Números 14:18 - Qullan Arunaka DC

¹⁸ “Janiw jank'ak phiñasirïkti, khuyapayasiñaxax jan tukuskiriwa, ñanqha luratsa, nayatak sayt'asiñanaksa pampachtwa, juchanirux mutuyapuntwa, awkimpina taykampin jucha luratanakapatxa, wawanakaparu, allchhinakaparu, allchhinakan allchhinakaparuw mutuyarakta” sasa.

Aymar Bibliia 1986

¹⁸ “Janiw janc'aqui colerasirïcti, wali jach'aw qhuyapayasiñajjajja, uqhamarac perdonaractwa ñankhanacsa, naya contra sayt'asiñanacsa, janiraquiw juchanirojj jan mutuyata jaytcaractti jan ucasti mutuyaractawa awquinacapan juchanacapatjja wawanacapan wawanacaparu” sasa.

Qullan Arunaca

¹⁸ “Janiw janc'aqui colerasirïcti, wali jach'aw qhuyapayasiñajjajja, uqhamarac perdonaractwa ñankhanacsa, naya contra sayt'asiñanacsa, janiraquiw juchanirojj jan mutuyata jaytcaractti jan ucasti mutuyaractawa awquinacapan juchanacapatjja wawanacapan wawanacaparu” sasa.

Números 14:18 Jak'a apnaqawi uñst'ayäwi

Nehemías 9:17

Kuna jach'a luräwinaktix jupanak layku lurkta uk janiw jupanakax ist'añ munapkänti, janirakiw amtañsa munapkänti. Jupanakax chuymanakap qalarayasisax mä jilïri ajllisipxäna, Egiptor wasitatampi t'aqhisiyatäñaru irpañapataki. Ukampis jumax pampachasir Tatitütawa, munasiri, khuyapayasir Tatitütawa, llamp'u chuymanïtawa, janiw jank'ak phiñasktati, munasiñamax jach'awa, ukat jupanakar jan jaytanukktati.

Job 21:19

Satarakiwa: “Diosax awkinakapan juchanakapat wawanakaruw t'aqhisiyi” sasa. Ukampis pachpa ñanqha lurir jaqiw t'aqhisiskañapa, juchapatsa phuqhaskañaparaki.

Salmos 103:8

Tatitux munasiriwa, khuyapayasiriwa; janiw mäk q'apisirïkiti, khuyapayasiñan phuqhantatawa.

Salmos 108:4

4 (5) Munasiñamax alaxpachat juk'amp jach'awa. ¡Aski kankañamax alaxpachkamaw puri!

Salmos 109:14

Awkipan ñanqha luratanakap Tatitux amtaspan, taykapan juchapsti janirak pampachpati;

Salmos 145:8

Tatitux suma jaqiwa, khuyapayirirakiwa, q'apisiñapax k'achakiwa, munasiñapasti jilarkiriwa.

Salmos 78:38

Diosasti jupanakat khuyapayasïnwa, ñanqha luratanakap pampachäna, janiw jupanakarux tukjkänti; walja kutiw q'apisiñap t'akurayasïna, janiw phiñasiñapampi atipjayaskänti.

Salmos 86:15

Jumasti, Tatay, khuyapayasir Diosätawa, llamp'u chuymani, munasiñani, aski Diosätawa.

Éxodo 20:5

Janiw uka diosanakatak killt'asïtati, janirakiw yupaychätasa, nayaw juman Tatit Diosamätxa, jan yaqhampïñam munir Diosätwa, nayar uñisir awkinakan juchapatxa, nayaw wawanakaparusa, allchhinakaparusa, allchhinakan allchhinakaparus mutuyta;

Éxodo 20:6

ukampis nayar munirinakaru, kamachi arunakaxar phuqhirinakarux wawanakapan wawanakaparuw khuyapt'ayta.

Jeremías 23:2

Israelan Tatitu Diosapasti, kawkïr awatirinakatix markap apnaqapki ukanakarux siwa: “Jumanakax ovejanakaxar ananukupxtawa, chhuktayapxtawa, janiw sum awatipktati. Jichhax walikiwa, nayax taqi jan wali luräwinakamat walpun mutuyapxäma. Naya, Tatituw uk arsta.

Jeremías 32:18

Jumasti jaqinakarux khuyapayasiñam wawanakapan wawanakaparuw uñacht'aytaxa, awkinakapan juchanakapatxa, uka jaqinakarux mutuyaraktawa. ¡Jach'a ch'amani Tatitu, sutimax Taqi Ch'amani Tatitu satawa!

Lamentaciones 5:7

Nayra awkinakaxaw juch lurapxäna, ukampis nanakaruw ukanakat Tatitux mutuyapxitu.

Jonás 4:2

Ukat Tatiturux mayisïna, akham sasa: —Tatay, markaxankaskäyät ukkhax akhamäñapxa yatipuniyätwa. Ukat Tarsis markar jaltañar uchasta, nayax juman khuyapayasiri, llamp'u chuyman Diosätam yattwa, janiw ukspach phiñasktati; jach'a munasiñanïtam laykux mutuyañatak amtkta uksa, amthapisisax janiw ukham lurkxtati.

Miqueas 7:18

Janiw yaqha Diosax jumjam utjkiti, khitinakatix markamat jilt'apki uka juk'aniruxa, ñanqha luratanakap jumax pampachtawa, jumataki sayt'asitanakapsa armaraktawa. Juman munasiñaman jach'ätap layku, q'apisiñamsa janirakiw wiñayatak katxäsktati.

Números 14:17

Ukat jichhax Tatay, jach'a ch'amam uñacht'ayañamatak mayt'asinsma. Juma pachpaw sistaxa:

Números 23:21

Tatitux Israel markan reyipawa. Jupax markap taypin jakaski. Tatitux janiw jupanakan jan walt'añap munkiti, janiw jupanakar ñanqhsa lurañ munkiti.

Romanos 5:21

Kamisatix juchax jiwañ apanis utjantasïnxa, ukhamarakiw Diosan munasiñapax jiwasar aski jaqir tukt'ayasa, Jesucristo Tatitus tuqi wiñay jakañ churas utjantasïna.

Deuteronomio 5:10

ukampisa munasiñampiw uñjarakta, khitinakatix nayar munasipkitu, kamachi arunakaxsa phuqhapkaraki jupanakan waranqa mita wawanakan saraqirinakaparusa.

Deuteronomio 5:9

Janiw ukanakar killisïtati yupaycharakïtasa; nayätwa Tatit Diosamaxa, janiw yaqhampïpxañam munkti. Nayasti nayar uñisiri awkinakan juchanakapat wawanakapan wawanakaparuw mutuyta;

Deuteronomio 7:10

Ukampis jupar uñisirinakarux jank'akiw t'unjaraki.

Deuteronomio 7:9

Yatipxam, Tatit Diosax chiqa Diosawa, jupakirakiw arust'äwipsa munasiñampi wawanakapana, wawanakapamp phuqharaki, jupar taqi chuymampi munasirinakaru, kamachi arunakapsa phuqhirinakaru.