Números 20:12 - Qullan Arunaka DC

¹² Ukampis Tatitux Moisesampiru, Aaronampirux sänwa: —Janiw jumanakax nayar iyawsapkistati, janirakiw israelitanakan nayraqatapansa jach'añchapkistati, ukat aka jaqinakamp chikax, churkä uka uraqirux janiw mantapkätati —sasa.

Aymar Bibliia 1986

¹² Ucampisa Tatitojj Moisesampir, Aaronampirojj sänwa: —Jumanacasti janiw nayaru ist'apquistati, ni jach'añchapcaraquistasa israelitanac nayrakatanjja, ucatwa jani mantapcätati aca jakenacampejj cawquïri oraktejj churä siscta ucarojja —sasa.

Qullan Arunaca

¹² Ucampisa Tatitojj Moisesampir, Aaronampirojj sänwa: —Jumanacasti janiw nayaru ist'apquistati, ni jach'añchapcaraquistasa israelitanac nayrakatanjja, ucatwa jani mantapcätati aca jakenacampejj cawquïri oraktejj churä siscta ucarojja —sasa.

Números 20:12 Jak'a apnaqawi uñst'ayäwi

2 Crónicas 20:20

Qhipärmanthisti wali willjtat sartasipxäna, Tecoa wasar tuqir sarañataki. Mistusipkäna ukkhasti, Josafat reyix sayt'asisin jupanakarux säna: “Jerusalenankirinaka, Judá uraqinkirinaka, ist'apxita: Tatit Diosamar iyawsapxam, ukatsti janiw axsarapxätati; profetanakapan arsutanakap iyawsapxam, ukatsti jumanakatakix taqi kunas walikïskaniwa” sasa.

Salmos 106:32

Meribá umanak jak'an Tatiturux q'apisiyapxäna, jupanak laykuw Moisesax jan walir purïna,

Salmos 99:8

Tatay, Diosaxay, jupanakarux ist'äyätawa, ñanqha luratanakapat t'aqhisiykchïyät ukasa, jupanakatakix juchat pampachir Diosäyätawa.

Isaías 8:13

Taqi ch'amani Tatit saparukiw Qullan Diosarjam uñjañasaxa, jupa saparukiw jach'achañasaxa, jupan nayraqatapan axsarañasaxa.

Ezequiel 20:41

Kunapachatix nayax uka yaqha markanakata, kawkhanakantix ananukut uñjasisipkta ukanakat tantachthapipkäma, taqi markanak nayraqatan nayan q'uma kankañaxsa uñacht'ayapkäma, ukapachaw nayax jumanakan suma q'apkir luqtäwinakam katuqapxäma.

Ezequiel 36:23

Nayaw uka yaqha markanak nayraqatan uñacht'ayarakï, aytat sutixan qullanapunïtapa, jumanakax uka markanak taypin sutixa jisk'achapxtaxa; kunapachatix nayax sutixan jach'ätap uñacht'aykä, ukapachaw jupanakax yatipxarakini, nayan Tatitütaxa. Naya, Tatituw uk arsta.

Ezequiel 38:10

“ ‘Naya Tatitux akham sistwa: Uka urunakansti ñanqha amtäwinakaw p'iqimarux jutani.

Levítico 10:3

Moisesasti Aaronarux sarakïnwa: —Tatitux akpï sañ munänxa kunapachatix siskäna: “Nayar jak'achasirinakarux q'uma kankañax uñacht'ayä, taqi israelitanakarusti k'ajkir qhanax uñacht'ayarakï” —sasa. Aaronasti uka arunak ist'asax janiw kunsa siskxänti.

Números 11:15

Jumatix nayar ukham luraskakitätaxa, jakañaxak apaqxita chiqpachan munaschista ukaxa. Ukataq jan walt'añan uñjasiñaxax tukusxaspawa —sasa.

Números 20:24

—“Aaronax jiwxaniwa, janiw jupax Israelan wawanakapar churkta uka uraqir mantkaniti, jumanakan Meribá chiqan arunakaxar jan jaysapxatam layku.

Números 27:14

jumanak paninix Sin sat wasaran nayar jan jaysapkistati, markax nayatak sartkän ukapacha, janirakiw jumanakax uma mayipkän ukkhax jupanak nayraqatan jach'añchapkistati, —sasa. (Akasti Cadés chiqankir Meribá uma jalsut parli, Sin wasarana).

Mateo 17:17

Jesusasti sarakïnwa: —¡Pächasiri, jan wali amtani jaqinaka! ¿Kunapachkamarak jumanakampïskästi? ¿Kunapachkamarak jumanakasti ch'am tukuyapxitätasti? Akawjar uka waynar irpanipxam —sasa.

Mateo 17:20

Jesusasti jupanakarux sänwa: —Pisi iyawsañanïpxatam laykuwa. Qhanak sapxsma, mä jisk'a mostaza jatha ukch'akis iyawsañanakamax utjaspaxa, aka qullurux: ‘Akawjat yaqha chiqar jittam’ sapxasmawa, qullusti yaqhawjaruw jittaspa. Janiw kunas jumanakatakix ch'amäkaspati.

Lucas 1:20

Ukampis jichhax kuntix sisksma uka arunakar jan iyawsatam laykuw amutu tuküta, ukatsti janiw parlkätati wawaman yuriñapkama —sasa.

Lucas 1:45

¡Juman iyawsatamax kusisiñawa, kuntix Tatitux sisktam uka arunakax phuqhasiniwa! —sasa.

Juan 1:17

kamachix Moisés tuqiw churasïna, ukampis munasiñampi, chiqa kankañampix Jesucristo tuqiw juti.

Romanos 4:20

Jupax Diosan arsutanakapat janiw pächaskänti, jan ukasti iyawsañapax juk'ampi thurt'atänwa, ukat Diosarux yupaychäna.

Deuteronomio 1:37

“Jumanakan jucham laykuw Diosax nayatakis q'apisïna, ukat situ: ‘Janirakiw jumas uka uraqirux mantkätati.

Deuteronomio 34:4

Ukan Tatitux Moisesar säna: “Aka uraqinak nayax Israelar churä. Ukham nayax nayra awkinakamar arsuwayta, Abrahamaru, Isaacaru, Jacoburu. Nayax kipka nayranakamamp uñjañam munta, ukampis janiw uka uraqirux mantkätati” sasa.

Deuteronomio 4:21

Ukampisa, Tatitux jumanakan juchanakam laykuw nayatak q'apisi, ukatsti juramento luri nayan Jordán jawir jan makhatañaxataki, churapkätam uka suma uraqir jan mantañaxatakisa.

Josué 1:2

“Moisés luqtirixax jiwxiwa, jichhasti jumaruw taqi israelit jaqinakampix Jordán jawir makhatañax wakt'tam, kawkïri uraqtix jumanakar churapkäma ukar sarañataki.

1 Pedro 3:15

jan ukasti chuymanakaman Tatitur jach'achapxam. Khitinakatix jumanakar suyt'añanakamxat jiskt'apkätam ukanakar arsuñatak wakicht'atäpxam,