Números 26:53 - Qullan Arunaka DC

⁵³ “Taqi aka jaqinakaruw uraqinak lakintäta, qawqha jaqinakatix qillqantatäki ukhamarjama.

Aymar Bibliia 1986

⁵³ “Take aca jakenacaruw orakenacjja laquintapjjäta, kawkhanitejj sutinacapajj kellkantatäqui uqhamarjama.

Qullan Arunaca

⁵³ “Take aca jakenacaruw orakenacjja laquintapjjäta, kawkhanitejj sutinacapajj kellkantatäqui uqhamarjama.

Números 26:53 Jak'a apnaqawi uñst'ayäwi

Génesis 12:2

Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

1 Crónicas 16:18

kunapachatix siskäna: ‘Nayax Canaán uraqi churäma jumar wakt'ir churäwimjam katuyxäma’ sasa.

Salmos 105:44

Diosar jan uñt'ir jaqinakan uraqinakap katuyäna, yaqha markanakan uraqinakap churxäna,

Salmos 49:14

14 (15) Uka jaqinakatakix jiwaw awatiripaxa, ovejanakarjamaw amay imäwirux anakiski. Willjtankan ukapachasti, aski jaqinakaw jupanakarux atipjani; ch'amapax aynacht'aniwa, utapasti manqhapacharakïniwa.

Ezequiel 47:22

Uka uraqisti jumanakaru wakt'apktam uka tutiwa, ukhamaraki kawkïr jaqinakatix yaqha markanakat jutasin jumanak taypin jakapkani, wawanakanïpkarakini ukanakarus wakt'arakini. Jupanakarusti Israel uraqin yurirïpkaspas ukham uñjapxäta. Israel ayllunakar uraqi lakintapkäta ukkhasti, jupanakarux wakt'arakiniwa.

Daniel (hebreo) 7:27

Ukatsti marka apnaqäwisa, munañan kankañasa, qhapaq kankañasa, taqi akapachankir apnaqäwinakasa, alaxpachankir Tatitun markapar katuyatäxaniwa. Marka apnaqäwipasti wiñayatakipunïniwa, juparuw taqi akapachankir markanakax luqtapxani, jaysapxarakini.’

Números 26:52

Tatitux Moisesar wasitat parlxayäna, juparusti sarakïnwa:

Números 26:54

Waljanïki uka tamanakarux jilpach uraqi churäta; juk'anïki uka tamanakarusti jisk'a uraqik churarakïta. Sapaqat tamaruw jakthapitarjam uraqix churasini.

Números 33:54

Ukampis suerte jaqtasaw uraqi jaljapxäta, taqpach ayllunakan utjir wila masi tamanakaru; walja jaqini wila masi tamarux jach'a uraqinak churapxäta, juk'a jaqini wila masi tamanakarusti jisk'a uraqinak churapxarakïta; suertet wakt'ki ukhamarjamaw sapa wila masi tamanakax katuqani.

Mateo 5:5

“Kusisiñanïpxiw llamp'u chuymaninakaxa, jupanakax mä suma uraq katuqapxani.

Josué 1:6

Jumasti wali ch'amani sayt'asim janirak axsaramti, jumaruw aka markaru uraq lakiñax wakt'tam; uksti nayaw nayra awkinakapar churañatak arsüyäta.

Josué 11:23

Ukhamaw Josué chachax taqi uka uraqinak katuntäna, kunjämtix Tatitux Moisesar siskatayna ukhamarjama. Ukatsti Israelan tunka payan ayllunakaparuw uka uraqinak jupanakan tutipäñapatak lakintäna. Uka qhipatsti samarañaw uka uraqinakan utjxäna.

Josué 14:1

Eleazar sacerdotempi, Nun chachan Josué yuqapampix, wila masi tamanakan jilïrinakapamp chikaw israelitanakarux cananeo uraqinak lakintapxäna, Jordán jawirat inti jalanta tuqina.

Apocalipsis 21:27

Janipuniw uka markarux kuna q'añus mantkaniti, janirakiw k'ari diosanakar yupaychirinakasa, sallqjirinakas mantkaniti. Jan ukasti, khitinakan sutipatix Corderon wiñay jakañ qillqatapan qillqatäki ukanakakiw uka markarux mantapxani.

Apocalipsis 5:10

Jupanakat mä marka tukuytaxa, reyinaka, sacerdotenak Diosatak tukuytaxa, taqi aka uraqpachar apnaqapxañapataki” sasa.