Números 11:13 - Qullan Arunaka DC

¹³ Jupanakax jacht'asisaw nayan ukar jutapxitu: ‘Aycha manq'añatak churapxita’ sasa. ¿Kawkitarak akataq jaqinakar manq'ayañatak aycha apsüsti?

Aymar Bibliia 1986

¹³ ¿Cawqhatsa nayajj aycha apsü take aca jakenacar mank'ayañataquejja? Jacht'asisaw nayar jutapjjetu: “Aycha churapjjet mank'añataqui” sasa.

Qullan Arunaca

¹³ ¿Cawqhatsa nayajj aycha apsü take aca jakenacar mank'ayañataquejja? Jacht'asisaw nayar jutapjjetu: ‘Aycha churapjjet mank'añataqui’ sasa.

Números 11:13 Jak'a apnaqawi uñst'ayäwi

2 Reyes 4:43

Uywatapasti ukxaruw säna: —¿Kunjämarak aksti patak jaqinakar churästi? —sasa. Eliseosti saskakïnwa: —Jaqinakan manq'apxañapatakix churaskakim, Tatitux siwa: “Manq'apxaniwa, ukatsti jilt'askakiniwa” —sasa.

2 Reyes 7:2

Reyin yanapiripasti ukxaruw profetar säna: —Tatitux alaxpachat ventananak jist'arankaspa ukasa, janiw kuntix sisktas ukax luraskaspati —sasa. Ukampis Eliseox saskakïnwa: —Jumax pachpa nayranakamampiw uñjäta, ukampis janiw uk manq'kätati —sasa.

Números 11:20

jan ukasti phaxspachaw aycha manq'apxani, axtasiñkama, nasanakapat mistuyañkama, jupanak taypin jikxataskasasa, naya, Tatitur jisk'achapxatapata, naya nayräxan jachapxatapata: ‘¿Kunatakirak Egiptot mistunpachätansti?’ sapxatap layku.

Números 11:21

Moisesasti sänwa: —Tatay, ¿kawkitarak phaxspach manq'ayañamatak ukataq aycha apsütasti? Niya suxta patak waranqa chachanakawa, warminakar jan jakhusa.

Números 11:22

Nanakax apasinipkta uka vacanakampi, ovejanakampi taqpach kharirapkirista ukasa, jan ukax, qutan utjir taqpach chawllanak churksna ukasa, janiw taqinitak utjkaspati —sasa.

Mateo 15:33

Yatiqirinakapasti juparux sapxänwa: —Aka chiqan janiw khitis jakkiti. ¿Kawkitarak ukataq jaqitak manq'añ jikxatanipxästi? —sasa.

Marcos 8:4

Yatiqirinakapasti Jesusarux sapxänwa: —Aka chiqan janiw khitis jakkiti. ¿Kawkitarak ukataq jaqitak manq'añ jikxatanipxästi? —sasa.

Marcos 9:23

Jesusasti sänwa: —Jumatix iyawsasmaxa, lurasispawa. Iyawsir jaqitakix taqi kunas wakisikiwa —sasa.