Números 16:22 - Qullan Arunaka DC

²² Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

Aymar Bibliia 1986

²² Ucampis jupanacajj ajanunacap oraker puriyañcamaw alt'apjjäna, ucatsti sapjjaraquïnwa: —Dios Tata, jumaw take jakenacarus jacañ churta, ¿takpach marcampiti colerasïta mä sapa jaken juchapatjja? —sasa.

Qullan Arunaca

²² Ucampis jupanacajj ajanunacap oraker puriyañcamaw alt'apjjäna, ucatsti sapjjaraquïnwa: —Dios Tata, jumaw take jakenacarus jacañ churta, ¿takpach marcampiti colerasïta mä sapa jaken juchapatjja? —sasa.

Números 16:22 Jak'a apnaqawi uñst'ayäwi

Génesis 18:32

Abraham chachax mayamp saskakïnwa: —Tatay, jan nayatak q'apisimti, mä kutimpikiw arst'äxa, ukatsti janiw mayampsa arskxäti: “¿kunsa lurasma tunka jan juchani jaqinakak jikxatasma ukkhaxa?” sasa. Tatitusti sarakïnwa: —Uka tunkan laykux janiw markarux t'unjkäti —sasa.

2 Samuel 24:1

Tatitux wasitat israelitanakatak q'apisirakïna, ukatsti Davidaruw amtayäna, Israel markampita, Judá markampit jaqinak jakthapiñapataki.

2 Samuel 24:17

Davidasti angelar jaqinak tukjir uñjasaxa, Tatituruw säna: —¡Nayaw jucha lurta! ¡Nayaw juchanïtxa! ¿Aka jaqinakasti kuna juchanirakisti? ¡Nayasti achikt'asiraksmawa, mutuyäwimax nayampitaki, wila masinakaxampitakïpan! —sasa.

Job 12:10

Taqi jakirinakan jakañapax jupan amparapankiwa.

Salmos 99:6

Moisesampi Aaronampix jupan sacerdotenakapänwa; Samuel profetax jupan luqtiripänwa. Jupanakax Tatituruw yanap mayipxäna, Tatitusti mayitanakaparux ist'änwa.

Eclesiastés 12:7

Uka qhipatsti laq'ax uraq laq'aruw kuttxani, kunjämäkäntix nayrax ukhama, ajayusti khititix churkän uka Diosaruw kutkatxani.

Isaías 57:16

Janiw markaxarux juchañchkäti, janirakiw wiñayatakis phiñaskäti, naya pachpaw jumarux lurassma, janirakiw juman ch'ama laq'ayasiñamsa munkti.

Jeremías 32:27

“Nayätwa taqi jakirinakan ch'amani Diosapaxa. Janiw nayatakix kunas jan lurasirjamax utjkiti.

Jeremías 38:16

Ukampis Sedequías reyix Jeremías profetatakix jamasat aka juramento lurarapïna: —Khititix jakañ churkistu uka Tatitun sutipxaruw juramentompi arsurapsma, janiw jiwaykämati, janirakiw khitinakatix jiwayañ munapktam ukanakan amparaparus katuykämati —sasa.

Ezequiel 18:4

Taqi jaqinakax nayankiwa, awkisa, yuqasa nayankiwa, ukampis jucha luriristi jiwaniwa.

Levítico 10:6

Ukat Moisesax Aaronampiru, Eleazar, Itamar uka yuqanakapampiruw sarakïna: —Jichhax jan ñik'utanakamsa jararasipxamti, janirak llakisiñatsa isinakam ch'iyanuqasipxamti, ukatarak jumanakamppach jiwarasipkasma, Tatitus aka markxar phiñasiñap wartasinkaspa. Wila masinakapax jachasipkpan, ukhamarak israelita jaqinakasa, Tatitux uka jaqinakar ukham nakhantayatapata.

Levítico 4:3

“Jilïr sacerdotetix juch luranixa, uka jucha luratapan taqi jaqinakxar puritap laykux, mä k'umar urqu vaca uka jucha luratapat luqtañapa.

Zacarías 12:1

Tatituw Israel markatak ak yatiyitu: Alaxpach jach'ar tukuyiri, akapach uraqsa utt'ayiri, jaqirus jakañ churiri Tatitux siwa:

Números 14:5

Ukapachasti Moisesampi, Aaronampix israelitanak nayräxan ajanunakap uraqir puriyañkamaw alt'apxäna,

Números 16:23

Tatitusti Moisesarux akham sarakïna:

Números 16:4

Moisesasti uk ist'asinxa uraqir ajanup puriyañkamaw alt'äna,

Números 16:45

45 (10) —Uka jaqinakat jithiqtapxam, jichhpachaw jupanakar t'unjä —sasa. Moisesampi, Aaronampisti p'iqinakap uraqir puriyañkamaw alt'asipxäna,

Números 27:16

—Tatitu Diosay, jumaw taqi jaqinakarus jakañ churtaxa, markaman nayraqatap sarañapatak mä jilïr utt'ayam, jupasti taqi chiqanjam irparakpan, jupanakan jan awatirin tamar uñtat jan sarnaqasipkañapataki —sasa.

Romanos 5:18

Kamisatix Adanan jucha luratapax taqi jaqinakan juchañchatäñapatak utjixa, ukhamarakiw Jesucriston aski luräwipax taqi jaqinakar aski jaqinak tukt'ayi, jupanakan wiñay jakañanïpxañapataki.

1 Corintios 13:7

Munasiñanïñax taqi kun t'aqhisiñawa, taqi kun iyawsañawa, taqi kun suyt'añawa, taqi kun mutuñawa.

Hebreos 12:9

Ukhamarus kunapachatix wawanakäkäyätan ukkhax, janchi awkinakasax chiqachistänwa, jiwasanakasti ist'arakïyätanwa. ¿Jichhasti janit ukat juk'ampi jakañ jikxatañatak alaxpach Awkisar ist'añasasti wakiskisti?

Josué 22:18

¿Kunat juk'ampsa munasipkakta, jichhas jumanakan Tatitut saraqtapxañamatakixa? Jumanakatix jichhüru Tatitutaki sayt'asipxäta ukaxa, qharürux jupax taqpach Israel markatakix q'apisirakiniwa.