Números 24:17 - Qullan Arunaka DC

¹⁷ Tatitux uñacht'aykitu ukax janïräkiwa; ukax akat qhiparüskaniwa. Israelan mä reyiw sartani, jupasti mä warawarar uñtataw k'ajani. Jupaw Moab markarux p'iqit takxatani, Set chachan saraqirinakapar taqpachanir pampachjani.

Aymar Bibliia 1986

¹⁷ Uñjtwa cunatejj khepa urunacan utjcani ucsa, uñjaractwa cunatejj jayancqui ucsa. Mä warawaraw Jacobot mistusinqui, mä reyiraquiw israelan sartasqui. Jupaw Moab orakerojj p'eket takjjatani. Takpachaniruw Set sat chachan wawanacaparojj pampachjani.

Qullan Arunaca

¹⁷ Uñjtwa cunatejj khepa urunacan utjcani ucsa, uñjaractwa cunatejj jayancqui ucsa. Mä warawaraw Jacobot mistusinqui, mä reyiraquiw israelan sartasqui. Jupaw Moab orakerojj p'eket takjjatani. Takpachaniruw Set sat chachan wawanacaparojj pampachjani.

Números 24:17 Jak'a apnaqawi uñst'ayäwi

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

2 Samuel 8:14

Ukatsti Edom uraqpachan uñjirinak uskurakïna, edomita jaqinakasti Davidan apnaqataw uñjasïna, Tatituw Davidar taqi tuqin atipjayäna.

2 Samuel 8:2

Moabita jaqinakarux atipjarakïnwa, ukatsti uraqir siqiki liwirtayasaw jupanakar mä ch'ankhampi tupt'äna, khitinakatix pä tupu taypinkapkän ukanakarux jiwayänwa, mä tupu taypinkirinakarusti jakayänwa. Ukhamaw moabita jaqinakax Davidan apnaqat uñjasipxäna, qullqsa churapxarakïna.

2 Reyes 3:5

Ukampis Ahab reyix jiwxäna ukkhasti, Moab markankir Mesá sat reyix Israelan reyipatakiw sayt'xäna.

1 Crónicas 18:2

Moabitanakarus atipjänwa, jupanakax ukhamaw Davidan apnaqat uñjasipxäna, qullqsa juparuw churapxarakïna.

Salmos 110:2

Tatitux Sión qullutpach ch'aman kankañ thujru ayxaruyätam. ¡Jumamp timasirinakarux atipjamaya!

Salmos 45:6

6 (7) Dios Tatay, reyi kankañamax wiñayatakiwa, reyi kankañamax chiqapar uñjañawa.

Isaías 15:1

Moab markataki profecía arunaka: Ar sata markax t'unjatäkän uka arumaxa, Moab markax t'unjatarakïnwa; Quir sat markax t'unjatäkän uka arumasti, Moab markax t'unjatarakïnwa.

Isaías 9:7

7 (6) Davidan qunuñapan qunt'asini; aka uraqpach apnaqani, samarañapasti jan tukuskayäniwa. Jupan apnaqäwipax suma utjnuqatäniwa, kunatix chiqapar uñjañäki, askïkaraki ukanakxar utt'ayatäniwa, jichhürut qalltasina wiñaykama. Taqi akanaksti Tatitun jach'a munasiñapaw lurani.

Jeremías 48:1

Israelan taqi ch'amani Tatitu Diosapax Moab markatakiw aka arunak arsu: “¡Ay Nebo marka! ¡Kunja t'unjatätasa! ¡Quiriataim sat markasti, katuntata, jisk'achjatawa! ¡Ch'amapas uraqir liwinukutawa!

Jeremías 48:45

“Yaqhipanakax jan ch'amaniw jaltxapxi, Hesbón markan ch'iwipar imantasiri; ukampis, Sihón reyin Hesbón markapax ninampi phichhantatäniwa, uka ninasti jach'aruw aqatati, uka ch'axwir Moab markan qullunakapsa q'al nakhantaraki.

Zacarías 10:4

Jupanak taypit Wakiskir Qalax mistuni, chhujllu Ch'akurusa, nuwasïwin Mich'i antutt'añasa. Jupanak taypit irpirinakax misturakini.

Zacarías 12:10

Davidat saraqiri wila masinakapampiru, Jerusalén markan jakirinakampirux, khuyapayasiñampi mayisiñ ajayumpiw phuqt'ä. Ukkhaw khitirutï chhuxriñchapki ukarux uñkatapxani, ukatsti jupat llakisipxaniwa, jachapxarakiniwa, sapa yuqall wawa jiwayasiri jaqjama, jan ukax jilïr wawan jiwatapatjama.

Números 21:29

¡Moab marka, jachkañätawa! ¡Quemós diosan markapa, aynacht'atätawa! Jupax jaqinakamsa jaltayakiwa, warminakamsa Sihón reyin amparaparuw jalt'ayi.

Números 24:16

Tatitun arunakap ist'irin arunakapawa, Alaxpachankirin amtäwip uñt'irin arunakapawa; Taqi ch'amanin unañchäwinakap uñjirin arunakapawa, ajayunkkasin unañchäwinak uñjirin arunakapawa.

Lucas 1:78

Dios Awkisasti, khuyapayasiñapatxa, alaxpachat mä qhispiyir khithanistu, mä machaq urun intin qhantatapjama,

Hebreos 1:8

Ukampis Yuqapat siwa: “Juman qhapaq qunuñamax Dios Tata, wiñayatakiwa, Reyi kankañamas chiqapar uñjañawa.

Hebreos 7:14

Ukax qhanäskiwa, Tatitusax Judá ayllut saraqiriwa, kunapachatix Moisesax sacerdotenakan luräwipat parlkän ukkhax, janiw uka ayllut kunsa siskänti.

2 Pedro 1:19

Ukhamat profetanakan yatiyäwipax juk'amp thurt'at uñjasi. Ukhamax uka arunakar ist'apxam, uka arunakaw Criston kuttaniñapkamax kunjämsa sarnaqapxäta ukanak yatichapxätam, jakañanakamsa sumaruw tukuyarakini.

Judas 1:11

¡Ay jupanakat kunakïkani! Caín chachan thakhip arkirinakaxa. Balaam chachjamaw qullqi jikxatañ laykux maysar saranukupxi, Coré chachjamaw saykatasipxatapat jiwapxi.

Apocalipsis 1:7

¡Uñtapxam, Cristox qinay patanjam jutaski! Taqi jaqiw jupar uñjani, jupar chhuxriñchirinakas uñjapxaniwa; akapachankir taqpach markanakas jupar uñjasax wal jachapxani. Jïsa. Ukhamäpan.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.

Apocalipsis 22:16

“Naya, Jesusaw angelaxar khitta iglesianakar taqi akanak yatiyañapataki. Nayätwa David reyit saraqirixa; qhantati ururi warawarätwa.”

1 Samuel 14:38

Ukat Saúl reyix sarakïna: —Jichhax ejerciton taqi jilïrinakapa jak'achasinipxam; ukatsti khitis jichhürux uka juch luri uk yatxatapxam.