Números 17:5 - Qullan Arunaka DC

⁵ 5 (20) Nayaw ajllitaxan thujrup panqarayä, ukhamat israelitanakax jumanakatak jan juk'amp naya nayraqatan jan walinak parlaskañapataki” sasa.

Aymar Bibliia 1986

⁵ Nayaw chillctayä cawquïrirutejj ajlliscta ucan varaparojja, uqhamatwa israelitanacajj jan mayampi jumanacatjja cuna jan walinacsa parlasipcañapataqui nayan nayrakatajjana” sasa.

Qullan Arunaca

⁵ Nayaw chillctayä cawquïrirutejj ajlliscta ucan varaparojja, uqhamatwa israelitanacajj jan mayampi jumanacatjja cuna jan walinacsa parlasipcañapataqui nayan nayrakatajjana” sasa.

Números 17:5 Jak'a apnaqawi uñst'ayäwi

2 Crónicas 26:16

Ukampis kunapachatix marka apnaqäwipan wali ch'amanïxäna ukkhaxa, jach'a jach'aw tukxäna, ukaw jupar aynacht'ayäna. Jupasti Tatit Diosaparux janiw sum arkkxänti, jach'a jach'a tukuñapampiw Tatitun utaparux altaran incienso nakt'ayañatak mantäna.

Esdras 2:62

Jupanakasti, wila masinakapan qillqatanakan sutinakap thaqapxäna, ukampis janiw jikxatapkänti, ukhamïpan jupanakax sacerdote kankañatxa apanukutäpxäna.

Salmos 105:26

Diosasti Moisesampiru, Aaronampiruw khithäna, luqtiripat ajlliskatayna jupanakaru,

Éxodo 16:7

willjtarusti Tatitun jach'a kankañap uñjapxäta; jumanakan arusitanakam jupax ist'iwa. ¿Khitïpxarakta nanakasti, jumanakan nanakar k'umipxañamatakisti? —sasa.

Isaías 11:1

Mä jaya maran k'ullu tunuttix mä jisk'a alix külltanchixa, ukhamarakiw Davidan wila masipatxa mä machaq reyix uñstani.

Isaías 13:11

Tatitusti siwa: “Akapachan jakirinakan ñanqha luratapat mutuyäwa, jaqi jiwayatanakapatsa mutuyarakïwa. Jach'a jach'a tukur jaqinakarusti jach'a jach'a tukuñanakap tukjä, ñanqha qhuru jaqinakarusti jisk'achjarakiwa.

Isaías 27:6

Akat qhiparux Israel markax jach'aruw tukxani, aka uraqpacharuw jaqinakamp phuqhantani.

Isaías 5:24

Israelan Qullan Diosapan yatichäwinakapxa, janiw katuqapktati; chiqpach mä sapa Tatitun kamachinakapsa jisk'achapxtawa. Ukatpï jichhax, kunjamtix ninax wichhurux q'al nakhantkixa, ukhamarakiw jumanakax q'ala tukjatäpxäta, kunjämatix alinakax saphitpach ñusjkix ukhama, panqaranakapas laq'ar tukuwaykix ukhama.

Ezequiel 16:41

Utanakamsti ninampiw phichkatapxani, ukatsti taqi warminak nayräxan jumar juchañchapxätam. Nayaw jichhax uka wachuqa jucha lurañanakam tukusiyä, janirakiw mayampis waynanakamarux uka wachuqa jucha luratanakamat qullqi churkxätati.

Ezequiel 23:27

Ukham lurasaw munañamar sarnaqañamxa tukusiyä, Egipton yaqha chachanakampi sarnaqañaru katuyasitamsa, janiw egipcio jaqinakarux mayampsa uñjkxätati, janirakiw mayampsa jupanakat amtaskxätati” sasa.

Oseas 14:5

5 (6) Israel markatakix sullar uñtatäyäwa, jupasti lirio panqarjamaw panqart'ani. Saphinakapasti uraqirux suma saphintatäniwa;

Números 1:51

Markax sarantkani ukapachasti, Leví ayllunkirinakaw arust'äwi qullan carpa apthapipxani; utjnuqtapkani ukkhasti, jupanakarakiw wasitat sayt'ayapxani. Khiti jaqitix jan Leví ayllunkirïkasin uka qullan chiqawjar jak'achasini ukaxa, jiwaniwa.

Números 11:1

Mä urusti, israelitanakax Tatitutakiw arusipxäna, jupanakan jan walt'añanakan jikxatasipxatap layku. Tatitusti ukanak ist'asax walpun q'apisïna, ukat jupanakar mä nina apayanisax utjnuqäwin thiyanakap phichhantäna.

Números 16:11

Chiqpachansa janiw jumanakax Aaronatak arusipktati, jan ukasti, Tatituruw jumasa, masinakamas saykatapxtaxa —sasa.

Números 16:5

ukatsti Coré jaqimpiru, arkirinakapampirux sänwa: —Arumanthiw Tatitux yatiyani khitis jupanki, khitis jupar katuyata, khitirakis jupar waxt'anak luqtaspa ukanaka. Jupax khitirutix ajlliskan ukakiw waxt'anak luqtani.

Números 17:10

10 (25) Tatitusti Moisesar sänwa: “Aaronan thujrup arust'äwi arca nayräxar kutintayam, ukawjan ukax imatäpan, aka saykatasir markan uk amtasiñapataki. Naya nayraqataxan jan arusisipkañapataki. Jaysapxitani ukasti, janiw jiwapkaniti” sasa.

Números 17:6

6 (21) Moisesasti israelitanakarux pachpa arunak säna, ukatsti sapa ayllun jilïripaw Moisesar thujrup churäna; taqpachasti tunka payan thujrunakänwa, Aaronan thujrupasti ukanak taypinkarakïnwa.

Números 17:8

8 (23) Qhipärmanthisti, Tatitump Jikisiñ Carpar Moisesax mantkän ukapachaw Aaronan thujrup ch'uxñatatat uñjäna, panqaranakani, puqurat almendra achunakan kuna.

1 Corintios 10:10

Janirak Diosatakix arusipxamti, kunjämtix jupanakat yaqhipanakax arusipkän ukhama, ukat jiwayir angelax jupanakar jiwarayäna.

Josué 4:7

jumanakasti akham sapxätawa: ‘Kunapachatix Tatitun arust'äwi arcapax Jordán jawir makhataskän ukkhaxa, jawir umanakax arca nayraqatan payaruw jaljtäna. Aka qalanakax israelitanakatakix kunatix akan luraskäna ukanak amtasiñatakiw uchata’ ” sasa.