iyjañapa, jan payar jaljtayasa, ukatsti sacerdotew altarxan ninax aqaski ukxar uka paloma nakhantayani, Tatitutak mä suma q'apkir luqtäñapataki.

Levítico 1:9

Khititix luqtkani ukasti uka uywan jiphillanakapsa, chhuchhullinakapsa umampiw jariqañapa, uksti sacerdotew altarxar taqpach nakhantayani, Tatitutak mä suma q'apkir luqtäwïñapataki.

Levítico 21:6

jan ukasti, Tatit Diosaparuw katuyasipxañapa, jupan sutip janirakiw ñanqhachapxañapäkiti, jupanakaw taqi nakt'at waxt'anaksa, Tatitun t'ant'apsa luqtapxi; ukhamasti jupanakax Tatitutak yaqhachatapuniw sarnaqapxañapa.

Levítico 21:8

Jupanakarusti yaqhachatpun utjayam, jupanakax Tatitun t'ant'ap luqtirinakäpxiwa. Juma nayraqatansti q'uma jaqinakäpxañapawa; naya Tatitun qullanätax layku, nayarakiw jumanakarux qullana tukuyapxsma.

Levítico 3:11

Ukatsti, sacerdotex taqi ukanak altarxaruw nakhantayani, ukasti Tatitur jach'añchañatak nakt'ayat manq'añ waxt'äkaspas ukhamäniwa.

Malaquías 1:12

Ukampis jumanakax ñanqhachapxistawa. Altaraxax jisk'achañäkaspas ukham amuyapxtaxa, ‘uchatäki uka manq'anakax axtqañawa’ sasaw jisk'achapxaraktaxa.

Malaquías 1:7

Jumanakax altaraxar q'añu t'ant'anak apanipxtaxa, ukampis jiskhisipkakistawa: ‘¿Kun lurasarak jumar ñaqhachapxsmasti?’ sasa. Altaraxax jumanakan ñanqhachañatakïkaspas ukham amuyapxtaxa,

Números 15:24

“Markpachatix jan amuyasis pantjasinixa, taqpach markaw mä urqu vaca qallu luqtitani, nakt'ayat suma q'apkir luqta, wakiski uka grano achunakampi, vino waxt'apampi, Diosan arsutaparjama; ukxarusti, jucha luratat mä chivo wilañcha luqtapxitäta.

Números 15:3

ukatsti nayar jach'añchas mä urqu vaca, jan ukax, mä ovejsa luqtapxitäta suma q'apkir wilañcha nakt'ayañataki, kuntix arsupkta ukanak phuqhasa, jan ukax, chuymanakamatjam waxt'a churasa, jan ukax, mä uruyäwi uruyasasa ukapachaxa,

Números 15:7

mä litrot jilpacha vinompi, nayatak suma q'apkir luqtäñapataki.

Números 28:1

Tatitux Moisesaruw säna:

Números 29:39

“Uka wilañchanak jumanakax uruyañ urunakan Tatitur luqtapxäta, chuymanakamatjam waxt'a luqtapkäta, arsuta phuqhasin waxt'a luqtapkäta ukax yaqhäskaniwa, nakt'ayat waxt'äpansa, grano juyra waxt'äpansa, vino waxt'äpansa, jan ukax, sumankthapiñ wilañchäpansa.”

Números 9:13

Ukampis khititix q'uma jikxataskasina, jan saräwinkkasina Pascua jan uruykani uka jaqix, markap taypit apanukutaw uñjasini. Uka urun Tatitur waxt'a jan luqtatap laykusti, uka juchapat mutuyataw uñjasini.

Números 9:7

Moisesarusti akham sapxäna: —Nanakax mä jiwat jaqin amayap llamkt'apxta, uka laykuw q'añuchat uñjasipxta. Ukhamasti, ¿janit nanakasti mayni israelitanakamp chika amtatäki uka urun Tatitur waxt'a luqtapkiriststi? —sasa.

2 Corintios 2:15

Jiwasax Cristox Diosar luqtki uka suma incienson q'aphipjamätanwa. Ukasti qhispiyatanak taypiru, jan qhispiyatanak taypiruw puri.

Efesios 5:2

Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

Filipenses 4:18

Epafrodito jilatampi apayanipkista uk taqpach katuqxta, jichhasti jilarkiriw utjitu. Kuntix apayanipkista ukax mä suma q'apkir inciensökaspas ukhamawa, uksti Diosax kusisiñampiw katuqi.