Nehemías 1:3 - Qullan Arunaka DC

³ Jupanakasti sapxituwa: “Khitinakatix jaya markar apatäñat jaltapki ukanakaxa, pachpankasipkiwa, jupanakax sinti jan walt'añan jikxatasipxi, wali t'aqhisiyatäpxarakiwa. Jerusalén markan pirqanakapasti tukjatawa, punkunakapas ninamp nakhantayatarakiwa” sasa.

Aymar Bibliia 1986

³ Ucatsti jupanacajj sapjjetuwa: “Qhitinacatejj jaya marcar apatäñata jaltapqui ucanacasti, pachpancasipquiwa, jupanacasti sinti jan walt'añanwa jicjjatasipjje, uqhamaraqui wali t'akhesiyatäpjjewa. Jerusalén marcan perkanacapasti tucjataraquiwa, uqhamaraqui puncunacapasa ninampi naqhantayataraqui” sasa.

Qullan Arunaca

³ Ucatsti jupanacajj sapjjetuwa: “Qhitinacatejj jaya marcar apatäñata jaltapqui ucanacasti, pachpancasipquiwa, jupanacasti sinti jan walt'añanwa jicjjatasipjje, uqhamaraqui wali t'akhesiyatäpjjewa. Jerusalén marcan perkanacapasti tucjataraquiwa, uqhamaraqui puncunacapasa ninampi naqhantayataraqui” sasa.

Nehemías 1:3 Jak'a apnaqawi uñst'ayäwi

1 Reyes 9:7

nayax Israel markarux jupanakar churat uraqitxa apanuküwa, qullanañchkta uka qullan utsa nayraqataxat apanuküwa, Israel markasti taqi markanakatakis larusiñatakïniwa.

2 Reyes 25:10

ukatsti jupamp chika jutkatayna uka babilonio ejercitox, Jerusalén markar muyuntki uka pirqanak tinkurayäna.

2 Crónicas 36:19

Ukxarusti Diosan utap phichhantayäna, Jerusalén markan uyu pirqanakapsa tinkjayänwa, reyi utanakapsa ninampiw phichhantayäna, ukatsti taqi kunatix jila alani yänakäki ukanakxa q'al tukjayarakïna.

Esdras 2:1

Nabucodonosor reyix walja judionakaruw Babilonia markar katuntat apäna. Jerusalén markar kutt'anirinakax uka katuntat judionakan wawanakapänwa. Jilïr irpirinakax Zorobabel chachan p'iqichataw Jerusalén markaru, ukhamarak Judá uraqin utjir markanakar kutt'anxapxäna. Jilïr irpirinakan sutinakapax akanakänwa: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm, Baaná, ukanaka. Maynïr kutt'anir judionakasti akanakänwa:

Nehemías 11:3

Ukxarusti, sacerdotenakasa, levitanakasa, Tatitun utapan yanapasirinakasa, Salomonan uywatanakapat saraqir wawanakapasa, ukat ukxar utjir israelitanakasa Judá uraqin jakañatakiw utt'asipxarakïna, sapa maynisa markapana, uraqipanaraki. Jerusalenan jakapkän uka aytat jilïr irpirinakax akanakawa:

Nehemías 2:13

Uka arumpachaw Qhirwa tuqir mistuñäkis uka punkunjam mistuwayta, Dragón sat uma jalsu tuqir sarasa, ukhamarak T'unanak Warañ punku tuqiru. Ukatsti Jerusalenan tukjat pirqanakapa, ukhamarak ninamp nakhantayat punkunakap uñakipta.

Nehemías 2:17

Ukat jupanakar sista: —Jumanakax askiw yatipxtaxa jiwasanakan jan walt'añan jikxatasipxatasxa, Jerusalenax sinti tukjatawa, punkunakapas nakhantatarakiwa. Jumanakasti nayamp chik mayacht'asipxam, Jerusalenan pirqanakap wasitat sayt'ayañataki, jiwasat jan juk'amp larusipxañapataki —sasa.

Nehemías 2:3

ukat reyir sista: —¡Wiñayataki reyix jakpan! ¿Kamisarak jan llakitäyästi, kawkhantix awkinakaxan janchinakapax imantatäki uka markan tukjatätapata, punkunakapas ninamp nakhantayatätapatsti? —sasa.

Nehemías 7:6

“Akanakawa Judá uraqin yurir israelitanakan sutinakapaxa, jupanakasti Babilonia markar Nabucodonosor reyin apataw uñjasipxäna, apatäsinsti Jerusalenaruw kutt'anxapxäna, ukhamarak Judänkir yaqha chiqanakaru, sapa maynisa markaparkama, jupanakarux aka jilïr irpirinakaw yanapapxäna: Zorobabel, Josué, Nehemías, Azarías, Raamías, Nahamaní, Mardoqueo, Bilsán, Mispéret, Bigvai, Nehúm, Baaná uka chachanaka.

Ester (hebreo) 1:1

Asuero reyix Persia jach'a marka apnaqkäna uka urunakan taqi akanakax lurasïna. Uka markasti pataka pä tunka paqallquni suyunakanïnwa, India chiqat qalltasa Etiopía chiqakama.

Salmos 79:4

Nanak jak'an utjir markanakan phiskasiñapäpxtwa; nanakar muyuntirinakan larusiñapäpxaraktwa.

Proverbios 25:28

Jalta chuymap jan apnaqañ yatir jaqix, jan pirqani, chijitak jan wakichat markar uñtatawa.

Isaías 43:28

apnaqirinakamasti nayan utaxsa takisipxänwa, ukatpï naya sapa Diosaxa, Israel markan t'unjatäñapataki, jisk'achjatäñapatakix apanuktxa.

Isaías 5:5

Walikiwa, jumanakaw nayan uva yapuxäpxtaxa, jichhax kuntix jumanakampi lurañ amtkta uk sapxäma: tukjatäpxañamatakix janiw arxatxapxämati, markaman pirqapsti aptxarakïwa ukhamat taksutäpxañamataki;

Jeremías 24:9

Jupanakarusti yaqha markanakatakis axtaskañ tukuyä, jisk'achjata, apanukuta, ñanqhachjata ukhamaw kawki markanakarutix nayax ananukkä uka markanakan sarnaqapxani.

Jeremías 29:18

Nayasti nuwasiñampi, mach'ampi, kunayman usunakampiw arknaqapxäma. Taqi aka uraqinkir markanakampisti axtasiyapxämawa, taqinin uñjkañ jumanakarux ñanqhachapxäma, mä p'inqa tukjapxarakïma, kawkïr markanakarutix apanukut uñjasipkäta ukansti jumanakax axsarkaña, mulljaskañäpxarakïtawa.

Jeremías 39:8

Babilonionakasti reyin utaparu, markan utjkis taqi utanakarus ninampiw phichhantapxäna, Jerusalén markan pirqanakapsti q'al allinukupxarakïna.

Jeremías 42:18

“Israelan Diosapa, taqi ch'aman Tatitusti siwa: ‘Kunjämatix phiñasiñaxampi qhuruchasiñaxampix taqi khitinakatix Jerusalén markan jakapkäna ukanakatak ninjam aqtänxa, ukhamarakiw jumanak tuqix phiñasiñaxax aqtani jumanakatix Egiptor sarapkäta ukapachaxa. Jumanakax jaqinsa uñtkañ ñanqhachatäpxätawa, axsarkañ tukjataw uñjasipxarakïta, janirakiw mayampsa aka uraqi uñjapkxätati’ sasa.

Jeremías 5:10

¡Jichhax uñisirinakapax mantanpan, ukatsti uva yapunakap tukjpan, janis taqpach tukjapkchini ukasa! ¡Layminakap qhaqharapxpan, janiw jichhax uva yapuxäkxiti!

Jeremías 52:14

Ukatsti jupamp chik jutir ejercitosti Jerusalén markan pirqanakap q'al tinkurayäna.

Lamentaciones 1:7

Jerusalén markax khaya urunakat amtasi, sapaki, llakt'ata qhiparkäna uka urunakat amtasi; kuna qamir yänakapatix nayrax utjkäna taqi ukanakat amtasi; kunjämsa uñisiripan amparapar jalt'käna uk amtasi, janiraki khitis jupar yanapt'iri jutkänti ukanak amtasi, kunapachatix uñisirinakapax jupar uñjasinxa, aynacht'atapat larusipkäna uk amtasiraki.

Lamentaciones 2:9

Markasti jan punkuni, jan jist'katañaniw uñjasi: ¡punkunakasti t'unjata, pampan liwirpayatawa! Reyipasa, jilïr apnaqirinakapas Tatitur jan uñt'irinakamp chikakïxiwa; Tatitun kamachinakapax janiw utjkxiti. ¡Janirakiw profetanakapas Tatitut kuna unañchäwinaksa katuqkxapxiti!

Lamentaciones 3:61

Tatay, nayar chuyma usuchjatanakap ist'amaya, nayataki jan wali amtatanakap uñjarakimaya;

Lamentaciones 5:1

Tatay, aynacht'atanakaxat amtasimaya; ñanqhachapkitu uksa uñtanimaya.

Levítico 26:31

jumanakan markanakama, yaqha diosanakar yupaychañ utanakamsa t'unjarakïwa; kuntix jumanakax nayar luqtanipkitäta ukanakan q'aphinakapsa janiw katuqapkämati.

Levítico 26:33

Jumanakarux markanak taypiruw ananukupxäma, espadampi jiwayañatakiw arknaqapxäma; uraqimasti ch'usa wasarar tukutaw uñjasini, markanakamas axsarkañ q'ala t'unjataw uñjasini.