Números 2:2 - Qullan Arunaka DC

² “Israelitanakax Tatitumpi Jikisiñ Carpäkis ukkhat jaya chiqat muyuntasaw utjnuqtapxani, sapaqat maynisa wiphalapampi, wila masitkam mä chimpun uchata.

Aymar Bibliia 1986

² “Israelit jakenacajj Jiquisiñ Carpäquis ucqhatjja jaya chekaruw puripjjani, sapakat maynisa wiphalapampi, uqhamaraqui quipca familiapan mä chimpun uchata.

Qullan Arunaca

² “Israelit jakenacajj Jiquisiñ Carpäquis ucqhatjja jaya chekaruw puripjjani, sapakat maynisa wiphalapampi, uqhamaraqui quipca familiapan mä chimpun uchata.

Números 2:2 Jak'a apnaqawi uñst'ayäwi

Salmos 74:4

Timanakamax atipjasin qullan utaman waruripxi; ¡yaqha markankir wiphalanak sayt'ayasipxi,

Salmos 76:11

11 (12) Tatitutak arsupxam, phuqhapxarakim, jupan jaqinakapa, axsarkañ Diosar luqtäwinak churapxam.

Isaías 12:6

Jerusalén markan utjasirinaka, kusisiñat arnaqasipxam, Israelan Qullan Diosapax taqi jach'a ch'amapampiw jumanak taypinki.”

Isaías 18:3

Taqi jumanaka, akapachan jakir jaqinaka, kunapachatix qullun mä chimpu aptapkan uk uñjapxäta, kunapachatix trompetax phust'askani uk ist'apxarakïta.

Ezequiel 43:7

akham sasa: “Aka chiqax nayan qunuñaxawa, kayunakaxan takt'asiñapawa; aka chiqan nayax israelitanak taypin wiñayatak jakarakï. Janipuniw jupanakasa, reyinakapasa nayan qullan sutix juk'ampi jisk'achaykxapxaniti, jan taqi chuyma arkatanakapampi, jiwat reyinakapar yupaychatanakapampi.

Zacarías 9:16

Khä urunwa, Tatitu Diosapax markaparu qhispiyani, mä oveja tamarjama, jupankirinakasti kipka markapan k'ajapxani, pillun uchat suma qalanakapar uñtata.

Números 1:50

Jupanakarux Tatitumpi Jikisiñ Carpan luqtapxañapatakiw uchäta, taqi kunanakatix uka qullan chiqawja manqhan utjki ukanak uñjapxañapataki. Jupanakaw arust'äwi qullan carpampi, uka manqhan utjir yänakamp apapxani, ukhamarakiw jupanakax qullan chiqawjar muyuntas utjnuqtapxani.

Números 10:14

Nayraqat sarantirinakax Judá ayllun wiphalapanïkän uka ejercitow sarantäna, jupanakan jilïripax Nahasón chachänwa, Aminadab chachan yuqapa.

Números 10:18

Ukxarusti Rubén ayllun wiphalapanïki uka ejercitow sarantäna; jilïr irpiripax Elisur chachänwa, Sedeúr chachan yuqapa.

Números 10:22

Ukxarusti Efraín ayllun wiphalapanïki uka ejercitow sarantäna, jilïr irpiripax Elisamá chachänwa, Amihud chachan yuqapa.

Números 10:25

Tukuyarusti, mayni ejercitonakan qhipapatxa, Dan ayllun wiphalapanïki uka ejercitow sarantäna, jilïr irpiripasti Ahiézer chachänwa, Amisadai chachan yuqapa.

Números 2:1

Tatitux Moisesampiru, Aaronampiruw säna:

Números 2:10

“Aynach tuqirusti Rubén ayllun wiphalapanïki uka ejercitow utjnuqtani. Rubén ayllun ejercitopan jilïripax Elisur chachawa, Sedeúr chachan yuqapa,

Números 2:3

“Inti jalsu tuqirux Judá ayllun wiphalapanïki uka tamanakaw utjnuqtapxani. Judá ayllun ejercitopan jilïripasti Nahasón chachawa, Aminadab chachan yuqapa,

Números 24:2

Balaamax Israel markarux ayllunakapatkam utjnuqtat uñjäna, ukhamaruw Tatitun ajayupax jupxar jutäna,

1 Corintios 14:33

Diosax janiw pixtuntir Diosäkiti, jan ukasti, sumankañ utjayir Diosawa. Criston iglesianakapan saräwiparjamasti,

1 Corintios 14:40

taqi kunsa chiqaparu, ukhamarak yäpar lurapxam.

Filipenses 1:27

Jumanakasti, kunjämtix Jesucriston suma yatiyäwi arunakapax yatichki ukhamarjam sarnaqapxam. Nayasti jumanakar uñjir jutäsa jan ukax janis jutkäxa, jumanakan mä wawar tukt'asak jakasipxañam munta, taqi kunansa mä amtäwir purisa, ukatsti qhispiyasiñ arunak qhanañchañatak wal ch'amachasisa,

Colosenses 2:19

Jupanakax khititix p'iqïki uka Cristompix janiw mayachatäpkiti, Cristow ch'am churas iglesiarux apnaqi, juparakiw iglesiarux wakiskirinak churi, ukatsti iglesiankirinakarux Diosan amtataparjam mayarukiw tukt'ayi.

Josué 3:4

ukhamat yatipxäta kawkha chiqtix sarapxañamäki uka, jumanakat jan maynis uka thakhinjam jan kunapachas sarapxatam layku; janipuniw arcarux jak'achasipxätati, jan ukasti, niya mä waranqa metronak qhipatak arkapxäta.”