Números 17:8 - Qullan Arunaka DC

⁸ 8 (23) Qhipärmanthisti, Tatitump Jikisiñ Carpar Moisesax mantkän ukapachaw Aaronan thujrup ch'uxñatatat uñjäna, panqaranakani, puqurat almendra achunakan kuna.

Aymar Bibliia 1986

⁸ Khepärmanthisti, cunapachatejj carparu sarcän ucqhajj uñjänwa Aaronan varapa, cawquïritï Leví tribunquirïqui ucaru. Ucasti ch'ojjñatatatänwa; laphinacani, pankaranacani uqhamarac almendra achunacas pokorata.

Qullan Arunaca

⁸ Khepärmanthisti, cunapachatejj carparu sarcän ucqhajj uñjänwa Aaronan varapa, cawquïritï Leví tribunquirïqui ucaru. Ucasti ch'ojjñatatatänwa; laphinacani, pankaranacani uqhamarac almendra achunacas pokorata.

Números 17:8 Jak'a apnaqawi uñst'ayäwi

Génesis 40:10

uka uva alisti kimsa layminakanïnwa, ukanakasti jilaqasin panqaränwa, uka panqaranakasti puqurat uva wayunakaw tukuwayxarakïna.

Salmos 110:2

Tatitux Sión qullutpach ch'aman kankañ thujru ayxaruyätam. ¡Jumamp timasirinakarux atipjamaya!

Cantar de los cantares 2:3

Nayan munasitaxax chachanak taypin ch'uminkir quqanak taypin manzano quqar uñtatawa. ¡Kunja sumas nayatakix ch'iwipar qunt'asiñaxa! ¡Achupasti lakaxatakix sinti muxsarakiwa!

Isaías 4:2

Uka urux purinkani ukapachasti, jupanakax taqi kunan phuqt'ataw suman jakasxapxani. Markaxasti wali jach'ar tukt'asaw jakxani, kuna achunaktix uraqipax churkani taqi ukanakata. Khitinakatix Jerusalén markan qhiparapkani ukanakarusti, janiw taqinir mutuykäti, pachpa markan jakapxañapatakiw wakichä, ukatsti “Tatitun ajllit markapa” sas sutichatäpxaniwa.

Ezequiel 17:24

Pampankir taqi quqanakasti nayan Tatitütax yatipxani. Nayaw jach'a jach'a tukuri quqanakarux liwinukta, jisk'a quqanakarusti jiltayaraktwa. Nayaw ch'uxña quqanakarux wañsuyta, waña quqanakarusti ch'uxñatatayaraktwa. Naya, Tatituw uk arsta, arsutaxarusti phuqhapuntwa.’ ”

Ezequiel 19:12

Ukampis wali phiñasiñampiw alir jik'inukupxi, uraqiruw liwinukupxi. Inti jalsu thayaw uk wañsuyawayi, uva achunakapas willirtxiwa; uka thuru layminakapas wañsxiwa, ninar phichhantatarakiwa.

Ezequiel 19:14

Layminakapatsti ninaw mistu, uka ninaw küllinakapsa, achunakapsa nakhantxaraki. Janiw jichhax thuru layminakanïkxiti, reyinakan thujrup lurañatakixa.’ ” (Akax amay imäwi q'uchuwa, ukatak q'uchutapunïniwa.)

Números 16:5

ukatsti Coré jaqimpiru, arkirinakapampirux sänwa: —Arumanthiw Tatitux yatiyani khitis jupanki, khitis jupar katuyata, khitirakis jupar waxt'anak luqtaspa ukanaka. Jupax khitirutix ajlliskan ukakiw waxt'anak luqtani.

Números 17:5

5 (20) Nayaw ajllitaxan thujrup panqarayä, ukhamat israelitanakax jumanakatak jan juk'amp naya nayraqatan jan walinak parlaskañapataki” sasa.

Números 17:9

9 (24) Ukatsti Moisesax Tatitump Jikisiñ Carpat taqpach thujrunak apsunïna, ukatsti israelitanakaruw uñachayarakïna; uñjasinsti sapa mayniw thujrup aytasxäna.

Hebreos 9:4

ukawjansti qurit lurat incienso nakt'ayañ altarampi, qurimpi apakipat arust'äwi arcampiw utjäna. Uka arca manqhansti qurit lurat mä chatuw utjäna, uka chatunsti maná sat t'ant'aw uchatäna; Aaronan thujrupax ch'uxñatatkatayna, ukhamarak tunka kamachi qillqat qalanakas arca manqhankänwa.