Números 25:11 - Qullan Arunaka DC

¹¹ —Finees chachaw israelitanakatak q'apisitax apaqitu, jupax nayan aytat kankañax waqaychi, ukat nayax israelitanakar q'apisiñaxan atipat jan taqpach jiwaraykti.

Aymar Bibliia 1986

¹¹ —Finees sat chachaw israelitanac toke colerasitajjjja t'acurayjjetu, jupasti nayjamaraquiwa colerasïna nayan jach'a cancañajj sum uñjañataqui, ucatwa jupanacarojj colerasiñajjampi jan tucjcjjäti.

Qullan Arunaca

¹¹ —Finees sat chachaw israelitanac toke colerasitajjjja t'acurayjjetu, jupasti nayjamaraquiwa colerasïna nayan jach'a cancañajj sum uñjañataqui, ucatwa jupanacarojj colerasiñajjampi jan tucjcjjäti.

Números 25:11 Jak'a apnaqawi uñst'ayäwi

2 Samuel 21:14

ukatsti, Saúl reyin Quis sat awkipan imäwiparuw imt'ayxäna. Uka amay imäwisti Selá chiqankänwa, Benjamín uraqina. Taqi kunas David reyin arsutaparjam phuqhasipansti, Tatitux mayisitanakap ist'änwa, markarusti askinakampiw phuqt'äna.

1 Reyes 14:22

Judá uraqi markachirinakax jan walinak Tatitun nayraqatapan lurapxäna, nayra awkinakapan jucha luratanakapat sipansa juk'amp juchachasipxäna, ukasti walpun Tatitur q'apisiyäna.

Salmos 106:23

Diosax jupanakar tukjañ munäna; jupan ajllit Moisesasti, nayraqatapan achikt'äna, ukat q'apisiñap t'akurayäna.

Salmos 106:30

Finees chachasti juchanirux juchap uñt'ayäna, ukhamat uka jach'a usux jan purinkxänti,

Salmos 106:31

Finees chachan aski luräwipatxa, wawapan wawapansa aytatapunïniwa.

Salmos 78:58

Jucha lurañ altaranakapampiw Diosarux q'apisiyapxäna, akapach diosanakar yupaychatapampiw Diosan chuymap mayjt'ayapxäna.

Éxodo 20:5

Janiw uka diosanakatak killt'asïtati, janirakiw yupaychätasa, nayaw juman Tatit Diosamätxa, jan yaqhampïñam munir Diosätwa, nayar uñisir awkinakan juchapatxa, nayaw wawanakaparusa, allchhinakaparusa, allchhinakan allchhinakaparus mutuyta;

Éxodo 22:5

5 (4) “Khititix uywanakap ananukusin pampana, jan ukax mä uva yapun manq'ayaspa, ukatsti uywanakapax yaqha jaqin yapupar mantasin manq'suraqaspa ukaxa, uywanix manq'suyatapat yapupankirit suma juyranak churañapa.

Éxodo 34:14

“Janipuniw yaqha diosanakarux yupaychapxätati, Tatitux janiw yaqhampïpxañam munkiti. Sutipasti jan yaqhampïñap muniri satawa.

Ezequiel 16:38

Chachanakampi wachuqa jucha lurañanakan sarnaqatanakamata, jaqi jiwayatanakamat juchañchäma, wali jach'a q'apisiñampiw jumarux jiwañaru katuyäma.

Nahúm 1:2

Tatitux taqinin jupar chiqa arkañas muni; khitinakatix jupar saykatapki, uñisipkaraki ukanakarux mutuyiwa.

Sofonías 1:18

Tatitun q'apisïwi urupanxa, aka uraqix uka q'apisiñapampix q'ala nakhantatäniwa, janiw jaqirux qullqipasa, quripas qhispiykaniti. ¡Aka uraqin jakir jaqinakax jan mayan tukjatarakïniwa!

Sofonías 3:8

Jichhaxa, ukham lurapxatanakamatxa, jumanakar mutuyañ urux jak'ankiwa. Naya, Tatituw Israel markan Diosapätxa, arsutaxarux phuqhapuniwa. Markanakar mayar tantachthapiñatakiw amtta, jach'a q'apisiñaxampiw uka markanakar mutuyä. Q'apisitäkta ukkhaxa, mä ninjamätwa; ¡aka uraqpach nakhantayarakïxa!

Números 25:10

Ukatsti Tatitux Moisesar sänwa:

Juan 3:36

Khititix Yuqar iyawski ukax wiñay jakañaniwa; khititix Yuqar jan iyawski ukasti janiw wiñay jakañanïkaniti, jan ukasti Diosan axsarkañ mutuyäwip katuqani.

1 Corintios 10:22

Jan ukax ¿Tatituruch q'apisiyañ munasipkaktanxa? ¿Jiwasax Tatitut sipan juk'ampi ch'amanïtanti?

2 Corintios 11:2

Jumanakat llakiskta uka llakisiñax Diosat juti. Nayasti jumanakar mä sapa chachampi jaqichasiñatakiw katuyapxsma, jupasti Cristowa, jupa nayraqatarusti q'uma jan chach uñt'ir mä tawaqurjamaw uñstayapxsma.

Deuteronomio 29:20

20 (19) Tatitux janiw uka jaqirux pampachañ munkaniti, jan ukasti uka jaqirux q'apisiñampiw mutuyani, ukatsti aka qillqatan utjki uka ñanqhachäwinakaw jupxankani, Diosasti uka jaqin saraqirinakap q'al aka uraqit chhaqtayarakini.

Deuteronomio 32:16

Diosaruw q'apisiyapxäna, yaqha axtaskañ diosanakar yupaychasa.

Deuteronomio 32:21

Jan diosäki uka diosampiw phiñasiyapxitu, uka inamay diosanakampiw q'apisiyapxarakitu; ¡nayasti jan markäki uka markampiw phiñasiyä, jan amuyt'asiñ munir markampiw q'apisiyarakï!

Deuteronomio 4:24

¡Jumanakan Tatit Diosamasti tumpasir Diosawa, taqi kuns nakhantir ninjamawa!

Josué 22:13

Nayraqatasti Eleazar sacerdoten Finees yuqaparuw Galaad uraqir sarañapataki khithapxäna, kawkintixa Rubén, Gad, ukhamarak Manasés ayllunkir chikat jaqinakapax ukankapkäna ukaru.

Josué 24:19

Ukampis Josué chachax jupanakarux sänwa: —Jumanakax janjaw Tatitur luqtapkasmati, jupax qullana jan kamskaya Diosawa, janiw jumanakan sayt'asitanakamsa, jucha luratanakamsa inak uñjkaniti.