Números 22:40 - Qullan Arunaka DC

⁴⁰ Ukansti Balac reyix urqu vacanakampi, ovejanakampi wilañcha luqtäna, ukatsti Balaamampitaki, uka jilïrinakampitakiw jach'a manq'äwi luräna.

Aymar Bibliia 1986

⁴⁰ cawqhantejj Balac reyejj vacanaca, ovejanaca jiwarayäna, ucatsti Balaamaruw apayäna, uqhamarac cawquïri jilïrinacatejj jupamp chica jutapcäna ucanacarusa.

Qullan Arunaca

⁴⁰ cawqhantejj Balac reyejj vacanaca, ovejanaca jiwarayäna, ucatsti Balaamaruw apayäna, uqhamarac cawquïri jilïrinacatejj jupamp chica jutapcäna ucanacarusa.

Números 22:40 Jak'a apnaqawi uñst'ayäwi

Génesis 31:54

Ukxarusti Jacobux qullu patan mä wilañcha luqtäna, wila masinakaparus manq'añatakiw jawsarakïna. Jupanakasti taqiniw manq'apxäna, uka arumax qullun qhantatipxarakïna.

Proverbios 1:16

Jupanakax jank'akiw ñanqha lurañ munapxi; ¡masinakaparus jank'akiw jiwayañ munapxaraki!

Números 22:39

Ukatsti Balaamax Quiriat-husot tuqiruw Balac reyimp chik saräna.

Números 22:41

Qhipärmanthisti, Balac reyix Balaamaruw Bamot-baal sat qullur irpkatäna, ukawjat israelitanakan campamentopax maysa thiypachaw uñstäna.

Números 23:14

Ukatsti Balac reyix Sofim chiqaruw Balaamar irpäna, Pisgá sat qullu pataru. Uka patansti paqallqu altaranak sayt'ayäna, sapaqat altarxan mä vaca qallumpi, mä urqu ovejampi wilañcha luqtäna.

Números 23:2

Balac reyisti Balaaman aruparjamaw luräna, ukatsti panpachaniw sapaqat altarxar mä vaca qallumpi, mä urqu ovejampi wilañcha luqtapxäna.

Números 23:30

Balac reyisti Balaaman aruparjamaw luräna, ukatsti sapa altaran mä vaca qallumpi, mä urqu ovejampi wilañcha luqtäna.