Números 26:55 - Qullan Arunaka DC

⁵⁵ Uraqinak lakiñasti suertet wakt'atarjamäniwa. Sapaqat mayniw tunu awkit saraqir ayllunkiritjam uraqip katuqani.

Aymar Bibliia 1986

⁵⁵ Orakenac laquintañasti suertetjamäniwa. Sapakat mayniw partepjja catokani cawquïri triburutejj awquip tokejj wact'qui uqhamarjama.

Qullan Arunaca

⁵⁵ Orakenac laquintañasti suertetjamäniwa. Sapakat mayniw partepjja catokani cawquïri triburutejj awquip tokejj wact'qui uqhamarjama.

Números 26:55 Jak'a apnaqawi uñst'ayäwi

Proverbios 16:33

Amtäwinak lurañax jaqinkiwa, ukampis Tatituw munañani uka amtäwinakan phuqhasiñapatakisa, jan phuqhasiñapatakisa.

Proverbios 18:18

Tatitun taripäwipaw ch'axwañanakar tukuyi, yaqha yaqharak ch'axwirinakar jaljtayi.

Ezequiel 47:22

Uka uraqisti jumanakaru wakt'apktam uka tutiwa, ukhamaraki kawkïr jaqinakatix yaqha markanakat jutasin jumanak taypin jakapkani, wawanakanïpkarakini ukanakarus wakt'arakini. Jupanakarusti Israel uraqin yurirïpkaspas ukham uñjapxäta. Israel ayllunakar uraqi lakintapkäta ukkhasti, jupanakarux wakt'arakiniwa.

Números 26:56

Uraqinak lakintañax suertetjamaw wakt'ani, ayllunkiritjama, wila masi tamankiritjama” sasa.

Números 33:54

Ukampis suerte jaqtasaw uraqi jaljapxäta, taqpach ayllunakan utjir wila masi tamanakaru; walja jaqini wila masi tamarux jach'a uraqinak churapxäta, juk'a jaqini wila masi tamanakarusti jisk'a uraqinak churapxarakïta; suertet wakt'ki ukhamarjamaw sapa wila masi tamanakax katuqani.

Números 34:13

Moisesax israelitanakar sarakïnwa: —Aka uraqinak jumanakax suertetkam lakintasipxäta; Tatituw uka uraqinak churasiñapatak arsüna, llätunk chikatani qhiparir ayllunakaru.

Números 36:2

—Tatitux suertet wakt'kani uka uraqinak israelitanak taypin lakintañamatakiw jumar sistam, ukatsti saraktamwa Selofhad wila masixar wakt'añapäki uka uraqi phuchhanakapar churxañamataki.

Hechos 1:26

Uka qhipatsti, suertenak jaqtapxäna uka paninit ajlliñataki, suertex Matiasaruw wakt'äna, jupampiw tunka mayan apostolur yapxatasïna.

Colosenses 1:12

Dios Awkir yuspagarapxäta, juparakiw jumanakar wakichapxtam uka waxt'asïwip qhanan katuqapxañamataki, uksti Diosax jupan qullan markaparuw churani.

Josué 11:23

Ukhamaw Josué chachax taqi uka uraqinak katuntäna, kunjämtix Tatitux Moisesar siskatayna ukhamarjama. Ukatsti Israelan tunka payan ayllunakaparuw uka uraqinak jupanakan tutipäñapatak lakintäna. Uka qhipatsti samarañaw uka uraqinakan utjxäna.

Josué 14:2

Uka uraqinakasti suertetkam llätunka chikatani ayllunakarux lakinuqasïna, kunjämatix Tatitux Moisesar siskatayna ukarjama.

Josué 17:14

Josean wawanakapax Josué chacharux sapxänwa: —¿Kunatarak nanakarusti mä jisk'a uraqik suertet churapxistasti? Nanakax waljanïpxtwa, Tatitusti nanakarux askinak churapxitu —sasa.

Josué 18:6

Uka uraqinak paqallqu chiqar jaljasinsti, kunjämätaynas uk yatiyapxitani, ukatsti nayax Tatit nayraqatan lakinuqapxäma.

Josué 19:1

Ukatsti payïri uraqix Simeón ayllunkir wila masi tamanakaruw wakt'äna. Uka uraqix Judá ayllun uraqinakap taypinkänwa,

Josué 19:10

Kimsïri uraqix Zabulón ayllunkir wila masi tamanakaparuw wakt'äna. Uraqipan qurpapax Sarid chiqakamänwa,

Josué 19:17

Pusïri uraqix Isacar ayllunkir wila masi tamanakaparuw wakt'äna.

Josué 19:24

Phisqïri uraqix Aser ayllunkir wila masi tamanakaparuw wakt'äna.

Josué 19:32

Suxtïri uraqix Neftalí ayllunkir wila masi tamanakaparuw wakt'äna.

Josué 19:40

Paqallqüri uraqix Dan ayllunkir wila masi tamanakaparuw wakt'äna.