Números 23:23 - Qullan Arunaka DC

²³ Tatitun markapar ñanqhachañatakix janiw layqasiñanakax kunäkisa. ¡Uñtapxam qawqha muspharkañ luräwinaksa Tatitux markap layku luri!

Aymar Bibliia 1986

²³ Jacob contrajj janiw yatirinacan luratanacapajj cunäquisa. Israel contrajj janiw layka jakenacan laykasitanacapajj cunäquisa. Jichhasti waquisiw sañajja: ‘Kawkha uñacht'äwinacsa Diosajj jumampi luri.’

Qullan Arunaca

²³ Jacob contrajj janiw yatirinacan luratanacapajj cunäquisa. Israel contrajj janiw layka jakenacan laykasitanacapajj cunäquisa. Jichhasti waquisiw sañajja: ‘Kawkha uñacht'äwinacsa Diosajj jumampi luri.’

Números 23:23 Jak'a apnaqawi uñst'ayäwi

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

Salmos 31:19

19 (20) ¡Tatay, kunja jach'as munasiñamax jumar waqaychirinakatakixa! Mä qurïkaspas ukham imtaxa, jumar katuyasirinakarusti, taqin uñjkañaw munasiñam lakirpaytaxa.

Salmos 64:9

9 (10) Taqiniw ukapachax Diosar jach'añchapxani, luräwinakapat yatiyapxani; luratanakap amuyapxarakini.

Isaías 41:4

¿Khitis taqi ukanak ukham luri? ¿Khitis qalltatpach taqi kunsa ukham sarayi, kunjämarutix sarañapäki ukhamaru? Naya sapa Tatitu Diosakiw ukham lurta, nayarakïtwa qalltasa, tukuyasa.

Isaías 44:25

Kuntix k'ari profetanakax parlapki ukanakxa janiw phuqhasiykti; uka yatiri jaqinakan amuyt'anakapsa chhaqtaytwa. Nayaw amuyt'ani jaqinakarux jupanakkam ch'axwayta, jupanakan yatiñanakapsa mä luqhi kankañar tukuyarakta.

Ezequiel 21:21

21 (26) Babiloniankir reyisti kawkhantix pä thakhix qalltki uka chiqaruw sayt'asi, ukatsti suerte tuqiw uñakipi: mich'inakapsa walpun uksat aksat uñakipi, diosanakaparuw jiskt'asi, uywanakan k'iwchanakap uñxataraki.

Daniel (hebreo) 9:15

“ ‘Nanakan Tatit Diosaxay, markamarux Egiptot irpsunisaw jach'a ch'amam uñacht'aytaxa, juman sutimax khä urunakatpach jichhürkamaw wali uñt'ataxa; ukampis nanakax juchachasipxtwa, jan walinak lurapxarakta.

Miqueas 7:15

Egiptot irpsunkta uka urux kuna muspharkañanaktix Israel markar uñacht'aykta uka pachpay uñacht'ayapxita.

Números 24:1

Israel markar jach'añchañax Tatitur kusisiyatap Balaamax uñjäna, ukat jupax jan kuns lurkxänti Tatitun jupar uñstañapataki, kunjämtix walja kutinak lurkatayna ukhama, jan ukasti, jupax wasar tuqirukiw uñtäna.

Mateo 12:25

Jesusasti kuntix fariseonakax lup'ipkän uk yatisin, jupanakarux sänwa: “Mä markan jakirinakatix jupanakkam ch'axwapxaspaxa, markapax q'ala t'unjataw uñjasispa; mä markansa, jan ukax wila masinak taypinsa jupanakkam ch'axwañax utjaspaxa, jan walt'añarukipuniw puripxaspa.

Mateo 12:27

Jumanakax sapxtawa: Beelzebun ch'amapampiw uka ñanqha ajayunakarux jaqsu, sasa; ukhamächi ukasti, ¿khitirak jumanakan arkirinakamarusti ch'am churasin ukham uka ñanqha ajayunakar anqar alissuñatak ch'am churisti? Ukatpï, jupanakpachaw pantjasitäpxatanakam qhanañchasipki.

Mateo 16:18

Nayasti saraksmawa, jumax Pedro satätawa, nayasti aka qalxaruw iglesiax sayt'ayasï, ukarusti janirakiw jiwañan munañapas atipkaniti.

Juan 11:47

Uk yatisinsti, fariseonakampi, sacerdotenakan jilïrinakapampix Jach'a Tantachäwiruw jawsthapipxäna, ukansti sapxarakïnwa: —¿Kunarak lurañänisti? Aka jaqix walja muspharkañ unañchanak luraski.

Hechos 10:38

Diosaw Qullan Ajayun ch'amap jupar churarakïna. Jesusax askinak lurasaw sarnaqäna, supayan munañapan t'aqhisiyat jakapkän uka jaqinakar k'umarachasa, Diosan jupampïtap laykuw taqi ukanak luräna.

Hechos 15:12

Jupanakasti taqiniw amukt'apxäna. Ukatsti Bernabeampiru, Pablompiruw ist'apxarakïna, jupanakasti kunjämtix Diosax jupanak tuqi uñacht'äwinaksa muspharkay luräwinaksa jan judiöpkis uka jaqinak taypin lurkatayna ukanak yatiyapxäna.

Hechos 4:16

Sapxänwa: —¿Aka jaqinakarux kamachañänisa? Jerusalenan jakirinakax taqiniw uka muspharkañ lurapxatap yatipxi, jiwasanakasti janiw jan yatir tukkaraksnati.

Hechos 5:12

Diosax apostolunak tuqiw jaqinak taypin walja unañchäwinakampi, muspharkay luräwinakamp luraskakïna. Iyawsirinakax Salomonan Punkupa satäki ukawjan sapüruw taqpachan tantachasipxäna.

Hechos 5:14

Tatitur iyawsirinakasti juk'ampiw yapxattäna, chachanakatsa, warminakatsa.

Romanos 16:20

sumankayir Diosax jank'akiw supayar atipjasin kayunakamamp takxatayani. Tatit Jesusax jumanakar munasiñap churpan.

Deuteronomio 3:24

‘Dios Tatay, jumaw aka luqtirimar ch'amam uñacht'aytaxa. Janiw jumjam jach'a muspharkañanak lurir yaqha Diosax utjkiti alaxpachansa, akapachansa.

Josué 13:22

Ukhamarus israelitanakax Beor jaqin Balaam layqa yuqaparuw jiwayapxäna, ukhamarak yaqhanakampiru.

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.