Números 14:19 - Qullan Arunaka DC

¹⁹ Tatay, munasiñamax sinti jach'awa, aka markan juchanakap pampachakimaya, kamisatix Egiptot akakam khuyapt'ayaskta ukhama.

Aymar Bibliia 1986

¹⁹ Juman munasiñamasti sinti jach'awa, perdonamay aca marcan juchanacapjja, niyaquejjay jupanacat qhuyapayasstajja, Egiptotpacha aca chekcama.

Qullan Arunaca

¹⁹ Juman munasiñamasti sinti jach'awa, perdonamay aca marcan juchanacapjja, niyaquejjay jupanacat qhuyapayasstajja, Egiptotpacha aca chekcama.

Números 14:19 Jak'a apnaqawi uñst'ayäwi

1 Reyes 8:34

jumax alaxpachatpach ist'anim, juchanakapsa pampacharakim, ukatsti nayra awkinakapar churktas uka uraqiparurakiy kuttayanxam.

Salmos 106:45

jupanakamp arust'äwi luratat amtasïna, jach'a khuyapayasiñampiw ch'allxtayasïna, ukat jan mutuykxänti:

Salmos 78:38

Diosasti jupanakat khuyapayasïnwa, ñanqha luratanakap pampachäna, janiw jupanakarux tukjkänti; walja kutiw q'apisiñap t'akurayasïna, janiw phiñasiñapampi atipjayaskänti.

Salmos 85:2

2 (3) markaman ñanqha luratanakap pampachtawa, taqpach juchanakapax pampachatawa;

Éxodo 32:32

Jupanakar juchanakap pampachakimaya; jan pampachkäta ukasti, ¡juman qillqatamat nayan sutix apsxita! —sasa.

Éxodo 33:17

Tatitusti sarakïnwa: —Kuntix siskta ukxa, lurarakïwa, arsutamar jaysatax layku, nayraqataxan khuyapayasiñax jikxatatam laykuraki —sasa.

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Isaías 55:7

Qhuru jaqix sarnaqäwip apanukpan, ñanqha amtañan jaqisti uka amtañanakap apanukpan; ukatsti Tatitun ukar kuttanxapxam, jupasti jumanakat khuyapayasipxätamwa; Diosasar makhatxapxam, jupasti juchanak pampachañatakix jank'akiwa.

Daniel (hebreo) 9:19

¡Tatay, Tatay! ¡Ist'apxitaya, juchanakax pampachapxitaya! ¡Tatay uñtanipxitaya, nanakar yanapt'ir jutakimaya! Tatituxay, juman jach'a sutim layku, markam layku, sutim art'asinir jaqinakam layku, jank'akiy jutam.’

Amós 7:2

Kunapachatix t'iju t'ijunakax qhipa ch'uxñanakamppacha manq'antkäna ukkhaw sista: —¡Tatay, pampacht'apxita! ¿Kamisarak taqi akanak mutupxästi? Nanakax mä jisk'a markakïpxstxaya —sasa.

Amós 7:5

Ukat Tatitur mayta: —Tatay, suyt'akim, ¿kamisarak Jacob jisk'a markamasti uka taripäwim mutunisti? —sasa.

Jonás 3:10

Ukatsti Tatitux Nínive markankir jaqinakarux jan wali sarnaqäwinakap apanukur uñjäna, ukat jupanakat khuyapt'ayasïna, janirakiw kuna mutuñatix jutañapäkän uksa apayankxänti.

Jonás 4:2

Ukat Tatiturux mayisïna, akham sasa: —Tatay, markaxankaskäyät ukkhax akhamäñapxa yatipuniyätwa. Ukat Tarsis markar jaltañar uchasta, nayax juman khuyapayasiri, llamp'u chuyman Diosätam yattwa, janiw ukspach phiñasktati; jach'a munasiñanïtam laykux mutuyañatak amtkta uksa, amthapisisax janiw ukham lurkxtati.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Habacuc 3:2

Tatay, kuntix juma tuqit ist'ktxa, ukhamarak taqi luräwinakamatsa, ukasti nayatakix wali muspharkañawa. Kunja jach'a luräwinaktix khä urunakan lurkäyäta ukanakxa, jichhax jakawinakaxan lurakimaya, ukhamat nanakax uka luräwinakam uñt'apxañaxataki. Phiñasiñaman jikxataskasasa, khuyapt'ayasiñam uñacht'ayapxita.

Números 23:21

Tatitux Israel markan reyipawa. Jupax markap taypin jakaski. Tatitux janiw jupanakan jan walt'añap munkiti, janiw jupanakar ñanqhsa lurañ munkiti.

Santiago 5:15

Iyawsañampi Tatitur mayipkät ukkhaxa, usutax k'umaraptaniwa, Tatituw juparux sartayani; juchanïchi ukas pampachatäniwa.