Números 14:9 - Qullan Arunaka DC

⁹ Janiy Tatitur qallasipxamti, janirak uka markankir jaqinakar axsarapxamti, jupanakar atipjañax jiwasatak janiw kuna ch'amakänisa; jupanakar arxatirix janiw khitis utjkiti, ukatsipana, Tatituw jiwasampïski. ¡Jan jumanakax axsarapxamti! sasa.

Aymar Bibliia 1986

⁹ Ucampis jan Tatitu contra sartapjjamti, ni uca marcan jakenacaparus ajjsarapjjamti, jupanacasti mä t'ant'jam mank'antatäniw jiwasataquejja. Jupanacar arjjatirejj janiw qhitis utjquiti, ucat sipansa Tatituw jiwasampïsqui. ¡Jan ajjsarapjjamti!

Qullan Arunaca

⁹ Ucampis jan Tatitu contra sartapjjamti, ni uca marcan jakenacaparus ajjsarapjjamti, jupanacasti mä t'ant'jam mank'antatäniw jiwasataquejja. Jupanacar arjjatirejj janiw qhitis utjquiti, ucat sipansa Tatituw jiwasampïsqui. ¡Jan ajjsarapjjamti!

Números 14:9 Jak'a apnaqawi uñst'ayäwi

Génesis 48:21

Ukxarusti Josearuw sarakïna: —Nayax jiwañampïxtwa; ukampis Diosaw jumanakampïskani, ukatsti nayra awkinakaman uraqiparuw kuttayxapxarakïtam.

2 Crónicas 13:12

Amuyasipxam, jiwas nayraqatan Diosampi sacerdotenakapampiw ukankasipki, jumanakamp nuwasiñataki trompetanakan phust'asiñapatakix wakicht'atawa. Ukhamasti israelitanaka, janiy nayra awkinakaman Tatit Diosapampi nuwasipxamti, janiw atipjapkätati” sasa.

2 Crónicas 15:2

jupasti Asá reyir jikxatiriw saräna, juparusti sänwa: “¡Asá, ukhamarak Judá, Benjamín markankir jaqinaka, ist'apxita! Tatitux jumanakampïskiwa, jumanakatix jupampïpxäta ukaxa. Jumanakatix jupar thaqhapxäta ukaxa, jikxatapxätawa; ukampis jumanakatix jupar apanukupxäta ukasti, jupax jumanakar apanukupxarakïtamwa.

2 Crónicas 20:17

Janiw jumanakati aka nuwasiñan nuwasipkäta, sum wakichasipxam, suyt'apxarakim, ukat kunjämtix Tatitux jumanakar qhispiyapkätam uk uñjapxäta. ¡Jerusalenankiri, Judá uraqinkir jaqinaka, jan axsarapxamti, janirak mulljasipxamsa; arumanthi willjtasti jupanakamp nuwasir sarapxam, Tatitux jumanakampïskiwa!’ ” sasa.

2 Crónicas 32:8

Asiriankir reyix jaqinakan ch'amaparukiw katuyasi, ukampis Tatitu Diosasaw jiwasampïski, nuwasïwinakasan jiwasar yanapt'añapataki” sasa. Ezequías reyin arunakap ist'asinsti, jaqinakax wal ch'amañchasipxäna.

Nehemías 4:14

14 (8) Nayasti jupanakan axsarayasipxatap uñjasin jilïrinakaru, marka apnaqirinakaru, taqi jaqinakamppacharuw sayt'asisin akham sista: “Jan axsarapxamti. Amtasipxam, Tatitux jach'a ch'amaniwa, axsarkañarakiwa; jumanakax nuwasipxam masinakam layku, wawanakam layku, warminakam layku, utanakam laykuraki” sasa.

Salmos 106:24

Uka qhipatsti munkay uraqiruw jisk'achapxäna, janiw Tatitun arupar iyawsapkänti;

Salmos 121:5

Tatituw juman imirimaxa; jupaw juman jak'amankaski.

Salmos 14:4

Ñanqha luririnakax jan amuyunïpxiwa, markaxarux t'ant'jam manq'antapxi, janiw Tatitun sutipsa art'asipkiti.

Salmos 46:11

11 (12) ¡Taqi ch'aman Tatitux jiwasampïskiwa! ¡Arxatirisax Jacobun Diosapawa!

Salmos 46:7

7 (8) ¡Taqi ch'aman Tatitux jiwasampïskiwa! ¡Jacobun Diosapaw arxatirisaxa!

Salmos 46:8

8 (9) Tatitun muspharkañ luräwinakap uñjir jutapxam, uraqin lurki uka muspharkañ luräwinaka:

Salmos 74:14

jumaw Leviatán axsarkañ animalan p'iqip pallalljtaxa, wasarankir animalanakan manq'añapatakiw jaqunuktaxa.

Salmos 91:1

Alaxpachankir Taqi ch'amanin imat sarnaqir jaqixa,

Éxodo 14:13

Ukampis Moisesax ukxaruw jupanakar säna: —Jan axsarapxamti. Ch'amañchasipxam, jichhüruw uñjapxäta kuntix Tatitux jumanakar qhispiyañatak lurkani uka. Jichhür uñjapkta uka egipcionakarux janiw mayampsa uñkatkxapxätati.

Éxodo 33:16

Jumatix nanakamp jan sarkasma ukasti ¿kunjämatarak yatipxiriststi markamasa, nayasa juman yanapamamp sarasipkataxsti? Juman yanapamampikiw markamampi, nayampix aka uraqin utjir yaqha markanakat mayjäpxirista —sasa.

Isaías 1:2

Alaxpachampi, akapachampi, ist'apxam kuntix Tatitux siski uka: “Wawanak jilarañapkamaw uywasta, ukampis jupanakax nayatakikiw sayt'asxapxi.

Isaías 32:2

Uñisirinakapar arxatañatakiw sayt'asipxani, jan wali urunakat imañataki, ñanqha luräwinakat imañataki.

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Isaías 41:14

Tatitusti sarakiwa: “Israel, Jacobun markapa, jisk'äskamsa, pisi ch'amäskamsa, jan axsaramti, nayaw yanapaskäma. Naya, Israelan Qullan Diosapa, nayaw qhispiyirimätxa.

Isaías 63:10

Ukampis israelitanakax Tatitutakiw sayt'asipxi, q'uma kankañaparuw ñanqhachapxi; ukat jupanakatakix mä uñisirir tuku, nuwantañatakiw amtaraki.

Jeremías 1:19

Jupanakax walpun juma tuqix sayt'asipxani, ukampis janiw atipjapkätamti. Nayaw jumampïskä jumar imañataki. Naya, Tatituw uk arsta” sasa.

Jeremías 42:11

Babiloniankir reyirux jan axsarapxamti, uka reyin munañapat qhispiyañatakix nayaw jumanakampïskta. Naya, Tatituw, uk arsta.

Jeremías 48:45

“Yaqhipanakax jan ch'amaniw jaltxapxi, Hesbón markan ch'iwipar imantasiri; ukampis, Sihón reyin Hesbón markapax ninampi phichhantatäniwa, uka ninasti jach'aruw aqatati, uka ch'axwir Moab markan qullunakapsa q'al nakhantaraki.

Daniel (hebreo) 9:5

Nanakax juchachasipxtwa, ñanqhanak lurapxarakta; kunatix jan walïki uk lurapxta; jumar jan yäqasaw jakapxta; kamachi arunakamsa, arsutanakamsa apanukupxaraktwa.

Daniel (hebreo) 9:9

Ukampis nanakan Tatituxay, jumankiw khuyapayasiñasa, juchanak pampachañasa. Nanakax nayraqataman jumatakiw sayt'asipxta,

Números 13:30

Jaqinakax Moisesatakiw arusipxäna, ukampis Caleb chachaw uka jaqinakar amukt'ayäna, akham sasa: —¡Uka uraq katuntir sarapxañäni! ¡Jiwasax katuntañäniwa!

Números 17:6

6 (21) Moisesasti israelitanakarux pachpa arunak säna, ukatsti sapa ayllun jilïripaw Moisesar thujrup churäna; taqpachasti tunka payan thujrunakänwa, Aaronan thujrupasti ukanak taypinkarakïnwa.

Números 20:2

Uka chiqansti janiw jaqinakatak umax utjkänti, ukat taqpachan tantachasisin, Moisesampitaki, Aaronampitak arusiñatakiw sartasipxäna,

Números 24:8

Tatituw jupanakar Egipto markat irpsunïna, búfalo animalan ch'amapar uñtat ch'amampi. Israel markax uñisir markanakaruw t'unjani; mich'inakapampiw usuchjani ch'akhanakap p'akirarakini.

Mateo 1:23

“Chacha jan uñt'ir mä tawaquw usur jaqiptani, jupasti mä yuqall wawa wawachasini, juparusti Emanuel sutimpiw sutichani.” (ukasti: “Diosax jiwasampiwa” sañ muni).

Romanos 8:31

¿Kunat juk'ampirak sañänisti? ¡Diosatix jiwasanakampïchixa, janiw khitis saykatkistaspati!

Deuteronomio 1:21

Jumanakan Tatit Diosamaw aka uraqinak churapxtam, jichhasti mantapxamaya, awkinakaman Tatit Diosapan arsutaparjam utjantasipxam. Jan axsarapxamti janirak ch'amanakamsa jiwt'ayasipxamti’ sasa.

Deuteronomio 1:26

Ukampis jumanakax janiw sarañ munapktati, Tatit Diosasan arsutaparux janiw jaysapktati,

Deuteronomio 1:29

“Ukat nayax jumanakar sapxsma: ‘Jan llakisipxamti, janirak jupanakarus axsarapxamti.

Deuteronomio 31:6

Ch'amañcht'asipxam, qamas katxatapxarakim, jupanakamp nuwasipkät ukkhaxa, jan axsarapxamti, janirak khathatipxamsa, Tatit Diosamaw jumanakampïski, janiw jaytapkätamti, janirakiw apanukupkätamsa” sasa.

Deuteronomio 31:8

Tatituw juman nayräxam sarani, jumampïskaniwa; janiw jaytkätamti janirakiw antutkätamsa; ukhamasti, jan axsaramti, janirak llajllasimsa.”

Deuteronomio 32:42

Mich'inakaxsa katuntat jaqinakan wilaparuw juricht'arakï. ¡Taqpach jilïr jaqinakaparuw p'iqinakap khuchhuqä!’

Deuteronomio 7:18

¡Ukampis jumanakax jan axsarapxamti! Sum amtasipxam kunjämtix Tatit Diosamax faraón reyimpiru, egipcionakampir lurkän ukanaka.

Deuteronomio 7:21

Ukhamasti jumanakax jan jupanak nayräxan khathatipxamti, jumanakan Tatit Diosama, jach'a axsarkañ Tatituw jumanakampïski.

Deuteronomio 9:7

“Janipun jumanakax armasipxamti wasaran Tatit Diosamar q'apisiyapxatama. Egipto markat mistunipkta uküruta, aka chiqar puriniñkamaw Diosarux saykatapxtaxa.

Filipenses 1:27

Jumanakasti, kunjämtix Jesucriston suma yatiyäwi arunakapax yatichki ukhamarjam sarnaqapxam. Nayasti jumanakar uñjir jutäsa jan ukax janis jutkäxa, jumanakan mä wawar tukt'asak jakasipxañam munta, taqi kunansa mä amtäwir purisa, ukatsti qhispiyasiñ arunak qhanañchañatak wal ch'amachasisa,

Josué 1:5

Juman jakañamkamax janiw khitis atipjkätamti, nayasti kunjämatix Moisesamp chikäkäyät ukhamarakiw jumampïskä, janipuniw jumarux jaytanukkämati.

Josué 14:12

Ukat jichhax jumar maysma uka qullu chiqanak nayar churañamataki, kunjämtix Tatitux arsuwaykitu ukhamarjama. Jumasti yattawa Anac sat jach'a tansa jaqit saraqir wawanakapan uka urunakatpach uka chiqan jakapxatapxa, markanakapasa jach'anaka, wali suma uyuchrantat markanakätapa. Ukampis nayax Tatitun yanapapampix uka chiqat jupanakarux jaqunuküwa, kunjämtix Tatitux arsuwayki ukhamarjama” sasa.

Jueces 1:22

José sat ayllunkirinakax Betel marka katuntañatakiw amtapxi, uka markasti nayrax Luz satänwa, ukatsti uñaqirinak ukar khithapxäna. Tatitusti jupanakarux yanapt'änwa.