Números 16:33 - Qullan Arunaka DC

³³ Jupanakax jakaskirpachaw manqha pachar jalantapxäna, taqi yänakapamppacha, ukatsti uraqix jist'antasxänwa. Ukhamaw taqi uka jaqinakax israelitanak taypit chhaqtayatäxäna.

Aymar Bibliia 1986

³³ Jacasquirpachaw orak mankher jalantapjjäna, take cunatejj utjcäna ucanacampi chica, ucatsti orakejj jist'antasjjänwa. Uqhamaw israelitanac taypitjja jiwarayatäpjjäna.

Qullan Arunaca

³³ Jacasquirpachaw orak mankher jalantapjjäna, take cunatejj utjcäna ucanacampi chica, ucatsti orakejj jist'antasjjänwa. Uqhamaw israelitanac taypitjja jiwarayatäpjjäna.

Números 16:33 Jak'a apnaqawi uñst'ayäwi

Salmos 141:7

Ch'akhanakapax amay imäwi jak'an willitatatäniwa, uraq sukachsutax jist'artki ukar uñtatäniwa.

Salmos 143:7

Tatay, ¡mayisitaxarux jank'akiy ist'am, samanaxax tukstañampïskiwa! Janikiy nayatak maysa uñtamti, jan ukax jiwatar uñtatïristwa.

Salmos 55:15

15 (16) ¡Jiwax akatjamat uñisirinakaxar katuntpan! ¡Manqhapacharux jakkirpach mantapxpan, ñanqhan chuymapankatap layku!

Salmos 55:16

16 (17) Nayax Diosarukiw art'asï; Tatitusti qhispiyitaniwa.

Salmos 55:23

23 (24) Diosaxay, k'arinakampi, jaqi jiwayirinakampix janiw jakañapat chikatsa jakapkaniti; jumaw jupanakarux mik'ay manqhar jaquntäta, ukampis nayax jumarukiw katuyassma.

Salmos 69:15

15 (16) ¡Janikiy ch'aman umax apitpati! ¡Janikiy mik'ay chinkänax manq'antitpati, janirak nayxarus jist'antaspati!

Salmos 9:15

1 (2) Jumar jan uñt'ir jaqinakax jupanakan wakichat sipitaruw jalt'apxi; kayunakapax jupanakan imantat pachpa sipitapan simpantatawa.

Isaías 14:15

¡Ukampis jichhax jiwatanakan manqha pachapkamaw jalanttaxa, ch'amaka mik'ay manqharuw purtaxa!

Isaías 14:9

Manqhapachansti, jiwatanak taypin wali uxuñaw utji, jumar katuqiriw mistunipxi. Jiwatanakan ch'iwinakapas sarthapiwa, akapachan jilïrinakapas jumar jikxatiriw mistunipxi; taqi markanakan reyinakapasti qunuñanakapat sartapxarakiwa.

Isaías 38:18

Sepulturan imantatanakax janiw yupaychapkiristamti, jiwatanakas janiw jach'achapkiristamti, kawki manqhar mantirinakasti janirakiw juman chiqa kankañamarux suyapkaspati.

Ezequiel 31:14

Akat qhiparusti, janipuniw kuna quqas ukham wali jach'ax jilkxaniti, qawqhas uma jak'ankaskpan, wali suma qarpatäskpasa, janipuniw alay laymipax qinayanakkam makhatkxaniti, wali alayarus jilkxarakiniti. Taqpachaw jiwarani, manqhapachar jaquntatäpxaniwa, kawkhankkitix jupanakat nayra jiwirinakax ukkharu.

Ezequiel 32:18

“Jumasti Ezequiel, Egiptonkir walja jaqinakataki, taqi jilïrinakapatakisa, yaqha markanakankir warminakampi chika aka amay imäwi q'uchu q'uchurapim: “ ‘Ch'amaninakax manqhapachar jaquntatäpxiwa, sepulturankxapxi ukanakamp chika ukankapxañapataki.

Ezequiel 32:30

“Amsta tuqinkir taqi jilïrinakasa, Sidón markankir jilïrinakas ukankasipkarakiwa. Jupanakax wali ch'amanïpxänwa, jaqinakarus wal axsarayapxäna, ukampis jichhax nuwasïwin jiwarapki ukanakamp chika manqhapachar jaquntataw uñjasipxi, mä p'inqarakiw ukan jichhax jikxatasipxi. Jupanakax Tatitur jan uñt'irïpxiwa, jan kuna jach'añchäwi katuqasaw nuwasïwin jiwaririnakamp chika imantata uñjasipxi, sepulturar jaquntatäpki ukanakamp chika.

Números 16:32

ukatsti Coré chachar jaqkattapkatayna taqi uka chachanakaruw manq'antäna, wila masinakapampiru, yänakapampiru.

Números 16:34

Uka jaqinakar wararir ist'asasti, uka thiyanakan jikxatasir israelitanakax, taqpachaniw jaltxapxäna akham sasa: “¡Jaltxañäni, jiwasamppacharurak uraqisti manq'antistaspa!” sasa.

Números 22:33

Asnox nayar uñjituwa, ukat kimsa kuti thakhit saranuku. Janitix ukham maysar saranukkasapänxa, nayax niyaw jumarux jiwayiriskasamäna, ukampis asnorux janiw jiwaykiriskäyätti —sasa.

Números 26:11

Coré chachan wawanakapakiw jan jiwapkänti.

Deuteronomio 32:22

Nayan q'apisiñaxax mä ninjamaw aqtani, wali manqhapachkamaw aqantani; uraqsa, achunakapsa q'al tukjani, qullunakan qalltanakapsa q'al naksuni.

Judas 1:11

¡Ay jupanakat kunakïkani! Caín chachan thakhip arkirinakaxa. Balaam chachjamaw qullqi jikxatañ laykux maysar saranukupxi, Coré chachjamaw saykatasipxatapat jiwapxi.