Números 15:24 - Qullan Arunaka DC

²⁴ “Markpachatix jan amuyasis pantjasinixa, taqpach markaw mä urqu vaca qallu luqtitani, nakt'ayat suma q'apkir luqta, wakiski uka grano achunakampi, vino waxt'apampi, Diosan arsutaparjama; ukxarusti, jucha luratat mä chivo wilañcha luqtapxitäta.

Aymar Bibliia 1986

²⁴ “Marcpachatejj jan muncasina pantjasini ucapachajj acanac lurapjjäta: takpach marcaw mä suma k'apquir vaca kallu naqhantayasa loktitani, juyra achunacampi, vinompi ofrendanac chica, cunjämtejj Tatitu Diosajj ewjjawayqui uqhama, ucatsipansa mä cabrito loktapjjetäta juchanacat sacrificiotaqui.

Qullan Arunaca

²⁴ “Marcpachatejj jan muncasina pantjasini ucapachajj acanac lurapjjäta: takpach marcaw mä suma k'apquir vaca kallu naqhantayasa loktitani, juyra achunacampi, vinompi ofrendanac chica, cunjämtejj Tatitu Diosajj ewjjawayqui uqhama, ucatsipansa mä cabrito loktapjjetäta juchanacat sacrificiotaqui.

Números 15:24 Jak'a apnaqawi uñst'ayäwi

Esdras 6:17

Ukürusti, wilañcha luqtapxäna: patak vaca qallunaka, pä patak khariñ ovejanaka, pusi patak mä maran ovejanaka, ukxarusti, tunka payan chivonaka, israelitanakan sapa ayllunakapatxa mayakama, Israel markpacha juchanakapat pampachat uñjasiñataki.

Esdras 8:35

Uka qhipatsti, Babilonia markat kuttanipkatayna ukanakaxa, tunka payan vaca qallunaka, llätunk tunka suxtan khariñ ovejanaka, paqallq tunka paqallqun mä maran ovejanaka, tunka payan chivonaka apanipxäna, israelitanakan sutipxaru nakt'at luqtäwinaka Israelan Tatitupar luqtatäñapataki. Tatitur jach'añchasaw uka uywanak nakt'ayapxäna.

Levítico 23:19

“Jucha luratanakatsti mä cabrito wilañchat luqtapxäta, sumankthapiñatakisti mä marani pä urqu oveja luqtapxarakïta.

Levítico 4:2

“Israelitanakar sarakim: Maynitix jan amuyaskasina Tatitun kamachinakap p'akintas juch lurani, ukatsti kunatix jan wakiski ukanak lurani ukaxa, akham lurañapawa:

Levítico 4:22

“Mä jilïritix jan amuyaskasina Tatit Diosapan kamachi arunakap p'akintanixa, uka jilïrix juchanipunïniwa.

Levítico 4:23

Kunapachatix uka jucha luratapa amuyasxani ukapachasti mä jan kuna kamacht'at chivo waxt'a luqtañatak apxarakini.

Levítico 5:15

“Maynitix jan amuyaskasin juch lurani, Tatitur luqtat yänakat sallqjatapas uñstkani ukapachax, oveja tamapat jan kuna kamacht'at mä urqu oveja Tatitun ukar wilañcha luqtañatak apaniñapawa. Uka urqu ovejan alapasti qawqhäkitix qullan utjäwin qullqipax ukarjam chaniñcht'atäñapawa, kunjämatix jucha luräwit waxt'a luqtañax wakiski ukhamarjama.

Levítico 5:18

Ukhamasti oveja tamanakapat mä jan kamacht'at urqu oveja apanini, uka ovejan alapsti jumaw qawqhänisa uk säta, ukatsti sacerdoten ukaruw uka jucha luratapat luqtañatak apatarakïni, ukhamat kuntix uka jaqix jan amuyaskasin jucha lurkatayna ukat pampachatäñataki.

Números 15:26

Nayaw taqpach Israel markaru, jumanak taypin jakir yaqha markat jutir jaqinakan juchap pampachä, markatix jan amuyasis pantjaskan ukapachaxa.

Números 28:15

Sapüru nakt'ayat waxt'a luqtatat sipansa, Tatiturux jucha luratat mä chivo wilañcha luqtapxäta, vino waxt'amp kuna.