Números 21:28 - Qullan Arunaka DC

²⁸ Hesbón markatpacha, Sihón reyin markapatpacha, nakhantir ninax lawrsunïna, Moab uraqinkir Ar markar t'unjasa, Arnón jawiran qullunakap t'unjasa.

Aymar Bibliia 1986

²⁸ Hesbonatpacha, Sehón reyin marcapata, ninajj naqhantañataqui lawrsunïna, Ar sat Moab orakeruw t'unjaraquïna, uqhamarac Arnonan kollunacapsa.

Qullan Arunaca

²⁸ Hesbonatpacha, Sehón reyin marcapata, ninajj naqhantañataqui lawrsunïna, Ar sat Moab orakeruw t'unjaraquïna, uqhamarac Arnonan kollunacapsa.

Números 21:28 Jak'a apnaqawi uñst'ayäwi

Salmos 78:63

Waynanakax ninamp nakhantayataw jiwarapxäna; jaqichasir tawaqunakatakix janiw warurt'añanakax utjkxänti;

Isaías 10:16

Ukatpï jichhax taqi ch'aman Tatituxa, uka lunqhu jaqinakxarux mä usu apayaninixa, reyirusa, reyin ejercitoparusa, uka usux jan ch'aman tukuyani.

Isaías 15:4

Hesbón, Elalé sat markanakan jakirinakaxa, jach'at arnaqasisaw yanap mayipxi; Jahas sat markakamaw arnaqasitanakapax ist'asi. Ukat Moab markan nuwasir jaqinakapax axsarayasipxi, axsarañatsa wal khathatipxi.

Isaías 16:12

Moab markax qullunakarus saraskpan, qarjtañkamas arnaqasiskpan, diosanakapar mayisiris sarasipkpan, janiw kuna yanapsa jikxatapkaniti.

Amós 1:10

Ukat Tiro markan uyunakapsa ninampi phichkatä, ninasti reyin jach'a utanakapsa q'al nakhantarakini.”

Amós 1:12

Ukat Temán markarux ninampi phichkatä, uka ninaw Bosrá markan reyi utanakapsa nakhantani.”

Amós 1:14

Ukat Rabá markan uyunakap ninampi phichkatä, jach'a utanakapasa qhillar tukuñkamaw nakhantani, ukasti nuwasiñ uruna, arnaqasiñanak taypin jach'a thaya urun lurasini.

Amós 1:4

Ukat Hazael reyin utaparux ninampi phichkatäxa, uka ninasti Ben-hadad yuqapan jach'a utapsa q'al nakhantani.

Amós 1:7

Ukat Gaza markan uyunakap ninampi phichkatä, uka ninasti reyi utanakapsa q'al nakhantarakini.

Amós 2:2

Ukat Moab uraqirux ninampi phichhantä, uka ninax Queriot markan reyi utanakap nakhantani; moabitanakax wali ch'axwañ taypina, warariñ taypina, trompet phust'asiñanak taypin jiwarapxani.

Amós 2:5

Ukat Judá markarux ninampi phichhantä, uka ninaw Jerusalén markan jach'a utanakapsa q'al nakhantani.”

Números 21:15

Ar sat uraqir purki uka jisk'a jawiranak muytawayapxta, kawkïritix Moab uraqin qurpapkam purki ukakama” sasa.

Números 21:27

Ukat jayllirinakax sapxi: “¡Hesbón markar jutapxam, Sihón reyin markaparu! ¡Wasitat sayt'ayapxam, sum uyuchrantapxam!

Números 22:41

Qhipärmanthisti, Balac reyix Balaamaruw Bamot-baal sat qullur irpkatäna, ukawjat israelitanakan campamentopax maysa thiypachaw uñstäna.

Deuteronomio 2:18

‘Jichhürpachaw Moab uraqin qurpanakap makhatäta, ukatsti Ar sat uraqiruw sararakïta.

Deuteronomio 2:9

Ukapachaw Tatitux sarakitu: ‘Moabita jaqinakar jan axsarayamti, janirak nuwasimsa, jupanakax Lot chachan wawanakapawa; nayasti janirakiw mä jisk'a uraqsa uka markat churkämati. Nayaw jupanakar Ar sat uraqinak churta’ sasa.

Jueces 9:15

Ukampis ch'aphi alix jupanakar sänwa: ‘Jumanakatix chiqpachan nayaru jumanakan reyimäñataki munapxstaxa, taqiniw ch'iwixa manqhir mantapxañama. Jan ukhamäkaspa ukasti, ch'aphi alit mä ninaw mistuni, uka ninasti Líbano chiqankir cedro quqanakaruw nakhantani’ sasa.

Jueces 9:20

jan ukhamäkaspa ukasti, ¡Abimélec chachat mä ninax mistpan, ukatsti Siquem, Bet-miló chiqankirinakar nakhantpan, jan ukax uka pä markanakat, ninax mistusin Abimélec chachar nakhantarakpan!” sasa.