Números 16:26 - Qullan Arunaka DC

²⁶ Ukapachaw markar säna: —Uka ñanqha jaqinakan chhujllanakapat jithiqtapxam, kunatix jupanakankki ukanak janiw llamkt'apxätati, jumanakax juchanakap layku jan jiwasipkañamataki —sasa.

Aymar Bibliia 1986

²⁶ Ucatsti marcpacharuw säna: —Jithektapjjam uca juchan ñankha jakenacan carpanacapatjja, janiraqui llamct'apjjamti cunatejj jupanacancqui ucanacjja, jan jumanacasa juchanacapat jiwapjjañamataqui.

Qullan Arunaca

²⁶ Ucatsti marcpacharuw säna: —Jithektapjjam uca juchan ñankha jakenacan carpanacapatjja, janiraqui llamct'apjjamti cunatejj jupanacancqui ucanacjja, jan jumanacasa juchanacapat jiwapjjañamataqui.

Números 16:26 Jak'a apnaqawi uñst'ayäwi

Génesis 19:17

Kunapachatix marka anqäxankxapxän ukkhasti, maynïr angelaw säna: —¡Jiwañ jan munapksta ukax jaltapxam! Janipun qhiparux uñtanipxamti, janirak qhirwa chiqa sarkasas sayt'apxamti. Qhispitäñ munapxsta ukaxa, qullunakar jaltxapxam —sasa.

Isaías 52:11

¡Babilonia markat mistunxapxam, kuna q'añurus jan llamkt'apxamti, Babiloniat mistunxapxam! ¡Khitinakatix Tatitun yänakapa apanipkta ukanakax jan kunampis q'añuchasipxamti!

Jeremías 51:6

“¡Babilonia markat jaltxapxam! ¡Qhispiñ munirix qhisppan! ¡Jan jupan juchap laykux jiwapxamti! Jupanakat phuqsusiñ uruw purinxi, luratanakaparjamaw churarakï.

Números 16:25

Moisesasti sayt'asisin Datán, Abiram jaqinakan ukaruw saräna, jupamp chikasti Israelan jilïrinakapaw sararakïna.

Mateo 10:14

Janitix katuqapkätamxa, ist'apkarakïtamsa ukkhax uka utata, jan ukax uka markatsa mistuwayxapxam, kayunakamatsa laq'a thalarasiwayxapxam.

Hechos 13:51

Ukat Pablompi Bernabeampix uka jaqinakatak kayunakapat laq'a thalarasisinxa, Iconio markaruw sarxapxäna.

Hechos 8:20

Pedrosti juparux sänwa: —Qullqimax jumamp chik tukuspan. Diosan churäwipax, janiw qullqimp alasiñäkiti.

2 Corintios 6:17

Ukat Tatitux sarakiwa: “Jupanak taypit mistupxam, jithiqtapxarakim; kunatix q'añüki uk jan llamkt'apxamti. Nayasti jumanakar katuqxapxämawa,

Deuteronomio 13:17

17 (18) “Jan jumanakax kunatix t'unjañataki uchatäki ukanak aptasipxamti, Diosasti janirakiw ukapachax jumanakatak q'apiskaniti, ukampis jupax jumanakat khuyapayasini, mirantayapxarakïtamwa, jumanakan nayra awkinakamar arsuwaykän ukhamarjama,

1 Timoteo 5:22

Janïr sum amuyt'kasax jan khitirus jilïrit utt'ayamti, mayninakan jucha luratapamp jan chikachasiskañamataki. Jan walinakxa, janipun luramti.

Apocalipsis 18:4

Ukatsti yaqha aru ist'arakta, alaxpachat art'asiniri: “Uka markat mistupxam, jumanakax markaxankirïpxtawa, jan jupamp chika jucha lurasipkañamataki, jupanakxar jutkani uka t'aqhisiñanakas jumanakxar jan purisinkañapataki.