Números 23:5 - Qullan Arunaka DC

⁵ Tatitusti uka pachax, Balaaman lakapar kuntix parlañapäki uka arunak uchäna, jupar sarakïnwa: —Balac reyin ukar kutt'am, juparusti kuntix sisksma uka pachpa arunak yatiyam —sasa.

Aymar Bibliia 1986

⁵ Ucatsti Tatituw Balaaman lacaparojj uchäna cuntejj parlañapäqui ucjja, aqham sasa: —Cutt'am cawqhancquitejj Balac reyejj ucqharu, ucatsti parlam cuntejj siscsma uca —sasa.

Qullan Arunaca

⁵ Ucatsti Tatituw Balaaman lacaparojj uchäna cuntejj parlañapäqui ucjja, aqham sasa: —Cutt'am cawqhancquitejj Balac reyejj ucqharu, ucatsti parlam cuntejj siscsma uca —sasa.

Números 23:5 Jak'a apnaqawi uñst'ayäwi

Éxodo 4:15

Jumasti Aaronar kunanaktix nayax sisksma ukanak yatiyäta, jupan juma lanti markar sañapataki. Nayasti parlapkäta ukkhax jumanakampïskäwa, nayarakiw yatichasipkäma kunanakatix lurapxañamäki ukanaksa.

Proverbios 16:1

Amtäwinak lurañax jaqinkiwa, ukampis Tatituw munañani uka amtäwin phuqhasiñapatakisa, jan phuqhasiñapatakisa.

Proverbios 16:9

Jaqix chuymapan sarnaqañapat lup'iski, ukampis Tatituw sarnaqäwip irpaski.

Isaías 51:16

nayaw alaxpach uskta, aka uraqsa sum sayt'ayta. Nayarakiw lakamarus arunakax uchtxa, ch'amaxampiw imsma. Nayaw Jerusalén markarux ‘Jumax markaxätawa’ ” sarakta.

Isaías 59:21

Tatitux siwa: “Nayaw jumanakampix mä arust'äwi lurta, arsuraktwa, ch'amaxasa, yatichäwinakax churapksma ukanakasa, janipuniw jumanakatxa juk'ampi jayarst'kxaniti, janirakiw wawanakamatsa jayarst'kxaniti, ukanakasti wiñayatakipunïniwa” sasa.

Jeremías 1:9

Ukatsti Tatitux amparap luqtanisin lakaxat llamkt'itu, sarakituwa:

Números 22:20

Uka arumasti, Tatitux Balaamar uñstasin akham sarakïna: —Uka jaqinakatix jumar irptir jutapxchi ukaxa, jupanakamp chik saram, ukampis kuntix nayax siskäma ukak luräta —sasa.

Números 22:35

Tatitun angelapasti sänwa: —Uka jaqinakamp chik saraskakim, ukampis kuntix nayax siskäma ukak parlarakïta —sasa. Ukatsti Balaamax Balac reyin khithanit jilïrinakamp chikaw saräna,

Números 23:16

Tatitusti Balaamar uñstasin, kuntix arsuñapäkän uka arunak yatiyäna, juparusti sarakïnwa: —Balac reyin ukar kutt'am, juparusti kuntix sisksma uka pachpa arunak säta —sasa.

Números 23:4

Jupan uka chiqankañapkamasti, Diosaw jupar uñstäna. Ukat Balaamax Tatitur säna: —Jumar jach'añchasaw paqallqu altaranak sayt'ayta, ukatsti sapa altarxan mä vaca qallumpi, mä urqu ovejampi waxt'a luqtta —sasa.

Números 23:6

Balaamasti kutt'xasina, Balac reyir wilañcha luqta jak'an sayt'at jikxatäna, moabita jilïr jaqinakamp chika.

Lucas 12:12

ukapachasti Qullan Ajayuw kunatix arsuñamäkani uk sasipkätam.”

Juan 11:51

Ukampis Caifasax janiw amuyupatjam uk arskänti, jan ukasti, uka maran sacerdotenakan jilïripätap laykuw Diosax ukham arsuyäna: “Jesusax judionak layku jiwañapawa” sasa;

Deuteronomio 18:18

Nayaw jilanakap taypit jumjam profeta sayt'ayä, ukatsti kuntix nayax, parlam siskä uk jupanakar parlañapataki, nayax arskä ukanak sañapataki.