Números 24:14 - Qullan Arunaka DC

¹⁴ Jichhax markaxar kuttawayxä, ukampis janïr sarkasin, kuntix akat qhipar Israel markax markamar lurkan uk arsuwayä —sasa.

Aymar Bibliia 1986

¹⁴ Jichhasti marcajjaruw cuttjjä, ucampis arsuwayäwa cuntejj aca marcajj khepa urunacan marcamampi lurcani ucanaca.

Qullan Arunaca

¹⁴ Jichhasti marcajjaruw cuttjjä, ucampis arsuwayäwa cuntejj aca marcajj khepa urunacan marcamampi lurcani ucanaca.

Números 24:14 Jak'a apnaqawi uñst'ayäwi

Génesis 49:1

Jacobusti wawanakaparuw jawsäna, ukat jupanakar sarakïna: “Jak'achasinipxam, ukatsti kunäkanitix akat qhiparu uk sapxäma:

Isaías 24:22

mayjaruw tantachthapini, ukatsti mä mutuñäwjaruw jaquntani, ukan katuntat uñjasipxani, ukatsti jaya urunakat mutuyaskarakini.

Jeremías 48:47

Ukampisa tukuyarusti, nayaw Moab markan saräwipxa sumar tukuyxä; naya, Tatituw uk arsta.” Ukaw Moab markataki arsuta Tatitun mutuyäwipaxa.

Jeremías 49:39

Ukampisa, akat qhiparux Elam markan sarnaqäwip sumaruw tukuyarakï. Naya, Tatituw uk arsta.”

Daniel (hebreo) 10:14

Jichhasti nayax, kunanakatix markaman akat qhiparu utjkani ukanakat qhanañchiriw jutta, unañchäwi uñjatamax uka urunakat yatiyi’ sasa.

Daniel (hebreo) 2:28

Ukampis mä Diosaw alaxpachan utji, jupax jan amuyt'kayanak qhanañchiriwa, juparakiw juma jach'a reyirux yatiytam kunatix akat qhiparu utjkani taqi ukanaka. Nayaw juma jach'a reyir qhanañchäma kunanaktix ikkasina samkaskta, unañchäwinaksa uñjkarakta taqi ukanakata:

Oseas 3:5

Uka qhipatsti israelitanakax kuttanxapxaniwa, Tatit Diosaparuw thaqhapxani, David reyiparuw thaqhapxarakini. Uka qhipa urunakansti, askinak katuqapxatapatxa, alt'at chuymampiw Tatitur jak'achasipxani.

Miqueas 6:5

Markaxay, jichhax amtasimaya Moab uraqinkir Balac reyipan amtatanakapxa, ukhamarak kuntix Beor sat Balaam yuqapax siskäna ukanakata. Kunapachatix Sitim chiqat Guilgal chiqar sarkäyätas uk amtasirakimaya, Pachpa Tatituw atipjäwinakapsa jumarux churaraktam.”

Números 24:17

Tatitux uñacht'aykitu ukax janïräkiwa; ukax akat qhiparüskaniwa. Israelan mä reyiw sartani, jupasti mä warawarar uñtataw k'ajani. Jupaw Moab markarux p'iqit takxatani, Set chachan saraqirinakapar taqpachanir pampachjani.

Números 24:25

Uka qhipat Balaamax utapar kuttawayxäna, Balac reyisti thakhipanjam sarxarakïna.

Hechos 2:17

“Tatitux siwa: Tukuya urunakan taqi jaqinakxaruw nayan Ajayux warxatanï; yuqanakamasa, phuchhanakamasa kunatix luraskani ukanak yatiyapxani, waynanakax unañchäwinak uñjapxani, ch'ama qarit jaqinakasti samkanak samkasipxarakini.

2 Timoteo 3:1

Qhipa urunakan jan wali urunakaw jutani, uksti yatiñamawa.

Josué 13:22

Ukhamarus israelitanakax Beor jaqin Balaam layqa yuqaparuw jiwayapxäna, ukhamarak yaqhanakampiru.

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.

Apocalipsis 2:14

Ukampisa, jumatak arsuñaxaw utjitu: Balaam sat jaqin yatichäwinakap jan apanukuñ munirinakaw ukan utjaski, jumasti janiw kamsktasa. Uka Balaam jaqix Balac chacharuw amtayäna israelita jaqinakar juchar puriyañataki, idolonakar luqtatäkis ukanak manq'ayasa, uka idolonak nayraqatan wachuqa jucha lurayasa.