Nehemías 2:3 - Qullan Arunaka DC

³ ukat reyir sista: —¡Wiñayataki reyix jakpan! ¿Kamisarak jan llakitäyästi, kawkhantix awkinakaxan janchinakapax imantatäki uka markan tukjatätapata, punkunakapas ninamp nakhantayatätapatsti? —sasa.

Aymar Bibliia 1986

³ reyirojj ucat sistwa: —¡Wiñayataqui reyejj jacpan! ¿Camisarac jan llaquitäyästi cawqhantejja awquinacajjana janchinacapajja imantatäqui uca marcan tucjatätapata, uqhamaraqui puncunacapasa ninampi naqhantayatätapatsti? —sasa.

Qullan Arunaca

³ reyirojj ucat sistwa: —¡Wiñayataqui reyejj jacpan! ¿Camisarac jan llaquitäyästi cawqhantejja awquinacajjana janchinacapajja imantatäqui uca marcan tucjatätapata, uqhamaraqui puncunacapasa ninampi naqhantayatätapatsti? —sasa.

Nehemías 2:3 Jak'a apnaqawi uñst'ayäwi

1 Reyes 1:31

Betsabé warmisti reyin nayraqatapan parapa uraqir puriyañkamaw alt'asïna, ukat jach'at sarakïna: —¡David reyixax wiñayatak jach'añchatäpan! —sasa.

2 Reyes 25:8

Babiloniankir Nabucodonosor reyin marka apnaqatapax, tunka llätunkan maränwa, phisqïr phaxsin paqallq uru saraqatarusti, uka reyin ejercitopan Nebuzaradán sat capitanapax Jerusalenaruw purinïna

2 Crónicas 21:20

Joram chachax kimsa tunka payan maranïkän ukkhaw marka apnaqañ qalltäna, ukatsti Jerusalén markan kimsaqallq maraw marka apnaqäna. Jupan jiwxatapatsti janiw khiti jachiris utjkänti. Amayapxa Davidan Markaparuw imt'apxäna, janiw reyinakan imäwinakap jak'ar imapkänti.

2 Crónicas 28:27

Jupax jiwxäna ukkhasti, Jerusalén markan nayra awkinakap thiyaruw imt'xapxäna, janiw juparux Israelankir reyinakan amay imäwiparu apapkänti. Uka qhipatsti jupa lantix, Ezequías yuqapaw marka apnaqxäna.

2 Crónicas 32:33

Ezequiasax jiwxäna ukkhasti, Davidan wila masipan amay imäwipa alay chiqaruw imt'xapxäna, ukatsti taqpach Judá uraqinkirinaka, Jerusalenankir jaqinakaw juparux jach'ar aptapxäna; jupa lantisti Manasés yuqapaw marka apnaqxäna.

2 Crónicas 36:19

Ukxarusti Diosan utap phichhantayäna, Jerusalén markan uyu pirqanakapsa tinkjayänwa, reyi utanakapsa ninampiw phichhantayäna, ukatsti taqi kunatix jila alani yänakäki ukanakxa q'al tukjayarakïna.

Nehemías 1:3

Jupanakasti sapxituwa: “Khitinakatix jaya markar apatäñat jaltapki ukanakaxa, pachpankasipkiwa, jupanakax sinti jan walt'añan jikxatasipxi, wali t'aqhisiyatäpxarakiwa. Jerusalén markan pirqanakapasti tukjatawa, punkunakapas ninamp nakhantayatarakiwa” sasa.

Nehemías 2:13

Uka arumpachaw Qhirwa tuqir mistuñäkis uka punkunjam mistuwayta, Dragón sat uma jalsu tuqir sarasa, ukhamarak T'unanak Warañ punku tuqiru. Ukatsti Jerusalenan tukjat pirqanakapa, ukhamarak ninamp nakhantayat punkunakap uñakipta.

Ester (hebreo) 8:6

¡Janipuniw nayax markaxan t'unjatäñap munkiristi! ¡Janipuniw wila masinakaxan jiwarayat uñjasiñapsa munkiristi! —sasa.

Salmos 102:14

14 (15) Uywatanakamax markapan qalanakaparuw munasipxi, t'unjat pirqanakapat jachapxi.

Salmos 102:15

15 (16) Taqpach markanakaw Tatitun qhapaq sutip waqaychapxani, akapach reyinakasa, aytat kankañamatakiw axsarthapipxani,

Salmos 137:6

Jerusalén marka, janitix jumat amtaskä, janitix juk'ampi jumat kusiskä ukapachaxa, laxraxax lakaxar lip'katpan.

Salmos 38:7

7 (8) Jikhanixax ninjamaw nakhitu; ¡janchixas q'ala usuntatawa!

Jeremías 52:12

Nabucodonosor reyix Babilonia marka tunka llätunkan mara apnaqkän ukkha, phisqïr phaxsina tunka uru saraqataruw Nebuzaradán sat reyin yanapiripa, reyin uñjirinakapan jilïripäki ukax Jerusalén markar purinïna,

Lamentaciones 2:9

Markasti jan punkuni, jan jist'katañaniw uñjasi: ¡punkunakasti t'unjata, pampan liwirpayatawa! Reyipasa, jilïr apnaqirinakapas Tatitur jan uñt'irinakamp chikakïxiwa; Tatitun kamachinakapax janiw utjkxiti. ¡Janirakiw profetanakapas Tatitut kuna unañchäwinaksa katuqkxapxiti!

Daniel (hebreo) 2:4

Uka yatiñani jaqinakasti reyirux arameo arun sapxarakïna: —¡Jach'añchatäman rey! Munañan rey, nanaka luqtirimaru samkam yatiyapxita, nanakasti samkam qhanañchapxämawa —sasa.

Daniel (hebreo) 3:9

ukat sapxäna: —¡Munañan rey, wiñayatak jakam, sutimasti wiñay amtatarakïpan!

Daniel (hebreo) 5:10

Reyin taykapasti, yuqapana, ukhamaraki jawsayatanakan arnaqasitanakap ist'asinxa, manq'äwi jach'a utaruw mantawayäna, ukat reyir sarakïna: —Reyix wiñayatak jakpan. Jan juk'amp llakisimti, janirak axsarayasimsa,

Daniel (hebreo) 6:21

21 (22) Danielasti sarakïnwa: —¡Juma jach'a reyix wiñayatakiw jaktaxa!

Daniel (hebreo) 6:6

6 (7) Ukat uñjirinakasa, marka apnaqirinakas jupanakkam arust'asisin Darío reyimp parliriw sarapxäna, juparusti sapxänwa: —¡Jach'a munañan reyix wiñayatak jakpan!

Levítico 26:31

jumanakan markanakama, yaqha diosanakar yupaychañ utanakamsa t'unjarakïwa; kuntix jumanakax nayar luqtanipkitäta ukanakan q'aphinakapsa janiw katuqapkämati.