Números 18:1 - Qullan Arunaka DC

¹ Tatitux Aaronaruw säna: “Kunapachatix israelitanakax Tatitump Jikisiñ Carpar ñanqhachañatak kuna juchsa lurapkani ukkhaxa, jumampi, wawanakamampi, Leví ayllunkir mayni jilanakamampikiw jupanakan jucha luratapat pampachäwi mayipxäta; ukampis kunapachatix jumampi, wawanakamampi sacerdote kankañ phuqkasin jucha lurapxäta ukkhaxa, janiw khitis jumanakan jucha luratanakamat pampachäwi maykaniti, jan ukasti, jumanakpachaw mayisipxäta.

Aymar Bibliia 1986

¹ Tatitojj Aaronarojj sänwa: “Jumampi, wawanacamampi, uqhamarac Leví tribun mayni jilanacamampiquiw cuna jan wali lurañatejj kollana chekan utjani ucatjja juchañchatäpjjäta; ucampisa juma sapa wawanacamampiquiw juchañchatäpjjäta cunapachatejj jumanacajj cuna jan walsa sacerdotëcasin lurapcäta ucqhajja.

Qullan Arunaca

¹ Tatitojj Aaronarojj sänwa: “Jumampi, wawanacamampi, uqhamarac Leví tribun mayni jilanacamampiquiw cuna jan wali lurañatejj kollana chekan utjani ucatjja juchañchatäpjjäta; ucampisa juma sapa wawanacamampiquiw juchañchatäpjjäta cunapachatejj jumanacajj cuna jan walsa sacerdotëcasin lurapcäta ucqhajja.

Números 18:1 Jak'a apnaqawi uñst'ayäwi

Éxodo 28:38

ukhamat Aaronan parapankapunini. Uka placasti, kunapachatix Aaronax israelitanakan jucha luratanakapat luqtanak katuykani, ukatsti Tatitun uka luqtanak katuqatapat juchanakap pampachkani uk uñacht'ayani.

Isaías 53:11

Ukham sinti t'aqhisitapatsti, ukapachaw Tatitur jaysañan askïtap yatini; Tatitun chiqa luqtiripasti waljaniruw qhispiyani, jupanakan juchanakapsti juparakiw apxani.

Isaías 53:6

Taqi jiwasanakaw ovejanakar uñtat chhaqtan, sapa maynis pachpa amtataparjam lurasa, ukampis Diosax jupxaruw jiwasan mutuyatäñanakas apxaruyi.

Ezequiel 4:4

“Ukatsti ch'iqäxat iknuqäta, jumxarusti Israelan juchap apxatasirakïta. Ukham ch'iqäxat iknuqatasti,

Levítico 10:17

—¿Kunatsa uka juchat luqtata chivo qullan utan jan manq'apxta? Jumanakax askiw yatipxta uka waxt'an qullanätapa, Tatitux jumanakaruw churapxtam, ukhamat jumanakan aka jaqinakan juchanakap apapxañamataki, ukhamarak Tatitut juchat pampachatäñ mayipxañamataki.

Levítico 22:16

khititix uka qullan manq'anakat manq'kani ukasti juchanchatäniwa. Naya Tatituw ukanak yaqhachasta.”

Levítico 22:9

“Jupanakarusti nayan kamachinakaxar phuqhas sarnaqapxpan sarakim, janitix uka kamachinakar phuqhapkani ukasti, jiwarapxaniwa. Naya Tatituw jupanakarux nayatak yaqhachasta.

Números 14:34

Jumanakax pusi tunka uruw uraqinak uñakipasax sarnaqanipxtaxa; ukhamarakiw jichhax pusi tunka mara mutuyäwi phuqhapxäta, sapa uruta mä mara. Ukhamat jumanakax yatipxäta, kunjämäkitix nayar qallkatasiñax uka.

Números 16:10

Tatitux jupa jak'ankapxañamatakiw jumanakar ajllisipxtam. Jichhasti, ¿kunatarak sacerdotëñ munapxaraktasti?

Números 17:13

13 (28) Tatitump Jikisiñ Carpar jak'achasirix taqiniw jiwarapxi. ¿Taqinit jiwarapxañänisti? —sasa.

Números 17:3

3 (18) Leví ayllun thujruparusti Aaronan sutip qillqantäta, sapa maya ayllun jilïripat mä thujruw utjañapa.

Números 17:7

7 (22) Ukatsti Moisesax Tatitun nayraqataparuw thujrunak uchäna, arust'äwi arca nayräxaru.

Números 18:11

“Ukatsti, israelitanakax luqtapkitan uka suma waxt'anaksti jumampitaki, jumamp jakasir yuqall wawamampitaki, imill wawamampitakiw churaraksma. Ukasti wiñayatak arsut kamachïniwa. Utamankir jaqinakat q'umachat jikxatasirix manq'askarakispawa.

Números 3:6

“Leví ayllunkirinakar jawsayam, Aarón sacerdoten arsutaparjam jupar yanapapxañapataki.

Deuteronomio 10:8

Ukapachaw Tatitux Leví ayllurux ajllïna, suma arust'äwi arca apañapataki, Tatitun nayraqatapankapxañapataki yupaychäwinak luqtañataki, jupan sutipxar aski waxt'äwinak churañataki, kamisatix jichhürkam lurasipki ukhama,

Hebreos 13:17

Irpirinakamar jaysapxam, jupanakarux ist'apxarakim, jupanakax jan inakt'asaw jumanakar uñjapxtam, Diosax taqi luräwinakamat jupanakar maykani uk yatisina. Kunatix jupar kusisiyki uk lurañatak ch'amachasipxam, jan ukhamäkani ukasti jumanakatakix janiw askïkaniti.

Hebreos 4:15

Jiwasan Jilïr sacerdotesax t'ukha kankañasan khuyapt'ayistaspa, jupax uka kipkarakiw kunayman yant'anakan jiwasjam uñjasïna, ukampis jupax janipuniw juchar purkänti.

1 Pedro 2:24

Jesucristo pachpaw cruzan jiwasin juchanakas janchipxar apawayxi, ukhamat jiwasanakax jucha jan luras jakxañasataki, jan ukasti askinak luras jakañasataki. Jupax jumanak k'umaräpxañamatakiw chhuxriñchjatänxa.

Jueces 17:12

Micaías chachax jupan sacerdotepat utt'ayäna, jupasti ukawjan jakiriw qhiparäna.