Números 19:9 - Qullan Arunaka DC

⁹ Uka qhipatsti, mayni jan q'añuchat jaqiw nakhantayat vacan qhillanakap apthapini, uksti campamentot anqäxan mä q'uma chiqaruw uchxani. Uka qhillampiw Israel markax q'umachasir uma wakichani, taqi ukanakasti juchanakat wilañcha luqtäwïniwa.

Aymar Bibliia 1986

⁹ Mayni k'omachat jakesti, naqhantayat vacan khellanacap apjjaruwayasinjja, mä k'oma chekaruw uchanini campamentot ankäjjaru. Uca khellatsti Israel marcajj k'omachasir umwa waquichapjjani. Take ucanacasti juchanacat sacrificiöniwa.

Qullan Arunaca

⁹ Mayni k'omachat jakesti, naqhantayat vacan khellanacap apjjaruwayasinjja, mä k'oma chekaruw uchanini campamentot ankäjjaru. Uca khellatsti Israel marcajj k'omachasir umwa waquichapjjani. Take ucanacasti juchanacat sacrificiöniwa.

Números 19:9 Jak'a apnaqawi uñst'ayäwi

Levítico 15:20

“Kawkharutix uka warmix phaxsi wilanïkasin ikt'kani ukax, uka ikiñapax q'añut uñt'atäniwa. “Kawkharutix qunt'askani uka chiqas q'añut uñt'atarakïniwa.

Zacarías 13:1

“Khä urun mä uma jalsuw jist'artani, ukan Davidat saraqir wila masinakapasa, Jerusalén markan jakirinakasa juchanakapa, q'añu luratanakap jariqasipxañapataki.

Números 19:13

Maynitix jiwat jaqin amayap llamkt'asin jan q'umachaskanixa, Tatitun qullan utjäwip q'añuchi, ukhamäni ukasti, uka jaqix Israel marka taypit jaqunukutäñapawa, q'umachasir umampi jan q'umachasitap laykux, q'añut uñt'atäniwa.

Números 19:17

“Ukham q'añut uñt'at jaqir q'umachañatakix, jucha luratat wilañcha luqtaski uka vacan qhillap mä chuwar aptasini, ukatsti jalsur umampiw ukxar warxatasini.

Números 19:18

Ukatsti mayni q'umat uñt'at jaqiw hisopo laymi aptasin umar juricht'ani, ukampiw carpar ch'allakipani, ukatsti phukhunakaru, uka manqhan jikxatasipkän uka jaqinakaru, uka kipkarak khititix jaqi ch'akhanaksa, pampan jiwayat jaqin amayapsa llamkt'katayna, jan ukax, jiwañap jiwir jaqin amayapsa, amay imäwi llamkt'katayna ukanakar ch'allakiparakini.

Números 19:3

Jumanakax Eleazar sacerdoteruw uka vaca churapxäta, campamentot anqäxar irpsuwayañapataki, ukatsti jupan uñjkataw kharinukuyani.

Números 19:8

Vaca nakhantayki uka jaqisti, isip t'axsusxani, janchipsa umampi jariqasxarakini, ukampis jayp'ukamaw q'añuchat uñjasini.

Números 6:12

ukatsti Tatitur katuyasiñatak arsüwi urunakap machaqat jakhuñ qalltani. Nayra pacha katuyasit urunakax janiw jakhutäkxaniti, qullanañchkatayna uka ñik'utan q'añur tukutap layku. Tatitun nayraqataparux mä maran urqu oveja aparakini, jucha luratat wilañcha luqtañataki.

Números 8:7

Jupanakar q'umachañatakisti, q'umachasiñ umampiw jupanakar ch'allakipäta, ukatsti janchipan utjir ñik'utanakap q'al khuchhurasiyäta, isinakapsa t'axsurayarakïta, ukhamat q'uma tukupxani.

Números 9:13

Ukampis khititix q'uma jikxataskasina, jan saräwinkkasina Pascua jan uruykani uka jaqix, markap taypit apanukutaw uñjasini. Uka urun Tatitur waxt'a jan luqtatap laykusti, uka juchapat mutuyataw uñjasini.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

2 Corintios 7:1

Ukhamasti munat jilatanaka, Diosan taqi aka arsutanakapax jiwasatakiwa. Ukatpï taqi kunatix q'añuchkistaspa ukat jithiqtañasaxa, ukatsti janchisana, ajayusansa q'uma sarnaqañasaw wakisi; Diosar axsart'asasti q'uma jakäwi jikxatañatak ch'amachasiñäni.

Hebreos 7:26

Ukhamasti Jesusax suykäyätan uka Jilïr sacerdotewa. Jupax qullanawa, jan kuna juchani, jan akch'a q'añuni, juchaninakat jithiqtata, alaxpachatsa juk'ampi alayar aptataraki.

Hebreos 9:13

Urqu vacanakana, cabritonakan wilapampi, altaran nakhantat qachu vaca qallunakan qhillanakapampi, taqi ukanakamp juchaninakxar ch'axch'ukipatasti, anqäxatak qullanaptayaspa, q'umacharakispa.