Números 21:34 - Qullan Arunaka DC

³⁴ Ukapachaw Tatitux Moisesar säna: “Og reyir jan axsaramti, nayaw amparamar jupar katuyäma, taqpach ejercitoparu, markapamppacharu, jumasti kunjämtix Hesbón markan jakir amorreo Sihón reyir lurktaxa, uka pachparak luräta” sasa.

Aymar Bibliia 1986

³⁴ Ucatsti Tatitojj Moisesarojj sänwa: “Jan ajjsaramti, nayaw amparamar catuysma, take ejercitopa, uqhamarac orakepsa, cunjämtejj Sehón reyirojj lurctajja uqhamwa luräta, cawquïri amorreo reyitejj Hesbón marcana jaccäna ucaru” sasa.

Qullan Arunaca

³⁴ Ucatsti Tatitojj Moisesarojj sänwa: “Jan ajjsaramti, nayaw amparamar catuysma, take ejercitopa, uqhamarac orakepsa, cunjämtejj Sehón reyirojj lurctajja uqhamwa luräta, cawquïri amorreo reyitejj Hesbón marcana jaccäna ucaru” sasa.

Números 21:34 Jak'a apnaqawi uñst'ayäwi

2 Samuel 5:19

Ukat Davidax Tatitur yanap mayisin jiskt'asirakïna: —¿Filisteo jaqinakar katuntiristti? ¿Jupanakar atipjayitätati? —sasa. Tatitusti ukxaruw sarakïna: —Jïsa, katuntaskakim, nayaw jupanakar atipjañamatak yanapäma —sasa.

1 Reyes 20:13

Ukchañkamasti mä profetaw Israelan Ahab reyipar uñjir saräna, juparusti akham säna: —Tatitux akham siwa: “Uka walja uñisirinakam uñjkäta ukasa, nayaw jichhürux amparamar jupanak katuyäma, ukat jumax yatïta nayan Tatitütaxa” —sasa.

1 Reyes 20:28

Uka pachasti Tatitun mä profetapaw Israelan reyipan ukar saräna, juparusti sänwa: —Tatitux akham siwa: “Sirio jaqinakax sapxiwa: ‘Tatitux qullunakankir diosawa, janiw qhirwanakankir diosäkiti’ sasa, jichhasti nayaw uka jach'a ejercitorux amparamar katuyäma, ukhamat jumax yatïta nayan Tatitütaxa” —sasa.

2 Reyes 3:18

Akasti kuntix Tatitux lurkaspa ukat mä jisk'a uñacht'äwikiwa, ukhamarus jupax moabita jaqinakxa jumanakan amparanakamaruw katuyapxätam,

Isaías 41:13

Naya, juman Tatitu Diosamaw jumarux amparat wayxarus irpsma; saraksmawa: ‘Jan axsaramti, nayaw yanapaskäma’ ” sasa.

Números 14:9

Janiy Tatitur qallasipxamti, janirak uka markankir jaqinakar axsarapxamti, jupanakar atipjañax jiwasatak janiw kuna ch'amakänisa; jupanakar arxatirix janiw khitis utjkiti, ukatsipana, Tatituw jiwasampïski. ¡Jan jumanakax axsarapxamti! sasa.

Números 32:4

uywanakatak suma ch'uxñanakan uraqinakawa, nanakansti walja uywaw utjapxitu. Tatituw uka uraqinak markapatak katuntawayi.

Deuteronomio 2:30

“Ukampis Sihón reyix janiw uraqip chiqa sarakipañas munkänti, jumanakan Tatit Diosamaw jan munañapatak uka reyin chuymap mayjt'ayäna, ukhamat jumanakan amparamar katuyañataki, kamisatix jichhürun jikxataski ukhama.

Deuteronomio 20:3

akham sasa: ‘Ist'apxam israelit jaqinaka; jichhürux uñisirinakamampiw nuwasipxäta. Janiy ch'amanakamax jiwt'pati, janirak axsarapxamsa; jan khathatipxamti, janirak mulljasipxamsa,

Deuteronomio 3:1

“Uka qhipatsti yaqha thakhinjam Basán tuqir sarapxtan, ukampis Edrei sat chiqar purisasti Basán marka apnaqir Og sutin reyipax taqpach ejercitopampiw jiwasamp nuwasir mistunïna.

Deuteronomio 3:11

(Og sat reyikiw refaíta sat jach'a tansa jaqinakat qhiparxäna. Ikiñapax hierrot luratänwa; sayt'urux pusi metronïnwa iranarusti pä metronïnwa. Uka ikiñasti jichhakamaw amonitanakan Rabá sat markapan utjaski.)

Deuteronomio 31:6

Ch'amañcht'asipxam, qamas katxatapxarakim, jupanakamp nuwasipkät ukkhaxa, jan axsarapxamti, janirak khathatipxamsa, Tatit Diosamaw jumanakampïski, janiw jaytapkätamti, janirakiw apanukupkätamsa” sasa.

Deuteronomio 7:17

“Inas jumanakax chuymanakaman amuyapxchïta: ‘Aka markanakax jiwasat sipan juk'ampi jilt'atawa, ¿kunjämaraki t'unjapxiriststi?’ sasa.

Deuteronomio 7:18

¡Ukampis jumanakax jan axsarapxamti! Sum amtasipxam kunjämtix Tatit Diosamax faraón reyimpiru, egipcionakampir lurkän ukanaka.

Deuteronomio 7:21

Ukhamasti jumanakax jan jupanak nayräxan khathatipxamti, jumanakan Tatit Diosama, jach'a axsarkañ Tatituw jumanakampïski.

Deuteronomio 7:24

Reyinakaparus jumanakaruw katuyapxätam, ukatsti jumanakaw jupanakarux chhaqtayapxäta aka uraqin khitis jupanakat jan amtaskiri. Janiw jupanakat khitis jumanak nayräxan sayt'asirjamäkaniti, jumanakaw taqi jupanakarux jiwarayapxäta.

Josué 10:25

ukatsti Josué chachax jupanakarux sänwa: “Jan axsarapxamti, janirak ch'amsa jiwt'ayasipxamti; jan ukasti wali ch'aman sayt'asipxam, Tatitusti jumanakan taqi uñisirinakamarux uka kipka lurarakini” sasa.

Josué 10:8

Tatitusti Josué chacharux sänwa: “Jan jupanakar axsaramti, nayaw amparamar katuyaskäma, janirakiw jupanakat khitis saykatkätamti” sasa.

Josué 8:7

Ukapachaw jumanakax imantasipkta ukawjat mistunisin marka katuntapxäta, Tatit Diosamaw amparanakamar uka marka katuyapxätam.

Jueces 11:30

Jefté chachasti Tatituruw arsüna, akham sasa: “Jumatix amonitanakar atipjayität ukaxa,

1 Samuel 23:4

Ukhamasti Davidax wasitat Tatiturux jiskt'asïna, Tatitusti sarakïnwa: —Jumax Queilá markarux saraskakim, nayaw filisteonakarux amparamar katuyäma —sasa.