Números 27:21 - Qullan Arunaka DC

²¹ Josué chachax Eleazar sacerdoten nayraqataparuw uñstañapa, Eleazarasti Urim tuqiw sutipxar nayar jiskt'itani. Josué chachaw israelitanakar apnaqani taqi kuna lurañanakapansa —sasa.

Aymar Bibliia 1986

²¹ Ucampisa Josué chachajj Eleazar sacerdoter uñstañapawa. Ucatsti Eleazar sacerdotew sutipampi jisct'ani, Urim sat toke. Josué chachaw israelitanacarojj apnakani take cuna lurañanacapansa.

Qullan Arunaca

²¹ Ucampisa Josué chachajj Eleazar sacerdoter uñstañapawa. Ucatsti Eleazar sacerdotew sutipampi jisct'ani, Urim sat toke. Josué chachaw israelitanacarojj apnakani take cuna lurañanacapansa.

Números 27:21 Jak'a apnaqawi uñst'ayäwi

2 Samuel 21:1

Davidan urunakapan mä jach'a mach'aw utjäna, ukasti kimsa maränwa. Ukat Davidax Tatitur jiskt'asïna, Tatitusti jupar sänwa: “Aka mach'ax Saúl reyin juchanakap layku, wila masinakapan juchanakap laykuw utji, gabaonita jaqinakar jiwarayapxatap layku” sasa.

Esdras 2:63

Ukhamarusa, mark apnaqirix jupanakar Tatitur luqtat manq'anakat jan manq'apxañapatakiw yatiyäna; mä sacerdoten Urim, Tumim sat qalanak tuqi kunjämänis uk yatiñapkama.

Nehemías 7:65

Ukhamarusa, marka apnaqirixa, jupanakarux luqtat manq'anakat jan manq'apxañapatakiw yatiyäna, mä sacerdoten uk yatxatañapkama, Urim, Tumim sat qalanak tuqi.

Éxodo 28:30

Ukatsti pectoral isi patxarux Urim, Tumim sat chiqa aski uñjañ qalanak uchäta, Aaronax chuymapar warkuntat apañapataki, kunapachatix Tatitun nayraqapatar uñstkani ukapacha. Ukhamwa Aaronax chuyma patapar uka chiqa aski uñjañ qalanak Tatitun nayraqatapan apapunini.

Levítico 8:8

Ukxarusti pectoralampiw uskuraki, uka patxarusti Urim, Tumim uka qalanak ucharaki, uka jisk'a qalanakax Tatitun munañap yatiñatakïnwa.

Malaquías 2:7

Sacerdotenakan lurañanakapasti, jaqinakaru nayar uñt'aña yatichapxañapawa, ukatsti taqinirakiw jupanakan ukaru sarapxañapa suma yatichäwinak katuqiri, jupanakax taqi ch'aman Tatitun suma arunakap qhanañchiri khithanita jaqinakäpxatap layku.

Números 27:2

Mä urusti, uka phisqa kullakanakax qullan utjäwi mantañaruw sarapxäna, Moisesampi, Eleazar sacerdotempi, markan jilïrinakapampi, taqpach israelitanakamp parlañataki. Ukat jupanakar sapxäna:

Números 27:20

jumasti jilïr kankañamat jupar churäta, taqpach Israel markan jupar jaysañapataki.

Números 27:22

Moisesasti Tatitun arsutaparjamaw luräna. Josué chachar irptawayasinxa, Eleazar sacerdoten nayraqataparuw irpkatäna, taqpach marka nayraqatampiru.

Números 27:5

Moisesasti uka warminakan mayitanakap Tatituruw yatiyäna,

Deuteronomio 31:3

Ukampis Tatit Diosamaw jumanakan nayräxam sarani, juman nayräxamatsa uka markanakar t'unjarakini, uraqipan jakapxañamataki. Josué chachaw jumanakan nayraqatam sarani, jupasti Tatitux siski ukhamarjam jach'a jilïrit utt'ayatawa.

Deuteronomio 33:8

Leví ayllurusti sarakïnwa: “Diosax israelitanakampiw tuqisïna Masá chiqan jupanakar yant'arakïna, Meribá sat uma jalsu thiyana. Ukampis jupax iyawsañampiw uñjapxtam jupar jaysapxatamata, arust'äwip phuqhas sarnaqapxatamata, awkinakamaru, jilanakamaru, wawanakamar ist'añat sipana. Ukat Tatitux jumanakar Urim, Tumim katuyapxtam, jupan sacerdotenakap utt'ayapxaraktam.

Josué 9:14

Israelitanakasti gabaonita jaqinakan manq'añanakap mallt'apxäna, ukampis uk lurañatakix janiw Tatiturux jiskt'asipkänti.

Jueces 1:1

Josué chachan jiwxatapatsti, israelitanakax Tatituruw jiskt'apxäna, kawkïr ayllus nayraqata cananeo jaqinakampi nuwasispa uk yatiñataki.

Jueces 20:18

Israelitanakasti Betel markaruw sarapxäna, ukawjan Diosarux jiskt'asipxäna, kawkïr ayllusa Benjamín ayllunkirinakar nayraqat katuntaspa uk yatiñataki. Tatitusti Judá ayllunkiri nayraqat sarañapa yatiyäna.

1 Samuel 14:19

Saúl reyisti sacerdotempi parlañkamax filisteonak taypin juk'ampi jan walt'añanakaw sartäna. Ukat Saúl reyix sacerdoterux sarakïna: —Jan apankamti —sasa.

1 Samuel 23:9

Ukampisa, Davidax Saúl reyin ukham nuwantañ amtatap yatisax Abiatar sacerdoteruw mayïna efod isi aptaniñapataki, ukat Tatitur jiskt'añataki.

1 Samuel 28:6

Ukatsti Tatituruw jiskt'asïna, ukampis Tatitux janiw juparux samkanak tuqisa, Urim tuqisa, profetanaka tuqis jayskänti.

1 Samuel 30:7

ukatsti Abiatar sacerdoteruw achikt'asis säna: —Efod isi apanirapita —sasa. Abiatar sacerdotesti Davidatakix jank'akiw uka isi aparapïna,