Números 14:2 - Qullan Arunaka DC

² Jupanakax taqpachaniw Moisesampitaki, Aaronampitakix jan wal parlapxäna, akham sasa: “¡Egipto uraqinsa jiwaraskasäna, jan ukax, aka wasaransa jiwaraskasäna!

Aymar Bibliia 1986

² Take jupanacaw Moisés, uqhamarac Aarón toke jan wali arunac parlapjjäna, aqham sasa: “Egiptonsa jiwarascasäna jan ucajj aca wasaransa.

Qullan Arunaca

² Take jupanacaw Moisés, uqhamarac Aarón toke jan wali arunac parlapjjäna, aqham sasa: “Egiptonsa jiwarascasäna jan ucajj aca wasaransa.

Números 14:2 Jak'a apnaqawi uñst'ayäwi

1 Reyes 19:4

Ukatsti jupax wasar tuqin mä uru sarnaqasinxa, retama ali thiyaruw qunt'asïna. Jupasti jiwxañak munxäna, sarakïnwa: “¡Tatay, ukkhakamakïxpan! ¡Jakañax apaqxita, janiw nayax nayra awkinakaxat sipan ancha askïkti!” sasa.

Job 3:11

¿Kunatarak taykaxan purakapan jan jiwpachätsti, jan ukax, yuris ukspacha jan tukuspachätsti?

Salmos 106:24

Uka qhipatsti munkay uraqiruw jisk'achapxäna, janiw Tatitun arupar iyawsapkänti;

Salmos 106:25

utanakap taypin Tatitutak arusipxäna, janiw arsutanakap ist'apkänti.

Salmos 106:45

jupanakamp arust'äwi luratat amtasïna, jach'a khuyapayasiñampiw ch'allxtayasïna, ukat jan mutuykxänti:

Éxodo 14:11

Moisesarusti sapxänwa: —¿Kunatakis nanakar Egiptot irpsunipxista? ¿Kunatsa nanakar wasaran jiwarir irpanipxista? ¿Janit Egipton imäwix nanakar imt'añatak utjkänxa?

Éxodo 15:24

Jaqinakasti Moisesatakix jan walinak parlapxäna, jiskt'apxarakïnwa: “¿Kunarak jichhasti umañänisti?” sasa.

Éxodo 17:3

Ukampis israelitanakax umat pharjataw Moisesatak jan walinak parlapxäna akham sasa: —¿Kunatakis Egiptot irpsunipxista? ¿Wawanakaxampiru, animalanakaxampir umatjam jiwarayañatakit irpsunipxistasti? —sasa.

Jonás 4:3

Ukat Tatay, achikt'asinsma, jichhax jakañax apaqxita. Jakaskañat sipansa jiwxañakiw wakisispa —sasa.

Jonás 4:8

Intix jalsunxäna ukapachasti, Tatitux mä junt'u thaya inti jalsu tuqit thayt'aniñapatak wakichäna, intix wali ch'amampiw Jonasan p'iqipxar junt'untäna, amuyasitapatxa ch'amapas q'ala thayjtatjamänwa, jiwxañak munxäna. Ukat säna: —Jakañat sipansa jiwxañakiw wakisxaspa —sasa.

Números 11:1

Mä urusti, israelitanakax Tatitutakiw arusipxäna, jupanakan jan walt'añanakan jikxatasipxatap layku. Tatitusti ukanak ist'asax walpun q'apisïna, ukat jupanakar mä nina apayanisax utjnuqäwin thiyanakap phichhantäna.

Números 11:15

Jumatix nayar ukham luraskakitätaxa, jakañaxak apaqxita chiqpachan munaschista ukaxa. Ukataq jan walt'añan uñjasiñaxax tukusxaspawa —sasa.

Números 11:5

¡Egipto uraqin chawlla inak manq'atasasti kawkinkaraki! Ukatsti, pepinonaka, melonanaka, puerronaka, cebollanaka, ajonak khayan manq'ayätan.

Números 14:1

Ukatsti israelitanakax warariñ qalltapxäna, uka arumasti jacht'asisaw qhantatipxarakïna.

Números 14:22

khitinakatix jach'a kankañax uñjkasinsa, Egiptompina, wasarampin muspharkañanak luratax uñjkasinsa, nayar wasaran mayampi mayamp yant'apxitu, arunakaxar jan jaysañ munirinakax,

Números 16:13

¿Amuyatamatsti juk'akiti kawkha uraqintix lechesa, misk'is umjam jalaski uka uraqit nanakar irpsunitamasti, ukat wasaran nanakar jiwarayiri, ukhamarus munañamar nanakar apnaqañ munatamasti?

Números 16:41

41 (6) Qhipärmanthisti Israel markpachaw Moisesampitaki, Aaronampitak parlañ qalltapxäna akham sasa: —¡Jumanakax Tatitun markaparuw jiwayasipktaxa! —sasa.

Números 17:6

6 (21) Moisesasti israelitanakarux pachpa arunak säna, ukatsti sapa ayllun jilïripaw Moisesar thujrup churäna; taqpachasti tunka payan thujrunakänwa, Aaronan thujrupasti ukanak taypinkarakïnwa.

Números 20:2

Uka chiqansti janiw jaqinakatak umax utjkänti, ukat taqpachan tantachasisin, Moisesampitaki, Aaronampitak arusiñatakiw sartasipxäna,

Números 20:3

ukatsti Moisesaruw sapxäna: —¡Tatitux mayni israelitanakar jiwarayki ukanakamp chik jiwarapxiriskäyäta!

Números 20:4

¿Kunatakirak aka wasarar Tatitun markapar irpanipxtasti? ¿Nanakampi uywanakaxampi jiwarañapti munapxtasti?

Números 21:5

ukat jupanakax Tatitutak arusiñ qalltapxäna, Moisesarusti sapxänwa: —¿Kunatakirak Egiptot irpsunipxistasti? ¿Wasaran jiwarayañatakit irpsunipxistasti? Janiw umasa, manq'as utjapkituti. ¡Aka jan sist'ayasir manq'ampix amjatäxapxtwa! —sasa.

1 Corintios 10:10

Janirak Diosatakix arusipxamti, kunjämtix jupanakat yaqhipanakax arusipkän ukhama, ukat jiwayir angelax jupanakar jiwarayäna.

Deuteronomio 1:27

utanakamansti jupataki arusisax, sapxaraktawa: ‘Tatitux janiw munkistuti, jiwasanakar q'al tukjañatakiw Egipto markat amorreonakan amparapar katuyañatak irpsunistu.

Deuteronomio 9:23

Ukatsti kunapachatix Tatitux Cadés-barnea chiqat sartawayapxañamatak arskäna, churapktam uka uraqi katuntasir sarañataki ukapachaxa, ukhamarakiw jumanakax arsutanakapar jan ist'apktati, janiw jupar iyawsañanakamas utjkänti, janirakiw jaysapkäyätasa.

Hebreos 3:16

¿Khitinakarak Diosan arup ist'kas kutkatasipxänsti? Moisesax khitinakarutix Egipto uraqit irpsunkäna ukanakänwa.

Judas 1:16

Taqi kunat tuqisipxi, k'umipxaraki, jupanakan kipka amtäwinakap phuqhañatakikiw thaqhapxi. Jach'a jach'a tukusaw parlapxi, mayninakarusti jupanakat aski katuqañatakikiw llunk'usipxi.