Números 28:19 - Qullan Arunaka DC

¹⁹ Tatituruw nakt'ayat waxt'a luqtapxäta, pä urqu vaca qallu, mä urqu oveja, mä maran paqallqu urqu oveja, uka uywanakasti jan kuna kamacht'atäñapawa.

Aymar Bibliia 1986

¹⁹ Tatiturusti mä nact'ayat ofrendjama pä vaca kallunaca, mä orko oveja, pakallko orko ovejanaca, ucanacasti mä marani ovejanacäñapawa jan usuchjataraqui loktapjjäta.

Qullan Arunaca

¹⁹ Tatiturusti mä nact'ayat ofrendjama pä vaca kallunaca, mä orko oveja, pakallko orko ovejanaca, ucanacasti mä marani ovejanacäñapawa jan usuchjataraqui loktapjjäta.

Números 28:19 Jak'a apnaqawi uñst'ayäwi

2 Crónicas 35:12

Ukatsti nakhantayatäxañapatakix lik'inak apaqapxäna, qawqhanitix markan wila masi tamanakax utjkäna ukhamarjam Tatitur luqtapxañapataki, Moisesan qillqatapan arsutäki ukhamarjama; uka pachparak vaca qallunakampix lurapxäna.

Levítico 1:3

“Luqtañ uywatix nakhantayañatak urqu vacänixa, ukax jan kuna kamacht'atäñapawa. Katuqatäñatakisti, Tatitun nayraqatapana, jupampi Jikisiñ Carpar mantañäkis ukawjan luqtatäñapawa,

Levítico 22:20

katuqatäñapatakix jan kamacht'at k'umara uywäñapawa, janitix k'umaräkani ukapachasti janiw katuqatäkaniti.

Números 28:20

Uka wilañchanakamp chikax, suma jak'u aceitempi chapuntat waxt'xa, akham lurapxäta: sapaqat vaca qallutxa, suxta kilo jak'u, sapaqat urqu ovejatxa, pusi kilo jak'u,

Números 28:31

Uka luqtasti sapüru nakt'ayat waxt'at sipana, grano juyranakat waxt'ampi, vino waxt'amp chika luqtapxäta. Uywanakasti jan kuna kamacht'atäñapawa.

Números 29:8

Tatitur jach'añchas nakt'at suma q'apkir waxt'a luqtapxäta, mä urqu vaca qallumpi, mä urqu ovejampi, marani paqallqu urqu ovejampi, uka uywanakasti jan kuna kamacht'atäñapawa.

Deuteronomio 15:21

Ukampisa uka nayrïr wawachat qallunakatix jan k'umaräkani, kayu wixchünisa, juykhünisa, janiw ukham uywanak Tatit Diosamatak wilañcha luqtätati.

Deuteronomio 16:2

“Pascua urunakanxa vacanakampi, ovejanakampi luqtapxäta, Tatit Diosamar wilañcha luqtasa, kawkha chiqarutix jupax sutipan utjäwipatak ajlliskani uka chiqana.

1 Pedro 1:19

jan ukax Tatit Jesucriston suma wilapamp alatawa. Jupasti mä suma q'uma jan kamacht'at ovejar uñtat luqtatarakïnwa.