Números 20:14 - Qullan Arunaka DC

¹⁴ Moisesax Cadés chiqatpach jaqinakar khithäna Edom markan reyipar akham sañapataki: “Israelit jilanakamax akham siriw khithanipxitu: ‘Jumax sum yatta nanakan wali ch'ama tukutanakaxa.

Aymar Bibliia 1986

¹⁴ Moisesasti Cades sat chekatwa, jakenacaru qhitäna Edom marcan reyiparu, aqham sañapataqui: —Israelita jilanacamajj aqham sañataquiw qhitanipjjetu: “Jumasti sum yattajja wali ch'ama tucutanacajj-jja.

Qullan Arunaca

¹⁴ Moisesasti Cades sat chekatwa, jakenacaru qhitäna Edom marcan reyiparu, aqham sañapataqui: “Israelita jilanacamajj aqham sañataquiw qhitanipjjetu: ‘Jumasti sum yattajja wali ch'ama tucutanacajj-jja.

Números 20:14 Jak'a apnaqawi uñst'ayäwi

Génesis 25:23

Tatitusti sarakïnwa: “Purakaman pä markaw ukankaski. Janïra yurkasin jupanak pura ch'axwir pä marka. Jupanakat maynïrix maynit sipansa jila ch'amanïniwa, jilïriw sullkarux jaysani” sasa.

Génesis 25:25

Nayraqat yurkän uka wawasti wila ñik'utanïnwa, janchipasti wali t'arwararänwa, Esaú sutimpiw uchapxäna.

Génesis 25:26

Ukxarusti jilapaw yurirakïna, Esaú jilapan kayu wintupat katt'ata, ukat uka wawarux Jacob suti uchapxarakïna. Isaacax suxta tunka maranïnwa kunapachatix Rebeca warmipax ispa wawanak wawachaskäna ukkhaxa.

Génesis 32:29

29 (30) Jacobusti jiskt'arakïnwa: —Jichhax jumarak sita, ¿kunas sutimaxa? —sasa. Ukampis uka jaqix sänwa: —¿Kunatakis sutix yatiñ muntasti? —sasa. Ukatsti uka jaqix ukawjanpach Jacoburux aski waxt'äwip churäna.

Éxodo 18:8

Ukatsti Moisesax kuntix Tatitux Israel markat arxatasisax faraonampiru, egipcionakampir lurkatayna taqi ukanak awkch'ipar yatiyäna, kuna jan walt'añanakatix thakhin utjkatayna, kunjämtix Tatitux jupanakar qhispiykatayna taqi ukanak yatiyarakïna.

Amós 1:11

Tatitux akham siwa: “Edom markankir jaqinakax wali ñanqhanakpun lurawayapxi, ukat jupanakarux mutuyarakï; israelita jilanakaparu jan khuyapt'ayasis espada ayt'at arknaqapxatapata. Jach'a phiñasiñapasa, uñisiñapas jilanakapatakix jan tukuskirïnwa.

Malaquías 1:2

Tatitux siwa: “Nayax jumanakar munasipxsmawa” sasa. Jumanakasti sapxtawa: “¿Kunjämatsa yatipxirista juman nanakar munatamxa?” sasa. ¿Janit Esaú chachasti Jacob chachan jilapäkänsti? Ukampisa, nayax Jacoburuw munasïyäta,

Números 13:26

Parán wasaran Cadés sat chiqaruw kuttanxapxäna. Ukan Moisesampi, Aaronampi, taqpach israelitanakampix jikxatasipxäna. Ukatsti kuntix yatxatanipkatayna taqi ukanak jupanakar yatiyapxäna, uka uraqit apanipkatayna uka achunaksa uñacht'ayapxarakïnwa.

Números 20:15

Nanakan nayra awkinakaxax Egiptoruw jakir sarxapxäna, ukatsti walja maranakaw ukan jakapxäna, ukampis egipcionakax nanakar jan wal uñjapxitu, nayra awkinakaxarjamaw uñjapxarakitu;

Números 20:22

Israelitanakax Cadés chiqat sartawayasax, Hor sat qullu tuqiruw sarxapxäna,

Deuteronomio 23:7

7 (8) “Ukampisa janiw jumanakax edomita sat jaqinakarux jisk'achapxañamäkiti, jupanakax jumanakan wila masinakamawa; janirakiw egipcionakar jisk'achapxañamäkiti, jupanakan markapan jumanakax jakapxäyätaxa;

Josué 2:10

Nanakax yatipxtwa, kunjämtix Tatitux Egipto markat mistunipkta ukkhax, uka Mar Rojo quta wañt'aykäna, ukat ukanjam jumanakan makhatapxañamataki ukxa. Ukatsti kunjämtix amorreonakan Sihón, Og sat reyinakaparu Jordán jawir khurkatan jumanakax tukjapkta uksa yatipxaraktwa.

Josué 2:9

—Nayasti Tatitun aka uraqi jumanakar churatap yattwa, nanakax jumanakat parlir ist'asax wal axsarayasipxta. Aka markankirinakax taqiniw jumanakat ist'asax axsarañatsa khathatipxi.

Josué 9:10

ukhamarak kuntix Jordán jawir khurkatankir pani amorreo reyinakaru lurki ukanaksa, Sihón sat Hesbón markan reyiparu, Astarot chiqan jakir Og sat Basán markan reyiparu.

Josué 9:9

Jupanakasti sapxänwa: —Nanakax wali jayat jutapxta, Tatitu Diosaman wali ch'amanïtap yatisa. Egipto markan kuntix jupax lurki taqi ukanak yatipxta,