Números 22:32 - Qullan Arunaka DC

³² Tatitun angelapasti juparux sänwa: —¿Kunatarak qachu asnomar kimsa kuti jawq'jtasti? Nayaw jumar thakhit jark'antsma, Moab markar saratamax janiw nayatak walïkiti.

Aymar Bibliia 1986

³² Ucampisa Tatitu Diosan angelapajj juparojj sänwa: —¿Cunatsa jumajj quimsa cuti kachu asnomarojj jawk'jta? Nayaw jutta jumar thaqui jist'antiri, saräwimajj nayataquejj jan walïtap laycu.

Qullan Arunaca

³² Ucampisa Tatitu Diosan angelapajj juparojj sänwa: —¿Cunatsa jumajj quimsa cuti kachu asnomarojj jawk'jta? Nayaw jutta jumar thaqui jist'antiri, saräwimajj nayataquejj jan walïtap laycu.

Números 22:32 Jak'a apnaqawi uñst'ayäwi

Salmos 145:9

Tatitux taqinir munasiriwa, luratanakaparux munasiñampiw uñji.

Salmos 147:9

jupaw uywanakarux manq'añ churi, juparakiw allqamarin chhiwlinakaparux wararipki ukapachax manq'añ churi.

Salmos 36:6

6 (7) Chiqapar uñjañ kankañamax jach'a qullunakjamawa; arsutanakamasti jach'a lamar umanakjamawa. Tatay, jumaw jaqinakarusa, animalanakarus imasktaxa.

Proverbios 14:2

Chiqa sarnaqir jaqix Tatituruw axsarti, jan wali thakhin sarnaqir jaqisti, jisk'achiwa.

Proverbios 16:2

Jaqitakix taqi kun luratapas walikjamakiwa, ukampis Tatituw chuymanakap yati.

Proverbios 28:18

Chiqa aski jaqix qhispitaw uñjasini, jan wali jaqisti aynacht'añaruw purini.

Proverbios 28:6

Sallqjasir qamir jaqïñat sipansa, jan kunanïskaña, chiqa lurirïskañaw juk'amp askixa.

Jonás 4:11

Ukatsa juk'ampiw nayan khuyapayasiñaxax Nínive markatakix utjañapa, uka jach'a markan patak pä tunka waranqa, ukatsa jila jaqinakaw utji, wawanakjam jan amuyt'asirinaka, uywanakas waljarakiwa —sasa.

Miqueas 6:5

Markaxay, jichhax amtasimaya Moab uraqinkir Balac reyipan amtatanakapxa, ukhamarak kuntix Beor sat Balaam yuqapax siskäna ukanakata. Kunapachatix Sitim chiqat Guilgal chiqar sarkäyätas uk amtasirakimaya, Pachpa Tatituw atipjäwinakapsa jumarux churaraktam.”

Números 22:20

Uka arumasti, Tatitux Balaamar uñstasin akham sarakïna: —Uka jaqinakatix jumar irptir jutapxchi ukaxa, jupanakamp chik saram, ukampis kuntix nayax siskäma ukak luräta —sasa.

Números 22:22

Balaamax qachu asnopar lat'xatataw saräna, pani uywatapaw jupamp chik sarapxarakïna. Ukampis Tatitux wal jupatakix q'apisïna, uka jilïrinakamp chik saratapata. Ukat Tatitun angelapax jupa nayraqatan thakhin sayantasïna jan saraskakiñapataki.

Números 22:28

Ukapachaw Tatitux qachu asnor parlayäna, asnosti Balaamarux sänwa: —¿Kunarak jumar kamächsmasti? Akampix kimsa kutiw nayar jawq'jista —sasa.

Números 22:33

Asnox nayar uñjituwa, ukat kimsa kuti thakhit saranuku. Janitix ukham maysar saranukkasapänxa, nayax niyaw jumarux jiwayiriskasamäna, ukampis asnorux janiw jiwaykiriskäyätti —sasa.

Números 22:35

Tatitun angelapasti sänwa: —Uka jaqinakamp chik saraskakim, ukampis kuntix nayax siskäma ukak parlarakïta —sasa. Ukatsti Balaamax Balac reyin khithanit jilïrinakamp chikaw saräna,

Hechos 13:10

juparusti sarakïnwa: —¡K'ari ñanqha jaqi, sallqjañampi, jan walimpi, phuqhantat supayan wawapa, chiqa kankañ uñisir jaqi! ¿Kunatarak Tatitun suma chiqa thakhip q'iwiptayañ munaskaktasti?

Deuteronomio 23:4

4 (5) kunapachatix jumanakax Egipto markat mistunisin jupanakan uraqipanjam sarakipawayapkta ukapachaxa, janiw kuna manq'añsa, umañsa waxt'apkäyätamti; ukat sipan jupanakax Mesopotamia uraqit jutir Petor markankir Balaam sat Beor chachan yuqaparuw qullqi churapxäna jumanakar ñanqha arunakamp ñanqhachañapataki.

Deuteronomio 25:4

“Janiw vacarux trigo taksuskirir ñuku uskupxätati.