Números 22:4 - Qullan Arunaka DC

⁴ Ukat Moab markankir jaqinakax, Madián markan jilïrinakapar jawsayasin sapxäna: “Israelitanakax kunatix utjkistu taqi ukanak tukjapxani, kunjämtix vacanakax pampanakan utjir ch'uxñanak tukuntki ukhama” sasa.

Aymar Bibliia 1986

⁴ Ucatwa Moab oraken jakenacajj Madián oraken jilïrinacaparojj aqham sapjjäna: “Takpach aca jakenacaw orakesarojj tucjani, cunjämas mä vacajj orakenquir pasto tucuntejj uqhama” sasa. Ucapachasti Balac chachajj Moab marcan reyipänwa.

Qullan Arunaca

⁴ Ucatwa Moab oraken jakenacajj Madián oraken jilïrinacaparojj aqham sapjjäna: “Takpach aca jakenacaw orakesarojj tucjani, cunjämas mä vacajj orakenquir pasto tucuntejj uqhama” sasa. Ucapachasti Balac chachajj Moab marcan reyipänwa.

Números 22:4 Jak'a apnaqawi uñst'ayäwi

1 Reyes 11:18

Madián chiqat mistusinsti, Param chiqaruw puripxäna, uka chiqankirinakat yaqhip jaqinakax jupanakar chikachasisin Egipto markar puriñ yanapt'apxäna. Egiptor purisin faraón reyin nayraqataparuw uñstapxäna, faraonasti jupanakarux utampi, manq'añamp churäna, uraqinak waxt'arakïna.

Éxodo 15:15

Edom markankir jilïrix mayjt'asiniwa; Moab markankir jilïrinakax axsarañat khathatini, Canaán markankir jaqinakasti taqiniw ch'amap thayjtayasini.

Jeremías 48:38

“Moab markan taqi uta patanakansa, thakhinakapansa, jaqinakan wararitapakiw ist'asiski, nayaw Moab markarux jisk'a jisk'a t'unjta, jan kunatak inamay sañükaspas ukhama. Naya, Tatituw uk arsta.”

Números 22:2

Sipor chachan Balac sat yuqapax Moab markan reyipänwa. Balac reyix kunjämtix israelitanakax amorreonakar lurkatayna ukanak yatïna.

Números 22:7

Ukatsti Moab, Madián markanakan jilïrinakapax qullqi apt'ataw sarapxäna, israelitanakar ñanqhachatat churañataki, Balaam jak'ar purisasti, Balac reyin arunakap yatiyapxäna.

Números 24:17

Tatitux uñacht'aykitu ukax janïräkiwa; ukax akat qhiparüskaniwa. Israelan mä reyiw sartani, jupasti mä warawarar uñtataw k'ajani. Jupaw Moab markarux p'iqit takxatani, Set chachan saraqirinakapar taqpachanir pampachjani.

Números 25:6

Ukampis Moisesampi israelitanakampix qullan utjäwir mantañan jacht'asisa jikxatasipkän ukchañkamasti, mä israelita jaqix chujllaparuw mä madianita warmir jupanakan uñjkat irpantasiskäna.

Números 31:1

Tatitux Moisesaruw säna:

Números 31:8

Jiwarayat chachanak taypinsti madianita phisqa reyinakaw ukankäna: Eví, Réquem, Sur, Hur, Reba jupanaka. Beor chachan Balaam sat yuqapas ukankarakïnwa.

Jueces 11:25

¿Jumasti Moab reyin, Sipor chachan Balac yuqapat sipan jilt'atapunit amuyasta? Jupax janiw nanakampi nuwasir jutkiti.

Jueces 6:1

Israelitanakan luratanakapax Tatit nayraqatan janiw walïkänti, ukat Tatitux jupanakar paqallqu mara madianita jaqinakan amparapar katuyäna.