Números 23:3 - Qullan Arunaka DC

³ Ukxarusti Balaamax Balac reyir sänwa: —Jumax wilañcha luqtat jak'an qhiparam. Nayasti Tatitun jutañap suyañaxawa, kuntix lurañaxäki uk sarakitani —sasa. Ukapachasti Balaamax mä ch'usawja pata chiqaruw saräna.

Aymar Bibliia 1986

³ Ucjjarusti Balaamajj Balac reyirojj sänwa: —Sacrificionac loktat thiyaru kheparam, ucañcamasti nayajj saräw inas Tatitu Diosajj nayampi jiquisir jutascchi uc uñjiri. Ucampis nayajj yatiyaraquïmaw cuntejj jupajj nayar yatiyquitani ucjja —sasa. Ucapachasti Balaamajj mä wasara kolluruw sarawayjjäna,

Qullan Arunaca

³ Ucjjarusti Balaamajj Balac reyirojj sänwa: —Sacrificionac loktat thiyaru kheparam, ucañcamasti nayajj saräw inas Tatitu Diosajj nayampi jiquisir jutascchi uc uñjiri. Ucampis nayajj yatiyaraquïmaw cuntejj jupajj nayar yatiyquitani ucjja —sasa. Ucapachasti Balaamajj mä wasara kolluruw sarawayjjäna,

Números 23:3 Jak'a apnaqawi uñst'ayäwi

Génesis 22:13

Abrahamasti uñatatasisinxa, mä urqu oveja uñjäna alinak taypin waxranakat achuntatäskiri; ukat uka oveja aptir sartawayäna, ukatsti uka oveja Tatitur nakt'at wilañcha wawap lanti luqtäna.

Génesis 22:2

Tatitusti sarakïnwa: —Isaac sapa yuqall wawamar irpxarum, sinti munat wawamaru, ukatsti Moria uraqir saram. Uka chiqar purisinsti, kawkïri qulltix nayax uñacht'aykäma uka qullun nayar wawam mä nakt'ayat wilañcha luqtäta —sasa.

Génesis 8:20

Ukatsti jank'akiw Noé chachax Tatitutak mä altar lurt'äna, ukatsti q'uma animalanakata, jamach'inakatsa mayakam katüna, ukatsti Tatituruw mä nakt'ayat wilañcha luqtäna.

Éxodo 18:12

Jetró chachasti ukspachaw mä uywa katusin nakt'at wilañcha Diosar luqtäna, ukhamarak yaqha waxt'anakampi. Uka qhipatsti, Aaronampi, Israelan jilïrinakapampix Moisesan awkch'ipamp chikaw Diosan nayraqatapan manq'apxäna.

Levítico 1:1

Tatitux Moisesaruw jupamp Jikisiñ Carpatpach jawsäna, ukatsti sarakïnwa:

Números 23:12

Balaamasti sänwa: —Tatitux nayan arsuñax munki uka arunakak saskta —sasa.

Números 23:15

Ukatsti Balaamax Balac reyir sänwa: —Jumax akan suyt'ita, altaranak jak'ana, ukchañkamasti nayax Tatitump jikisiriw sarä —sasa.

Números 23:2

Balac reyisti Balaaman aruparjamaw luräna, ukatsti panpachaniw sapaqat altarxar mä vaca qallumpi, mä urqu ovejampi wilañcha luqtapxäna.

Números 23:26

Ukxaruw Balaamax sarakïna: —¿Janit nayasti sisksma, kuntix Tatitux siskitani ukak lurä sasasti? —sasa.

Números 23:4

Jupan uka chiqankañapkamasti, Diosaw jupar uñstäna. Ukat Balaamax Tatitur säna: —Jumar jach'añchasaw paqallqu altaranak sayt'ayta, ukatsti sapa altarxan mä vaca qallumpi, mä urqu ovejampi waxt'a luqtta —sasa.

Números 24:1

Israel markar jach'añchañax Tatitur kusisiyatap Balaamax uñjäna, ukat jupax jan kuns lurkxänti Tatitun jupar uñstañapataki, kunjämtix walja kutinak lurkatayna ukhama, jan ukasti, jupax wasar tuqirukiw uñtäna.

Mateo 4:8

Tukuyarusti supayax mä jach'a qullu pataruw Jesusar irpäna, ukatsti aka uraqin taqi qamir markanaka, kunja jach'äkäntix uka markanak uñacht'ayäna,

Josué 24:10

Ukampis nayax janiw Balaam chachampi jumanakar ñanqhachayapksmati, ukat sipana, jumanakarux jach'añchapxtamwa. Ukhamat nayax jumanakar qhispiyapxsma.