Números 13:33 - Qullan Arunaka DC

³³ Jach'a tansa jaqinak uñjanipxarakta, Anac chachan wawanakaparu. Nanakasti jupanak thiyanxa, t'iju t'ijunakar uñtatakiw uñjasipxta, jupanakas ukham uñjapxarakitu —sasa.

Aymar Bibliia 1986

³³ Uqhamaraquiw uñjapjjta wali jach'a tansa jakenaca, Anac chachan wawanacapa, jupanac thiyansti nanacajj t'ijut'ijunacjamaquiw uñjasipjjta, uqhamaracwa jupanacas uñjapjjaraquitu —sasa.

Qullan Arunaca

³³ Uqhamaraquiw uñjapjjta wali jach'a tansa jakenaca, Anac chachan wawanacapa, jupanac thiyansti nanacajj t'ijut'ijunacjamaquiw uñjasipjjta, uqhamaracwa jupanacas uñjapjjaraquitu —sasa.

Números 13:33 Jak'a apnaqawi uñst'ayäwi

Génesis 6:4

Kunapachatix Tatit Diosan wawanakapax jaqinakan phuchhanakapampi wawanïñatak mayachasipxän ukkhaxa, wali jach'a tansa jaqinakaw aka uraqin uñstäna. Jupanakasti nuwasiñatakix wali ch'amani jaqinakänwa, wali aytata jaqinakat nayratpach uñt'atänwa.

1 Crónicas 11:23

Ukhamarakiw mä jach'a tansa egipcio jaqirus jiwayäna, uka jaqix niya pä metro chikatanjamänwa, lanzapas mä telaran lawapjam wali jach'arakïnwa. Benaías chachax mä lawampiw jawq'antäna, lanzap aparasax pachpa lanzapampiw jiwayäna.

Isaías 40:22

Tatitun utjäwipax alaxpachatsa juk'amp khurinkiwa, ukkhatpach jaqinakarux t'iju t'ijunakäkaspas ukham uñjaraki. Jupasti alaxpachxa utacht'añatakjamaw janatati, mä carpäkaspas ukhamarak janatati.

Números 13:22

Négueb wasaranjam mantasin Hebrón chiqakamaw puripxäna. Hebrón markax Soan sat egipcio marka utt'ayaskän ukat paqallq mara nayraw utt'ayasitayna. Uka markan Ahimán, Sesai, Talmai chachanakax jakapxäna, jupanakasti Anac sat jach'a tansa jaqin wawanakapänwa.

Números 13:28

Ukampis ukan jakir jaqinakax wali ch'amaninakawa, markanakasti wali jach'anakawa, suma uyuchrantatarakiwa. Anac sat jach'a tansa jaqin wawanakaparus uñjanipxtwa.

Números 14:1

Ukatsti israelitanakax warariñ qalltapxäna, uka arumasti jacht'asisaw qhantatipxarakïna.

Deuteronomio 1:28

Jichhasti, ¿kawkirurak sarañänisti? Jilanakasax sapxiwa, ukan wali ch'amani jach'a tansa jaqinak utjatapa, ukhamarak jach'a pirqanakan muyuntat markanak utjatapa, Anac jach'a tansa jaqin yuqanakaparus uñjapxataparaki. Taqi ukanakasti ch'am jiwt'ayapxitu’ sasa.

Deuteronomio 2:10

(Uka uraqix nayratpach emita sat jaqinakan jakäwipänwa, jupanakasti jach'a tansa jaqinakänwa, waljanïpxarakïnwa, Anac sat jach'a tansa jaqin wawanakapjam jach'a tansarakïnwa.

Deuteronomio 3:11

(Og sat reyikiw refaíta sat jach'a tansa jaqinakat qhiparxäna. Ikiñapax hierrot luratänwa; sayt'urux pusi metronïnwa iranarusti pä metronïnwa. Uka ikiñasti jichhakamaw amonitanakan Rabá sat markapan utjaski.)

Deuteronomio 9:2

markachirinakapasti jach'a tansa jaqinakawa, Anac sat jach'a tansa jaqin saraqirinakapjama, jumanakasti aka säwi yatxapxtawa: ‘¿Khitirak Anac jach'a tansa jaqin wawanakapar saykataspasti?’ sasa.

Josué 11:21

Khä urunakanxa, Josué chachax Hebrón qulluna, Debir, Anab markan jakapki uka anaquita sat jaqinakan markanakapar katuntasin q'alpun tukjäna, ukhamarak Judá, Israelan qullunakapan jakirinakarusa,

Josué 14:12

Ukat jichhax jumar maysma uka qullu chiqanak nayar churañamataki, kunjämtix Tatitux arsuwaykitu ukhamarjama. Jumasti yattawa Anac sat jach'a tansa jaqit saraqir wawanakapan uka urunakatpach uka chiqan jakapxatapxa, markanakapasa jach'anaka, wali suma uyuchrantat markanakätapa. Ukampis nayax Tatitun yanapapampix uka chiqat jupanakarux jaqunuküwa, kunjämtix Tatitux arsuwayki ukhamarjama” sasa.

Josué 15:14

Caleb chachax uka chiqat Anac chachan kimsa wawanakaparuw jaqunuküna, Sesai, Ahimán, Talmai jupanakaru.

1 Samuel 17:24

Israelitanakasti uka chachar uñjasax wal axsarapxäna, jupan nayraqatapsti jaltxapxarakïnwa,

1 Samuel 17:42

Kunapachatix filisteo jaqix Davidar uñkatkän ukkhaxa, sinti wawäskatapa, wilal janchini, suma uñnaqt'anirak amuyäna, ukatsti janiw yäqkänti,