Números 16:5 - Qullan Arunaka DC

⁵ ukatsti Coré jaqimpiru, arkirinakapampirux sänwa: —Arumanthiw Tatitux yatiyani khitis jupanki, khitis jupar katuyata, khitirakis jupar waxt'anak luqtaspa ukanaka. Jupax khitirutix ajlliskan ukakiw waxt'anak luqtani.

Aymar Bibliia 1986

⁵ ucatsti Coré jakempiru, arquirinacapampirojj sänwa: —Arumanthiw Tatitojj yatiyani qhitis jupanqui, qhitiraquisa jupar catuyata, qhitisa juparu ofrendanac churaspa ucanaca, cawquïrirutejj jupajj ajlliscani, ucaquiw ofrendjja loktaraquini.

Qullan Arunaca

⁵ ucatsti Coré jakempiru, arquirinacapampirojj sänwa: —Arumanthiw Tatitojj yatiyani qhitis jupanqui, qhitiraquisa jupar catuyata, qhitisa juparu ofrendanac churaspa ucanaca, cawquïrirutejj jupajj ajlliscani, ucaquiw ofrendjja loktaraquini.

Números 16:5 Jak'a apnaqawi uñst'ayäwi

Salmos 105:26

Diosasti Moisesampiru, Aaronampiruw khithäna, luqtiripat ajlliskatayna jupanakaru,

Salmos 115:10

Sacerdotenaka, ¡Tatitur iyawsapxam! Jupaw yanapistu, arxatarakistu.

Salmos 65:4

4 (5) Juman ajllit jaqix kusisiñaniwa, juma jak'an jakañapataki, qullan utaman utjasiñapataki. ¡Utaman utjir yänakampiy kusisiyapxita, qullan churäwinakamampiy phuqt'apxita!

Éxodo 28:1

“Nayax israelitanak taypit, Aarón jilamampiru, Nadab, Abihú, Eleazar, Itamar yuqanakapampiruw nayan sacerdotenakaxäñapatak ajllista. Ukhamasti jupanakax jumamp chikäñapawa.

Éxodo 28:41

“Uka isinakampiw Aarón jilamarusa, wawanakaparus isithapiyäta, ukatsti aceitempiw p'iqit warxatäta ukhamat jilïr kankañanïpxani, nayan sacerdotenakaxar tukuyas luqtarakïta.

Éxodo 28:43

Uka calzoncillo ucht'ataw Aaronampi, wawanakapampix Tatitump Jikisiñ Carpar mantapxani, jan ukax qullan chiqawjan sacerdote lurañanakap phuqhir altarar jak'achasipkani ukapachasa, ukhamat kuna juchsa jan lurapkaniti, janirakiw jiwapkanisa. Aka kamachix wiñayatak utt'ayatawa, Aaronampitaki, wawanakapan wawanakapampitaki.

Jeremías 30:21

Pachpa marka taypit mayni jilïrix mistuni, jupanak taypit jupanakar apnaqirix mistuni, ukatsti nayaruw jak'achasiyanï; ukampis, ¿khitis nayar jak'achasiniñ munaspa? Jupanakax markaxäniwa, nayasti Diosaparakïyäwa. Naya, Tatituw uk arsta.”

Jeremías 49:19

Edom marka, jan kamsasakiw jumarux nuwantäma, kunjämatix leonax akatjamat khitirus thuqxatkix ukhama. Nayaw uñisirim ajllï, mä juk'a pachanaki jumar atipjañapataki. Janiw yaqha Diosax nayjam utjkiti, janiw khitis nayar saykatirix utjkiti, janirakiw kawkïr awatiris nayarux saykatkitaspati.

Jeremías 50:44

“Babilonia marka, jan kamsasakiw jumarux nuwantäma, kunjämatix mä leonax akatjamat khitirus thuqxatki ukhama. Mä juk'a pachanak jumar atipjañapatakix nayaw uñisirim ajllï. Janiw yaqha Diosax nayjam utjkiti, janiw khitis nayar saykatirix utjkiti, janirakiw kawkïr awatiris nayar saykatkitaspati.

Ezequiel 40:46

amsta tuqi uñtatäki uka utasti, altaran irnaqapki uka sacerdotenakatakirakiwa. Jupanakasti Sadoc chachan wawanakapawa, levitanakat jupanak sapakiw Tatitun altarapar jak'achasipxaspaxa” sasa.

Ezequiel 43:19

Sadoc chachat saraqir levita sacerdotenakarusti, khitinakatix nayar luqtiri jak'achasiniñapäki ukanakarux, mä urqu vaca churapxäta, jucha luratanakat nayar mä wilañcha luqtaniñapataki. Naya, Tatituw uk arsta.

Ezequiel 45:4

Uka uraqisti Tatitun utapan luqtirinaka, Tatitur luqtañatak jak'achasipki uka sacerdotenakatakïniwa. Uka uraqin jupanakax utachasipxani. Uka uraqisti qullanäniwa, Tatitun utapatak yaqhachatarakïniwa.

Levítico 10:3

Moisesasti Aaronarux sarakïnwa: —Tatitux akpï sañ munänxa kunapachatix siskäna: “Nayar jak'achasirinakarux q'uma kankañax uñacht'ayä, taqi israelitanakarusti k'ajkir qhanax uñacht'ayarakï” —sasa. Aaronasti uka arunak ist'asax janiw kunsa siskxänti.

Levítico 8:2

“Jichhax Aaronampiru, wawanakapampir irpxarum, ukatsti sacerdotenakan isinakapa, luqtañatakïki uka aceite, kuna urqu vacatix jucha luratata Tatitur luqtaski uka, paypach urqu ovejanaka, uka kipkarak kawkïri walayatix jan levaduran t'ant'anaka churañatak uskutäki taqi ukanak apxarum,

Malaquías 3:18

Ukapachaw jumanakax amuyasipxäta kunatix askïki, kunatix jan askïki uka, ukhamaraki, khititix Diosar yupaychki, khititix jan yupaychki ukanaka” sasa.

Números 16:3

Taqpachaniw jupanakax tantachasisin Moisesampiru, Aaronampir saykatapxäna, akham sasa: —¡Jumanakakiw taqi kunsa munasipktaxa! Taqpach markaw Diosar katuyata, Tatitusti taqi jiwasanakampïskiwa. ¿Kunatarak jumanakasti Tatitun markapxar mä jach'a munañanïpkasmas ukham sartapxtasti? —sasa.

Números 16:6

Akham lurapxam: Coré chachampina, arkirinakapampin incienso q'aphichañanakap apanipxam,

Números 17:5

5 (20) Nayaw ajllitaxan thujrup panqarayä, ukhamat israelitanakax jumanakatak jan juk'amp naya nayraqatan jan walinak parlaskañapataki” sasa.

Números 17:8

8 (23) Qhipärmanthisti, Tatitump Jikisiñ Carpar Moisesax mantkän ukapachaw Aaronan thujrup ch'uxñatatat uñjäna, panqaranakani, puqurat almendra achunakan kuna.

Juan 15:16

Janiw jumanakax nayar ajllisipkistati, jan ukasti, nayaw jumanakar ajllisipxsma, ukatsti walja achunak churapxañamatakiw khithapxsma, uka achun jan pist'añapataki. Ukhamat Awkix kuntix nayan sutixar mayipkäta uk churapxätam.

Hechos 1:2

kunürutix alaxpachar jupax makhatkän ukürkama. Jesusax alaxpachar janïr makhatkasaxa, ajlliskatayna uka apostolunakaparuw Qullan Ajayu tuqi iwxawayäna kuntix lurapxañapäki ukxata.

Hechos 1:24

Ukatsti taqiniw Tatitut mayisipxäna akham sasa: “Tatay, jumaw taqinin chuymap uñt'taxa, jupa paninit khitirus jumax ajllista, ukay uñacht'ayapxita

Hechos 13:2

Mä urusti, jupanakax Tatituruw yupaychasipkäna, ayuno lurasipkän ukchañkamaw Qullan Ajayux jupanakar säna: “Bernabeampiru, Saulompir yaqhacharapipxita. Nayaw jupanakar mä suma irnaqäwitak ajllista” sasa.

Hechos 15:7

Wali jaya ukxat aruskipasinsti, Pedrox sayt'asisin jupanakar säna: —Jilatanaka, jumanakax yatipxtawa, nayratpach Diosax jumanak taypit nayar ajllisitu jan judiöpkis uka jaqinakar nayan yatiyañaxataki Tatit tuqi qhispiyasiñan utjatapata, ukhamat jupanakan iyawsapxañapataki.

Hechos 22:14

Ukatsti jupax sarakituwa: ‘Nayra awkinakasan Diosapaw jumarux ajllistam jupan amtäwinakap uñt'añamataki, khititix askïki ukar uñjañamataki, jupan pachpa lakapat arup ist'añamatakiraki.

Efesios 2:13

Ukampis jichhax Cristo Jesusan wila wartatap laykuw jupampix mayakïxapxtaxa, nayrax jayankapxäyätawa, jichhasti jak'ankxapxtawa.

2 Timoteo 2:19

Ukampis Diosax mä suma jan unxtkay qalltäwi uskuwayi, ukansti akham sas qillqantatawa: “Tatitusti jupankirinakarux uñt'iwa”; ukatsti “Taqi khitinakatix iyawsirïpki ukanakax, taqi jan wali luräwinakat jithiqtañapawa” sasa.

Hebreos 12:14

Taqinimpis sumankañan jakasipxam, q'uma jakañan sarnaqasa; jan ukampisti janiw khitis Tatiturux uñjkaspati.

Apocalipsis 1:6

ukatsti reyinaka sacerdotenak jiwasarux tukuyistu Dios Awkiparu luqtañasataki. ¡Qhapaq kankañasa, ch'aman kankañas wiñayatak jupankpan! Ukhamäpan.

1 Samuel 2:28

Israel markan taqi ayllunakap taypitsti, nayan sacerdotenakäpxañamatakiw ajllisipxsma, altaraxan wilañcha luqtapxañamataki, incienso nakt'ayapxañamataki, ukhamarak sacerdote isimp isthapt'at nayraqataxankapxañamataki. Ukhamarus nayra awkinakamarux israelitanakax nakt'at luqtäwi Tatituru churki taqi uka waxt'äwinakat manq'apxañapatakix churarakta.