Números 12:8 - Qullan Arunaka DC

⁸ jupampisti ajanuy ajanuw parlta, qhana arunakampiraki. Jupatix ajanuy ajanu uñjchitu ukasti, ¿kunatarak jumanakasti jupar k'umipxtasti?” sasa.

Aymar Bibliia 1986

⁸ Jupampisti ajanuy ajanuwa parlapjjtjja, khana arunacampi. Jupasti ajanuy ajanuw uñjitu, ¿cunatarac jumanacasti jupjjata jan wali arunac parlapjjtasti?” sasa.

Qullan Arunaca

⁸ Jupampisti ajanuy ajanuwa parlapjjtjja, khana arunacampi. Jupasti ajanuy ajanuw uñjitu, ¿cunatarac jumanacasti jupjjata jan wali arunac parlapjjtasti?” sasa.

Números 12:8 Jak'a apnaqawi uñst'ayäwi

Génesis 32:30

30 (31) Jacobusti uka chiqarux Penuel sasaw sutichäna, sarakïnwa: “Diosarux ajanuy ajanuw uñkatta, ukampis jakaskaktwa” sasa.

Salmos 17:15

Nayasti kusisitaw jikxatasï; ajanuy ajanu jumar uñkatasina, ¡uñatatkä ukkhax nayraqataman jikxatasisina!

Salmos 49:4

4 (5) säwi arunak arsü; arpa toct'asin kuntix sañ munki uk qhanañchä.

Éxodo 19:19

Trompetan phust'atapasti juk'amp juk'ampiw jach'at ist'asïna. Moisesan parlataparusti, Diosax qhixu qhixu arumpiw jaysanïna.

Éxodo 20:4

“Janiw yaqha diosanak uñtat lurasïtati, alaxpachan utjir uñtatsa, aka uraqin utjir uñtatsa, quta manqha uraqin utjir uñtatsa.

Éxodo 33:11

Diosasti Moisesampix ajanuy ajanuw parläna, kamisatix mä jaqix jila masipamp parlaski ukhama, ukatsti Moisesax campamentoruw kutt'anxäna. Ukampis jupan yanapiripa, Nun chachan yuqapa Josué waynaxa, Tatitump Jikisiñ Carpat janipuniw mistunirïkänti.

Éxodo 33:19

Ukat Tatitux sarakïna: —Nayax khuyapayasiñaxat uñacht'ayäma, sutixsa juman ist'kañ arsurakï. Khitirutix nayax munkta ukaruw khuyapayä, khitirutix nayax munkta ukaruw yanapt'arakï.

Éxodo 33:23

Amparax ayaqasxä ukkhasti, jumax jikhanixak uñjäta; ukampis janiw ajanux uñjkätati —sasa.

Éxodo 34:30

Aaronampi, taqpach israelitanakampix Moisesan k'ajkir ajanup uñjasaxa, axsarayasipxänwa janiw jupar jak'achasiñ munapkänti.

Proverbios 1:6

yatiñan jaqinakan säwi arunakap jupan amuyt'añapataki, parlatanakapa, uñtasïwi arunakapa, jamusitanakap amuyt'añapataki.

Isaías 40:18

¿Khitimpirak Tatiturusti kikipayapxasmasti? ¿Kuna k'ari diosampirak jupar uñtasiyapxasmasti?

Isaías 46:5

“¿Khitimpis jumanakax kikipayapxitasma? Jan ukax, ¿khitir uñtatätcha?

Ezequiel 17:2

“Ezequiel, Israel markarux mä uñtasïwi tuqi amuyt'ayam.

Ezequiel 20:49

49 (5) Nayasti ukxarux saraktwa: “Tatay, jaqinakax sapxiwa nayax jan amuyt'kaña arunakak parlaskataxa” sasa.

Oseas 12:13

13 (14) Tatitux mä profeta tuqiw Egiptot Israel markarux irpsunïna. ¡Mä profeta tuqirakiw juparux sum uñjarakïna!

Números 14:14

Canaán uraqinkir jaqinakaruw yatiyapxani. Jupanakax ist'apxarakiw juma, Tatitun aka marka taypinkaskatama, ajanuy ajanu uñjayasitama, qinayamas jupanak patxankaskatapa; urunsti jupanakan nayraqatap mä qinay tuqi saraskatama, arumansti mä nina tuqirak saraskatama.

Números 7:89

Moisesax Tatitump parlañatak Jikisiñ Carpar mantkän ukapachasti, Tatitun jupar parlaskatap ist'äna, arust'äwi arcan qhuphiñ patapankir pä querubines sat chhiqhaninak taypita.

Mateo 13:35

Taqi akanakasti kunjämtix profetax qillqkatayna ukarjamaw phuqhasiskäna: “Uñtasïwinak tuqiw parlä; kunanakatix uraqi qalltäwitpach imantatäkän ukanak yatiyä.”

Lucas 10:16

“¡Khititix jumanakar ist'ki ukax nayaruw ist'itu; khititix jumanakar jan katuqapktam ukanakasti nayaruw jan katuqkituti; nayar jan katuqirïki ukasti khithankitu ukaruw jan katuqkiti!”

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 15:15

Janiw nayax jumanakar “uywatanaka” sas sutichapksmati, mä uywatax janiw uywiripan luratanakap yatkiti. Nayax jumanakarux “jila masinaka” sapxsmawa, kuntix Awkixax siskitu uk jumanakar yatiyatax layku.

Juan 15:24

Janitix nayax jupanak taypin jan khitis lurki ukanak jan lurkiriskäyätxa, janiw kuna juchanïpkasapänsa; ukampis jichhax taqi ukanak uñjxapxiwa, ukhampachas nayarusa, Awkixarus uñisisipkakituwa.

1 Corintios 13:12

Jichhasti Diosarux chhayphuk uñjtan; ukampis mä uruw ajanuy ajanu uñkatapxañäni. Jichhasti nayan yatiñaxax janiw phuqhatpachäkiti, ukampis mä uruw Diosarux uñt'ä, kunjämtix jupax nayar uñt'kitu ukhama.

2 Corintios 3:18

Ukatpï taqi jiwasanakax, ajanunakasan uka velompi jan imantatäxatap laykux, mä lirphur uñtatjamaw Tatitun qhapaq kankañapat k'ajtanxa, ukatsti jupar uñtataw tukupxaraktan, jupan qhanapax jiwasankatap layku, uksti Ajayükis uka Tatituw jiwasanakatak luri.

Deuteronomio 18:15

“Tatit Diosamax jumanak taypit nayjam mä profeta sayt'ayarakini, juparuw jumanakax ist'apxäta.

Deuteronomio 34:10

Israel marka taypinsti, janiw Moisés profetjamax yaqha profetax Tatitumpi ajanuy ajanu parlirix utjkxänti.

Deuteronomio 4:15

“Kunürutix Tatitux Horeb qullun nina taypit parlanipktam ukkhax janiw kunsa uñjapktati. Walpun ukanakat amuyasipxam,

Deuteronomio 5:8

“ ‘Janiw yaqha diosanak lurasïtati kunar uñtatsa, alaxpachankirir uñtatsa, aka uraqinkirir uñtatsa, quta manqhankirir uñtatsa.

Colosenses 1:15

Cristox Diosan Yuqapawa, jupasti taqi kunatix utjki ukat nayrïriwa; jan uñjkay Diosan ajanupawa.

1 Tesalonicenses 4:8

Ukhamasti khititix aka yatichäwir jisk'achki ukax janiw khiti jaqirus jisk'achkiti, jan ukasti Diosaruw jisk'achaski, khititix Qullan Ajayup churkistu ukaru.

1 Timoteo 6:16

Jupa sapakiw wiñay jakir Diosaxa, jupasti jan jak'kay jach'a qhana taypin jakaraki. Janiw khiti jaqis juparux uñjkiti, janirakiw uñjkanisa. ¡Jach'achatäñampi, ch'amanïñampix wiñayan wiñayapatak jupankiwa! Ukhamäpan.

Hebreos 1:1

Diosax khä urunakanxa, walja kutiw nayra awkinakasarux kunaymanita profetanak tuqi parläna.

Hebreos 1:3

Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,

2 Pedro 2:10

Khitinakatix ñanqha munañanakaparjam sarasipki ukanakarux Tatitux mutuyaniwa, jupan arunakapar jan ist'apki ukanakarus mutuyarakiniwa. Jupakanakasti jan ist'asiri, wali munañan jaqinakäpxiwa, janirakiw jupanakax angelanakar jan wali arunakamp tuqiñsa axsarapkiti.

Judas 1:8

Khitinakattix parlapksma uka jan wali jaqinakampix uka kipkarakiw lurasini. Jupanakax jan wali amuyunakampiw janchinakap q'añuchasipxi, Tatitun munañanïtaparux janiw jaysapkiti, alaxpach angelanakarus jisk'achapxarakiwa.