Números 23:21 - Qullan Arunaka DC

²¹ Tatitux Israel markan reyipawa. Jupax markap taypin jakaski. Tatitux janiw jupanakan jan walt'añap munkiti, janiw jupanakar ñanqhsa lurañ munkiti.

Aymar Bibliia 1986

²¹ Janiw qhitis uñjquiti cuna jan walinacsa, ñankhanacsa Jacobon Israel marcapanjja. Dios Tatituw jupanacampi chicäsqui. Jupanacasti reyirjamaraquiw unt'asipjje.

Qullan Arunaca

²¹ Janiw qhitis uñjquiti cuna jan walinacsa, ñankhanacsa Jacobon Israel marcapanjja. Dios Tatituw jupanacampi chicäsqui. Jupanacasti reyirjamaraquiw unt'asipjje.

Números 23:21 Jak'a apnaqawi uñst'ayäwi

2 Crónicas 13:12

Amuyasipxam, jiwas nayraqatan Diosampi sacerdotenakapampiw ukankasipki, jumanakamp nuwasiñataki trompetanakan phust'asiñapatakix wakicht'atawa. Ukhamasti israelitanaka, janiy nayra awkinakaman Tatit Diosapampi nuwasipxamti, janiw atipjapkätati” sasa.

Salmos 103:12

Kamisatix inti jalsut inti jalantkam wali jayaxa, ukham jiwasanakat juchanakas jayarst'ayistu.

Salmos 118:15

Aski jaqinakan utanakapanxa, atipjäwi q'uchunakaw ist'asi: “¡Tatitun ch'aman amparapaw atipjayi!

Salmos 135:21

¡Tatitux Sión markan qullanäpan, Jerusalén markan jakir Tatitux jach'añchatäpan! ¡Tatitux jach'ar aptatäpan!

Salmos 23:4

Axsarkay laxa ch'amak chiqawja sarkasasa, janipuniw kunarus axsarkäti, nayampi chik saratam layku; uywa awatiñ lawamasa, thujrumasa, ch'am churitu.

Salmos 32:2

Ñanqha jan amtir jaqix kusisiñaniwa, juchapat Tatitump jan irkatayasiñ utjatap layku.

Salmos 32:5

Jucha lurataxatsti, jan akch'as imaqasaw arsusta; juchanakax jumar arsusiñatakiw amtta, Tatay, jumasti juchanakaxat pampachistawa.

Salmos 46:11

11 (12) ¡Taqi ch'aman Tatitux jiwasampïskiwa! ¡Arxatirisax Jacobun Diosapawa!

Salmos 46:7

7 (8) ¡Taqi ch'aman Tatitux jiwasampïskiwa! ¡Jacobun Diosapaw arxatirisaxa!

Salmos 97:1

¡Taqpach uraqix kusispan! ¡Jan jakht'kay wat'anakax kusisipxpan! ¡Tatituw Reyixa!

Salmos 99:2

Tatitux Jerusalén markan ch'amaniwa, taqpach markanakxar qunt'atawa.

Éxodo 13:21

Tatitusti jupanakan nayraqatap thakhi uñacht'ayas saräna, urux mä qinay taypitpach jupanakar irpäna; arumasti mä nina taypitarak jupanakar qhant'ayäna. Ukhamat jupanakax uruy arum sarapxäna.

Éxodo 3:12

Tatitusti sarakïnwa: —Moisés, nayaw jumampiskä, naya pachpa jumar khithatax yatiñamatakisti, akäniw chimpuxa: Israelitanakar Egiptot irpsunxät ukapachasti, jumanakax taqiniw aka qullun nayar yupaychapxitäta —sasa.

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Isaías 1:18

Tatitusti siwa: “Jutapxam, uka jan wali luratanakamat parlapxañäni. Juchanakamax wila samir uñtatäkchinisa, nayax khunjam janq'uruw tukuyä; ch'iyar wila isir uñtatäkchinisa, nayax janq'u t'arwar uñtat tukuyä.

Isaías 12:6

Jerusalén markan utjasirinaka, kusisiñat arnaqasipxam, Israelan Qullan Diosapax taqi jach'a ch'amapampiw jumanak taypinki.”

Isaías 33:21

Tatitux ukan jach'a ch'amap uñacht'ayani. Jerusalén markax jach'a jawiranakanïniwa, ukampis uñisirinakan barconakapax janiw uka jawiranakanjam mantanipkaniti.

Isaías 33:22

Asiria barcon phalanakapasti janiw suma jiyantatäkiti, velop uskuñ lawapasti uksar aksaruw liwinki. Uka qamir kankañanakap q'al aparañäni, juykhus kunatix jupar wakt'ki uk katuqani, suchunakasti aparañaruw uskusipxani. Tatituw chiqapar uñjirisaxa, jiwasan reyisasa, jupaw qhispiyistani.

Isaías 38:17

Uñtapxam, t'aqhisiñat sipansa, jichhax samarañaw utjitu. Aynacht'añanakatxa, jumarakiw imista, taqi juchanakaxsa pampacharakistawa.

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Isaías 8:10

Tatitux jiwasampïskatapatxa, inamayäniw uka amtäwinakapaxa, Tatitux janiw munkaniti uk phuqhapxañanakamxa, inamayaw nuwantañatakis amtasipkäta, janiw khitis nuwantañar uskuskaniti.

Jeremías 50:20

Naya, Tatituw uk arsta: Uka urun Israel markasa, Judá markasa, taqi juchanakapat pampachatäxani, nayaw khitinakarutix jakaskir jaytkta ukanakarux juchanakap pampacharakï.

Ezequiel 48:35

Marka muyta pirqasti taqpachax sayt'urux llätunka waranqa metronïniwa, akat uksarusti uka markan sutipax: ‘Tatitun Utapa’ satäniwa.”

Joel 2:27

Israelita jaqinaka, ukkhaw jumanakax naya Tatitun jumanakampïskatax yatipxäta, nayätwa Diosamaxa, janirakiw yaqhax utjkiti. ¡Markaxasti janipuniw mayampis p'inqachatäkxaniti!”

Levítico 9:24

Tatitun nayraqatapatsti ninaw mistüna, uka ninasti kawkïri uywatix nakhantayatäñapäkäna, kuna lik'itix altarxan apnuqatäkän taqi ukanak nakhantäna. Taqi ukanak uñjasinsti, israelitanakax taqpachaniw kusisiñat wal arnaqasipxäna, ukatsti killt'asisin paranakapsa uraqir puriyañkamaw alt'apxarakïna.

Números 14:18

“Janiw jank'ak phiñasirïkti, khuyapayasiñaxax jan tukuskiriwa, ñanqha luratsa, nayatak sayt'asiñanaksa pampachtwa, juchanirux mutuyapuntwa, awkimpina taykampin jucha luratanakapatxa, wawanakaparu, allchhinakaparu, allchhinakan allchhinakaparuw mutuyarakta” sasa.

Números 14:19

Tatay, munasiñamax sinti jach'awa, aka markan juchanakap pampachakimaya, kamisatix Egiptot akakam khuyapt'ayaskta ukhama.

Números 16:3

Taqpachaniw jupanakax tantachasisin Moisesampiru, Aaronampir saykatapxäna, akham sasa: —¡Jumanakakiw taqi kunsa munasipktaxa! Taqpach markaw Diosar katuyata, Tatitusti taqi jiwasanakampïskiwa. ¿Kunatarak jumanakasti Tatitun markapxar mä jach'a munañanïpkasmas ukham sartapxtasti? —sasa.

Números 9:22

Qinayatix Arust'äwi Carpa patxan pä uru, mä phaxsi, jan ukax, mä maras sayt'kän ukapachaxa, israelitanakax sayt'apxarakïnwa, janiw juk'amp sarkxapxänti, pachpan utjnuqtapxäna. Qinayatix unxtkän ukkhasti, jupanakax sartawayapxänwa.

Mateo 1:23

“Chacha jan uñt'ir mä tawaquw usur jaqiptani, jupasti mä yuqall wawa wawachasini, juparusti Emanuel sutimpiw sutichani.” (ukasti: “Diosax jiwasampiwa” sañ muni).

Romanos 6:14

Ukhamat juchax jumanakxar jan munañanïkxaniti, janiw kamachin apnaqatäxapxtati, jan ukasti, Diosan khuyapayasiñapankxapxtawa.

Romanos 8:1

Ukhamasti, jichhax khitinakatix Cristo Jesusamp mayakïpki jupanakatakix janiw kuna juchañchäwis utjkiti.

2 Corintios 2:14

Diosax yuspagaratäpan, jupasti Cristompi chika atipjañaruw irpistu, jiwasanak tuqirakiw arunakapsa yatiyi, uka arunakasti mä suma q'apkir qulläkaspas ukhamaw taqi chiqar puri.

2 Corintios 5:19

Chiqpachana, Diosax Cristo tuqiw akapachampi sumankthapiskäna, jaqinakan juchanakap jan amxäsisa; jiwasanakarusti uka sumankayañ yatiyäwi arunak mayninakar yatiyiriw jaytarakistu.

2 Corintios 6:16

Janiw Diosan utapampi yaqha diosanakan utapampix mayakïkaspati. Jiwasax jakkir Diosan utapätanwa, kunjämtix Dios kipka siski ukhama: “Jupanak taypin jakä, sarnaqarakï; nayaw jupanakan Diosapäyä, jupanakasti nayan markaxäniwa” sasa.

Deuteronomio 31:23

Tatitux Nun chachan Josué yuqaparux aka iwxanak churäna: “Josué, ch'amañcht'asim, qamas katxatarakim, jumaw israelitanakar puriyäta, jupanakar churañ nayax arskta uka uraqiru, nayarakiw jumampïskä” sasa.

Deuteronomio 32:5

“Qhuru chuymani ñanqha jaqinaka, Diosaru ñanqhachirinaka, wawapat uñt'atäñatakis jan askinaka.

Deuteronomio 33:5

Jumanakampi, markan jilïrinakamampixa, Diosarux reyimat uñt'asipxtaxa” sasa.

Deuteronomio 9:24

¡Nayax uñt'apksma ukkhatpach jumanakax Tatitur qallasipxtaxa!

Jueces 6:13

Gedeón chachasti sänwa: —Tatay, Diosatix nanakampïskchi ukasti, ¿kunatarak taqi akanakasti nanakatak utjisti? ¿Kawkinkarak awkinakaxax yatiyapkitu uka muspharkañ luräwinaka Egipto markat irpsunkistu ukapacha luratanakapasti? Tatitux armasipxituwa, madianitanakan amparaparuw katuyapxitu —sasa.

1 Samuel 25:28

ukatsti jumaw aka luqtirimarux pampacht'arakïta. Chiqpachansa Tatituw jumarusa, wawanakamarus marka apnaqäwi kankañ wiñayatak churapxätam, Tatitutak juman ch'ama tukutam layku, taqi jakäwimansa janirakiw kuna jan walt'añas jumxarux jutkaniti.