Números 11:23 - Qullan Arunaka DC

²³ Ukampis Tatitux Moisesar sänwa: —¿Janis nayax ch'amanïkirista ukhamti amuyista? Jichhaw uñjäta, arsutaxax phuqhasiniti, janich phuqhaskani uka —sasa.

Aymar Bibliia 1986

²³ Ucampis Tatitojj sänwa: —¿Amuytati nayajj janis ch'amanïquirista uqhama? Jichhaw uñjäta phokhasiniti janich phokhasini arsutanacajjajj ucjja.

Qullan Arunaca

²³ Ucampis Tatitojj sänwa: —¿Amuytati nayajj janis ch'amanïquirista uqhama? Jichhaw uñjäta phokhasiniti janich phokhasini arsutanacajjajj ucjja.

Números 11:23 Jak'a apnaqawi uñst'ayäwi

Génesis 18:14

¿Tatitutakisti kuna lurañas ch'amäspati? Akat mä mararuw tumpt'ir kutt'anï, ukkhatakisti Sarax wawanïxaniwa —sasa.

2 Reyes 4:43

Uywatapasti ukxaruw säna: —¿Kunjämarak aksti patak jaqinakar churästi? —sasa. Eliseosti saskakïnwa: —Jaqinakan manq'apxañapatakix churaskakim, Tatitux siwa: “Manq'apxaniwa, ukatsti jilt'askakiniwa” —sasa.

2 Reyes 7:2

Reyin yanapiripasti ukxaruw profetar säna: —Tatitux alaxpachat ventananak jist'arankaspa ukasa, janiw kuntix sisktas ukax luraskaspati —sasa. Ukampis Eliseox saskakïnwa: —Jumax pachpa nayranakamampiw uñjäta, ukampis janiw uk manq'kätati —sasa.

Salmos 78:41

Wasitatsa, yant'asipkakïnwa; ¡Israelan Qullanaparuw llakisiyapxäna!

Éxodo 6:1

Tatitusti Moisesarux sarakïnwa: —Jichhaw uñjäta kuntix faraonar lurkä ukxa. Nayax ch'amax uñacht'aykä ukkhakiw markapat sarxapxañamatak antutapxätam, ukampis janiw saririkti antutapkätamxa, jan ukasti jupa pachpaw markapat sarxapxañamatak sapxätam.

Isaías 50:2

¿Kunatsa nayax jutkta ukapachax khitirus jan jikxatktxa? ¿Kunatsa jawsataxarux khitis jan jayskituxa? ¿Janit amuyapktasti nayan ch'amanïtaxa jumanakar qhispiyañatakisti? Nayatakix janiw kunäkis mä aru arsuñaxa, ukhamat quta wañt'ayañatakisa, jawiranakas ch'usa wasarar tukuñapatakisa; ukhamat chawllanakax umatjam jiwarañapataki, umatjam thujsantañapataki.

Isaías 59:1

Tatitux qhispiyañatakix taqi ch'amaniwa, ist'añatakis jank'akirakiwa.

Jeremías 14:9

¿Kunatsa mä luqhirat jaqjam tukta, ch'axwan nuwasir jaqir uñtat jan yanapt'asa? Ukampis Tatay, jumax nanak taypinkasktawa, nanakan juman markamätax taqiniw yatipxaraki; ¡janikiy nanakar apanukt'asipxistati!

Jeremías 32:17

‘Tatay, jumaw jach'a ch'amamampi alaxpachsa, akapachsa lurtaxa. Janiw jumatakix kunas jan lurasirjamax utjkiti.

Jeremías 32:27

“Nayätwa taqi jakirinakan ch'amani Diosapaxa. Janiw nayatakix kunas jan lurasirjamax utjkiti.

Ezequiel 12:25

naya, Tatitu kipkaw parlä, nayan arsut arunakasti jank'akiw phuqhasirakini. Jumanakpachaw ukanak uñjapxarakïta, nayatak sayt'asir jaqinaka; nayaw parlä, parlataxasti phuqhasipuniniwa. Naya, Tatituw uk arsurakta’ ” sasa.

Ezequiel 24:14

Naya, Tatituw uk arsta, ukasti ukhamapunïniwa. Naya kipkaw ukanak lurä, ukanaksti phuqhapunïwa; janipuniw khuyapt'ayaskäti, janirakiw chuymaxansa amtkäti. Taqi sarnaqäwimata, luräwinakamat mutuyapunïmawa. Naya, Tatituw uk arsta.’ ”

Daniel (hebreo) 6:20

20 (21) uka putur jak'achasisasti llakt'at arumpiw Danielar jawsäna: —Daniel, jakkiri Diosan luqtiripa, ¿taqi chuymamamp yupaychkta uka Diosamax leonanakan lakapat qhispiytamti? —sasa.

Miqueas 2:7

Janiw Tatitux phiñasitäkiti sapxtawa, Tatitun luräwipax janiw ukhamäkiti sapxtawa. Khitinakatix askinak lurapki ukanakarux askinak churaraki sapxaraktawa.

Números 11:22

Nanakax apasinipkta uka vacanakampi, ovejanakampi taqpach kharirapkirista ukasa, jan ukax, qutan utjir taqpach chawllanak churksna ukasa, janiw taqinitak utjkaspati —sasa.

Números 23:19

Tatitux janiw jiwir jaqinakjamäkiti: janiw k'ariskiti, janirakiw amuyt'äwip mayjt'aykisa. Jupax arsutaparjam lurapuniwa. Jupax arsutap phuqhapuniwa.

Mateo 19:26

Jesusasti jupanakar uñtasin säna: —Jaqinakatakix taqi kunas wali ch'amawa, ukampis Diosatakix janiw ch'amäkiti —sasa.

Mateo 24:35

Alaxpachampi akapachampix tukusiniwa, arunakaxasti janiw tukuskaniti.

Lucas 1:37

Diosatakix janiw kunas ch'amäkiti —sasa.