Nehemías 7:3 - Qullan Arunaka DC

³ Panpacharuw sarakta: “Intix sum jalsunxani ukkhaw Jerusalén markan punkunakapax jist'arasini, jayp'thapxani ukkharakiw jist'antasxani, janïra uñjirinakax sarxapkan ukkha” sasa. Ukhamarakiw Jerusalenan jakirinak taypit uñch'ukirinak ajllirakta, ukhamata mayninakax uchatäki ukkhana, mayninakasti utanakap nayräxan uñch'ukipxañapataki.

Aymar Bibliia 1986

³ Ucatsti sistwa: —Janiw Jerusalén marcan puncunacapajj jist'arascaniti intin suma jalsuñapcamajja, ucatsti puncunacapajj jist'antasjjaniwa, uqhamarac trancanacapampis uchatäjjani uñjir chachanacajj uñjawipanjjani ucqhacama —sasa. Uqhamaraquiw ajlliracta uñch'uquirinaca uca pachpa Jerusalenan jaquirinacata, uqhamata uñch'uquipjjañapataqui, mayninacasti uñjäwinacapana, yakhanacasti utanacapa nayräjjanaraqui.

Qullan Arunaca

³ Ucatsti sistwa: —Janiw Jerusalén marcan puncunacapajj jist'arascaniti intin suma jalsuñapcamajja, ucatsti puncunacapajj jist'antasjjaniwa, uqhamarac trancanacapampis uchatäjjani uñjir chachanacajj uñjawipanjjani ucqhacama —sasa. Uqhamaraquiw ajlliracta uñch'uquirinaca uca pachpa Jerusalenan jaquirinacata, uqhamata uñch'uquipjjañapataqui, mayninacasti uñjäwinacapana, yakhanacasti utanacapa nayräjjanaraqui.

Nehemías 7:3 Jak'a apnaqawi uñst'ayäwi

Nehemías 13:19

Ukatsti arsuraktwa: intix jalantkan ukspacha, janïr sábado urux qalltkipan Jerusalenan punkunakap jist'antapxañapataki, ukatsti janirak uka uru phuqhasiñapkam jist'arapxañapataki. Ukxarusti yaqhip uywatanakaxaruw punkunakar ucharakta, sábado uruna jan kuna aljañanaksa mantayaniñapataki.

Nehemías 3:23

Benjamín sacerdotempi, Hasub sacerdotempix utap uñkatasinkki uka pirqa askichapxäna. Ukatsti Maaseías chachan Azarías yuqapaxa, Ananías chachan allchhipäkaraki ukax utapa jak'ankkis uka pirq askichäna.

Nehemías 7:2

Jerusalén marka apnaqañapatakisti Hananí jilaxaruw uchta, Hananías chacharusti reyin jach'a utapan jilïripat ucharakta, jupax aski jaqïnwa, ukhamarus yaqha jaqinakat sipan Tatitur axsartirïnwa.

Nehemías 7:4

Jerusalén markax wali jach'änwa, ukampis juk'a jaqinikirakïnwa, utanakan janïra wasitat askichatätap layku.

Salmos 127:1

Tatitutix jan utachkaspaxa, inamayakiw utachirinakax ch'am tukusipkaspa; Tatitutix markar jan imkaspaxa, inamayakiw marka uñjirinakax uñch'ukisipkaspa.

Salmos 147:13

Jupaw punkunakaman jist'añanakap thuruñchi, wawanakamarusti marka taypin jach'añchi.

Mateo 10:16

“¡Amuyasipxam! Nayasti jumanakarux ovejanakjam qamaqinak taypiruw khithapxsma. Katarinakjam ch'ikhïpxam, palomanakjam llamp'u chuymanïpxarakim.