Números 11:25 - Qullan Arunaka DC

²⁵ Ukapachasti Tatitux qinayanjam saraqanisinxa, Moisesampiw parläna; ukatsti Moisesan utjkän uka ajayut apaqäna, ukatsti uka paqallq tunka jilïr jaqinakaruw churäna, ajayux jupanakxar purkän ukkhasti, jupanakax Tatitut katuqat arunak yatiyañ qalltapxäna; ukasti mä kutikiw ukham lurasïna.

Aymar Bibliia 1986

²⁵ Ucatsti Tatitu Diosajj kenayanjam sarakanisinjja, Moisesampiw parläna; ucapachasti Moisesan chicat ajayup catusinjja, uca pakallk tunca jilïrinacaruw churäna. Cunapachatejj ajayojj jupanac patjjaru purïn ucqhajj profetanacjamaw parlapjjäna, ucampis janiw mayampsa uqhamjja parlapcjjänti.

Qullan Arunaca

²⁵ Ucatsti Tatitu Diosajj kenayanjam sarakanisinjja, Moisesampiw parläna; ucapachasti Moisesan chicat ajayup catusinjja, uca pakallk tunca jilïrinacaruw churäna. Cunapachatejj ajayojj jupanac patjjaru purïn ucqhajj profetanacjamaw parlapjjäna, ucampis janiw mayampsa uqhamjja parlapcjjänti.

Números 11:25 Jak'a apnaqawi uñst'ayäwi

2 Reyes 2:15

Jericó markankir profetanakax Eliseor jawir khurkatankaskir uñjasax sapxänwa: “¡Jichhax Eliasan ajayupax Eliseompïxiwa!” sasa. Ukatsti jupanakax Eliseor jikxatiriw sarapxäna, jupan nayraqatapan alt'asisinxa,

Nehemías 9:20

Ukhamarus jumax suma chuymanïtam jupanakar uñacht'aytaxa, khuyapayasir ajayumampisti jakañ yaticharaktaxa; janipuniw alaxpach t'ant'a manq'añapataki pist'ayktati, umat pharjatäpkäna ukkhas uma churaraktaxa.

Salmos 99:7

Diosax qinay taypitpach jupanakarux parläna, kamachi arunakap churäna jupanakasti uka arunakap phuqhapxäna.

Éxodo 32:32

Jupanakar juchanakap pampachakimaya; jan pampachkäta ukasti, ¡juman qillqatamat nayan sutix apsxita! —sasa.

Éxodo 34:5

Ukatsti Tatitux qinayanjam saraqanïna, ukan Moisesamp parläna, jupan sutip arsusïna.

Éxodo 40:38

Israelitanakan taqi saräwipansti, jupanakan uñjkataw Tatitun qinayapax uru tuqirux Tatitumpi Jikisiñ Carpa patxankäna, arum tuqirusti mä ninaw uka patxankarakïna.

Isaías 63:11

Jupanakasti nayra pachanakat amtasipxi, khititix markapar qhispiyki uka Moisesat amtasipxi, jiskt'asipxarakïnwa: “¿Kawkinkarak Nilo jawirat Moisesar qhispiyki uka Diosasti? Uka Moisesax israelitanakan jilïripächixaya. ¿Kawkinkarak khititix Moisesar Qullan Ajayupa churki uka Diosasti?

Ezequiel 8:11

Ukatsti uñjaraktwa israelitanakan paqallqu tunka jilïr jaqinakaparu uka idolonakar yupaychaskiri, uka jilïrinak taypinsti Safán sat jaqin Jaazanías yuqapaw ukankarakïna. Sapa maynis incienso q'aphichañ wayt'atkamänwa, incienso jiwq'ix qinayar uñtataw misturakïna.

Números 11:17

Nayax saraqanisin jumar parläma, ukatsti juman ajayumat apaqasaw uka jilïr jaqinakar churä, jumar aka marka apnaqañ yanapt'añapataki; jan juma sapak taqi kun luraskañamataki.

Números 12:5

Ukapachaw Tatitux qinay taypinjam saraqanïna, ukatsti Jikisiñ Carpa mantañawjaruw sayt'asïna; ukatsti Aaronampiru, Mariampiruw jawsäna, jupanakax uñstapkän ukkhasti,

Números 16:25

Moisesasti sayt'asisin Datán, Abiram jaqinakan ukaruw saräna, jupamp chikasti Israelan jilïrinakapaw sararakïna.

Números 24:2

Balaamax Israel markarux ayllunakapatkam utjnuqtat uñjäna, ukhamaruw Tatitun ajayupax jupxar jutäna,

Números 27:18

Tatitusti Moisesarux sarakïnwa: —Josué sat Nun chachan yuqapar irpanim, jupax suma chuyman jaqiwa. Jupar amparamamp luqxatam,

Hechos 11:28

Uka profetanakat maynïriw utjäna Agabo sutini. Jupasti jilatanak taypin sayt'asisin Qullan Ajayu tuqi jupanakar yatiyäna: “Mä jach'a mach'aw taqpach uraqin utjani” sasa. Ukasti Claudio sat jach'a jilïrix marka apnaqkän ukapachaw phuqhasïna.

1 Corintios 14:32

Profecía arunakat yatiyañax profetan sarayatäñapawa;

Santiago 1:17

Kunatix askïki, chiqäki ukax alaxpachankir Diosat juti, jupax alaxpachankir warawaranak lurawayi. Diosax pachpakïskiwa, jupansti janiw mayjt'añasa, ch'amakt'añas utjkiti.

2 Pedro 1:21

profetanakax janipuniw kunsa jaqin amuyuparjam parlapkänti, jan ukasti, jupanakax Dios tuqit parlapxäna, Qullan Ajayun amuyt'ayata.

Jueces 3:10

Tatitun ajayupaw Otoniel chachxaru jutäna, jupaw israelitanakarux irptäna; nuwasiriw mistüna, ukatsti Tatitux Cusán-risataim reyiruw atipt'ayäna.

1 Samuel 10:10

Ukatsti Saúl waynampi uywatapampix Guibeá chiqar puripkäna ukkhaxa, mä tama profetanakaw jupanakar jikxatir mistunïna. Ukapachasti Diosan ajayupaw Saúl waynxarux jutäna, jupasti uka profetanakjamarakiw parläna.