Números 26:11 - Qullan Arunaka DC

¹¹ Coré chachan wawanakapakiw jan jiwapkänti.

Aymar Bibliia 1986

¹¹ Ucampisa Coré chachan wawanacapajj janiw jiwapcänti.

Qullan Arunaca

¹¹ Ucampisa Coré chachan wawanacapajj janiw jiwapcänti.

Números 26:11 Jak'a apnaqawi uñst'ayäwi

1 Crónicas 6:7

7 (33) Meraiot jaqix Amarías chachan awkipänwa, Amarías jaqisti Ahitob chachan awkipänwa,

1 Crónicas 9:19

Salum, Coré chachan wawapa, jupax Ebiasaf chachan wawapa, jupax Coré chachan wawapa, coreítas wila masinakapax Tatitun utapar mantañ punkup uñjirinakänwa, kunjämatix nayra awkinakapax Tatitun campamentopar mantañap uñjapkän ukhama.

Salmos 42:1

1 (2) Diosaxay, kunjämatix tarujax umat pharjatax jalkir uma thaqkixa, ukhamaw nayax jumar thaqsma.

Salmos 44:1

1 (2) Tatit Diosay, jinchunakaxampiw ist'apxta, awkinakaxaw yatiyapxitu kuntix khaya urunakapan lurkta taqi ukanakata:

Salmos 45:1

1 (2) Muxsa arunakaw chuymaxan phullch'iraski; laxraxax qillqirin suma qillqañapjamawa. ¡Reyin nayraqatapan q'ucht'arapï!

Salmos 46:1

1 (2) Diosaw imantasiñasaxa, juparakiw ch'amañchirisasa, jupaw chijinakan arxatirisaxa.

Salmos 47:1

1 (2) ¡Taqpach markanaka, ampar t'axllirasipxam! ¡Kusisiñat art'asiñampi Diosar jach'añchapxam!

Salmos 48:1

1 (2) ¡Tatitux jach'a ch'amaniwa! ¡Diosasax jach'añchatäñatakix askiwa, qullan markapansa, qullan qullupansa!

Salmos 49:1

1 (2) Taqpach markanaka, aka arunak ist'apxam, akapachan jakirinaka, sum ist'apxam,

Salmos 50:1

Khititix diosanakan Diosapäki uka Tatituw arsu; inti jalsuta, inti jalantat jakirinakarux jawsthapi.

Éxodo 6:24

Coré chachan wawanakapasti: Asir, Elcaná, Abiasaf, jupanakawa. Coreítas sat wila masinkirïpxiwa.

Números 16:27

Ukatsti taqpach jaqiw Coré, Datán, Abiram jaqinakan chhujllanakapat jithiqtxapxäna. Datán, Abiram uka chachanakasti chhujllanakap mantañaruw mistsunipxatayna, ukawjan jupanakax warminakapampi, taqpach wawanakapamp chika sayt'atäsipkäna.

Números 16:32

ukatsti Coré chachar jaqkattapkatayna taqi uka chachanakaruw manq'antäna, wila masinakapampiru, yänakapampiru.

Números 16:33

Jupanakax jakaskirpachaw manqha pachar jalantapxäna, taqi yänakapamppacha, ukatsti uraqix jist'antasxänwa. Ukhamaw taqi uka jaqinakax israelitanak taypit chhaqtayatäxäna.

Números 16:5

ukatsti Coré jaqimpiru, arkirinakapampirux sänwa: —Arumanthiw Tatitux yatiyani khitis jupanki, khitis jupar katuyata, khitirakis jupar waxt'anak luqtaspa ukanaka. Jupax khitirutix ajlliskan ukakiw waxt'anak luqtani.

Números 26:12

Simeón chachat saraqir wila masi tamanakan wawanakapax Nemuel, Jamín, Jaquín,

Deuteronomio 11:6

ukatsti kunjämtix Datanampiru, Abiramampiru Rubenat saraqir Eliab chachan wawanakaparux lurkäna ukanak amtasipxam; kunjämtix jupanakatak uraqix jist'artkäna, ukatsti Israel jaqinakan uñjkaña uraqix jupanakaru, wila masinakaparu, chhujllanakaparu, yänakapamppachar manq'antkäna ukanaka.

Deuteronomio 24:16

“Janiw awkimpi, taykampix wawanakapan jucha luratanakapat jiwayatäñatak juchañchatäkaniti, janirakiw wawanakas awkipana, taykapan jucha luratanakapat jiwayatäkaniti, jan ukasti sapaqat mayniw jucha luratap layku jiwañapatak juchañchat uñjasiskani.